1 KORINTHNYI 9
9
Apostel Kesü Kemeshon nu Kekuli Keben
1Hi mangla kekhenkeghe nkemi nyi kesü nye kwe? Hi apostel kesü nye kwe? Hi ithu Pvüwa Jisu nmu kwe? Hi Apvüwa kekuli kesa ghena nthu hati sa meya kwe? 2Keujüla anyi kepathu na hi pi apostel kesü le nsala lela nthu na hi pi apostel kesü le kesa-u le! Kepaghenanye nthu kahang Apvüwa wi benkeya tsü ma jjügi na hi apostel kesü le kesa chüti keya.
3Anyithu na hi kethen wi hi hati nu hi ketanla isheipiden: 4Hi kekuli ghena kedsakejjü pi hi kecü-u nye kwe? 5Apostel kepathu, Apvüwa cünyuthu nu Pitor, mathu na sa kiden ti hi la awubvü gweghe kijünyi kewa-u nye kwe? 6Nyelela Barnaba ishinyi ketan apvü-nmen ghena kuli nu kedsa-u kwe? 7Süpahi thowa na ma ketanla ma thün sa nu kekuli saten nu? Allikeca thowa na kemeshentsse ton pi sheng nu mabi la dsa nten nu? Anenikehie thowa na khaghaneni kicen nu ma tsenitssü sen nten nu?
8Hi keshüthangla sa ketenthu tsütsonca ketan khi nbenla mehai, kepaghenanye Ayenwa la makesü khiben. 9#Aye 25.4; 1 Th 5.18 Ithu na Mosa Yenwa wi si yaben, “Nthu amesü süpon ssinu asu ghaceng keben wi tsü ma pang bhen nsala.” Ha Anyiza na amesü cüki khiben kwe? 10Ma ithu ghena khi nben kwe? Anle, ha ithu ghena zhütheng. Kepaghenanye allikecathu na mathu shei asu muya benle nondi nu mathu kekuli tsü saden. 11#Rom 15.27 Ikhang na aghamulen wi amacü pi nthu jawi vvüchidha. Keujüla ikhang na nthu wi asajjü wi kekiyi muya lethu, tsüna ji mtsü kwe? 12Keujüla kepathu na nthu wi tsüthu kaghang-u na ben lethu, ikhang na tsü miwi ji kayi kaghang-u nye kwe?
Isala ikhang na keya-u hawa ha meya. Tsüti kesawa nye, ikhang na Khrista cüki Jühtheü Kemehaiwa tsü len nkhenle kesalina alentagha wi kekheneng benden. 13#Aye 18.1 Kekinyijjen wi kekulithu na Kekinyijjen wi mathu kedsakejjü muyaten nu kekinyipen wi ahhansha sa ketenthu na ahhansha kesa wi mathu shei muyaden kesa nthu na chübenla metsi. 14Tsü makesü, Apvüwa na Ajühkemehaiwa pi khi ketenthu ciwi mathu kedsakejjü mu keya-u le kesa ahza khuchi theng.
15Isala hi keya-u hathu ha kesüla meya, nyelela hi khili tsüthu tsü yale kesa ghena ha zhüchi nben. Anyi kesüla hi keya-u meyala kesa kekapvüwa ha pi ma men nkemi sa kesa tsü hi atuwa sa shü kesawa la mehai le! 16Hi ajühkemehaiwa pi kekhi ghena ketan kekapvü-u nmi. Kepaghenanye hi tsüti nsathu yishü kesa ahza na ben. Isala keujüla hi Ajühkemehaiwa tsü pi nkhila lethu, ighena khatila kemessi ben nu! 17Keujüla hi kemeshen wina kekuli ha sa lethu, hi akutimen muya kesa, isala hi ha kesa-u wina saben, kepaghenanye Anyiza na kekuli ha pi hi dhen chitheng. 18Isathu, hi akutimen khati kemu-u nu? Tsüna ma men nsala Jühtheü Kemehaiwa pi nyu kesansi nu Ajühkemehaiwa ghena kekuli wi hi keya-u nkemekawa tsü le!
19Hi mangla kekhenkeghe nkemi nyi kesü, tho nssümagha la nsa; isala hi saya kemehai chu anyi kejon zanyale kesalina hi ketanla hi pi anyi tsüdi nssümaghawa saden. 20Hi Judah nyithu gweghe kekuli wi mathu zanyale kesalina hi Judah nyi kesü ti hangden; nu hi Mosa Yenwa kekhu wi nben lela hi tsü kekhu wi kebenthu gweghe kekuli wi mathu zanyale kesalina hi Ayenwa kekhu wi keben ti hangden. 21Tsü makesü, Judah nyi nkenyethu gweghe kekuli wi hi Judah nyi nkenyethu zanyale kesalina hi Judah nyi Yenwa na ameiwa keben Judah nyi nkenye kesü ti hangden. Tsü ma jjügi hi Anyiza Yenwa tsü nie nten kesa nye; hi ntsakhiwa Khrista yenwa kekhu wi benden. 22Hi kenondi nkekhangthu jawi mathu zanyale kesalina hi mathu nkekhang meshu kesü ti saden. Tsalina hi saya kemehai chu alentagha wina anyi pahan hangshayale kesalina hi pala tsüdi wi anyi tsüdi ti saden.
23Hi hathu tsüdi kesa hana Ajühkemehaiwa nu ciwi kemihhi keben tsü muya thsüle kesa ghena. 24Kebvü kejjütseli wi anyi kejon na bvüden, isala meshu kesütan khangkeya kutimen muyaten kesa nthu na chübenla metsi. Isathu, nthu la tsüti bvü nu khangkeya kutimen muyalo. 25Keponli tsüdi wi ma yenwa tsü mehaitsü nieden; mathu na dedia keten ji tsü muyale tsüti saden, isala ithu na anuphan ben keten ji ghena kuliden. 26Tsalina hi kemtsü nmila bvü nten; nyelela ikwen pi ameghü tsü kaghacang shon nten. 27Hi nyu kesansi wi nyu hi nkeya mvuwa tsü nsa thsüle kesalina hi ketanla igwo shon pi satezü nu kekhenengden.
Currently Selected:
1 KORINTHNYI 9: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 9
9
Apostel Kesü Kemeshon nu Kekuli Keben
1Hi mangla kekhenkeghe nkemi nyi kesü nye kwe? Hi apostel kesü nye kwe? Hi ithu Pvüwa Jisu nmu kwe? Hi Apvüwa kekuli kesa ghena nthu hati sa meya kwe? 2Keujüla anyi kepathu na hi pi apostel kesü le nsala lela nthu na hi pi apostel kesü le kesa-u le! Kepaghenanye nthu kahang Apvüwa wi benkeya tsü ma jjügi na hi apostel kesü le kesa chüti keya.
3Anyithu na hi kethen wi hi hati nu hi ketanla isheipiden: 4Hi kekuli ghena kedsakejjü pi hi kecü-u nye kwe? 5Apostel kepathu, Apvüwa cünyuthu nu Pitor, mathu na sa kiden ti hi la awubvü gweghe kijünyi kewa-u nye kwe? 6Nyelela Barnaba ishinyi ketan apvü-nmen ghena kuli nu kedsa-u kwe? 7Süpahi thowa na ma ketanla ma thün sa nu kekuli saten nu? Allikeca thowa na kemeshentsse ton pi sheng nu mabi la dsa nten nu? Anenikehie thowa na khaghaneni kicen nu ma tsenitssü sen nten nu?
8Hi keshüthangla sa ketenthu tsütsonca ketan khi nbenla mehai, kepaghenanye Ayenwa la makesü khiben. 9#Aye 25.4; 1 Th 5.18 Ithu na Mosa Yenwa wi si yaben, “Nthu amesü süpon ssinu asu ghaceng keben wi tsü ma pang bhen nsala.” Ha Anyiza na amesü cüki khiben kwe? 10Ma ithu ghena khi nben kwe? Anle, ha ithu ghena zhütheng. Kepaghenanye allikecathu na mathu shei asu muya benle nondi nu mathu kekuli tsü saden. 11#Rom 15.27 Ikhang na aghamulen wi amacü pi nthu jawi vvüchidha. Keujüla ikhang na nthu wi asajjü wi kekiyi muya lethu, tsüna ji mtsü kwe? 12Keujüla kepathu na nthu wi tsüthu kaghang-u na ben lethu, ikhang na tsü miwi ji kayi kaghang-u nye kwe?
Isala ikhang na keya-u hawa ha meya. Tsüti kesawa nye, ikhang na Khrista cüki Jühtheü Kemehaiwa tsü len nkhenle kesalina alentagha wi kekheneng benden. 13#Aye 18.1 Kekinyijjen wi kekulithu na Kekinyijjen wi mathu kedsakejjü muyaten nu kekinyipen wi ahhansha sa ketenthu na ahhansha kesa wi mathu shei muyaden kesa nthu na chübenla metsi. 14Tsü makesü, Apvüwa na Ajühkemehaiwa pi khi ketenthu ciwi mathu kedsakejjü mu keya-u le kesa ahza khuchi theng.
15Isala hi keya-u hathu ha kesüla meya, nyelela hi khili tsüthu tsü yale kesa ghena ha zhüchi nben. Anyi kesüla hi keya-u meyala kesa kekapvüwa ha pi ma men nkemi sa kesa tsü hi atuwa sa shü kesawa la mehai le! 16Hi ajühkemehaiwa pi kekhi ghena ketan kekapvü-u nmi. Kepaghenanye hi tsüti nsathu yishü kesa ahza na ben. Isala keujüla hi Ajühkemehaiwa tsü pi nkhila lethu, ighena khatila kemessi ben nu! 17Keujüla hi kemeshen wina kekuli ha sa lethu, hi akutimen muya kesa, isala hi ha kesa-u wina saben, kepaghenanye Anyiza na kekuli ha pi hi dhen chitheng. 18Isathu, hi akutimen khati kemu-u nu? Tsüna ma men nsala Jühtheü Kemehaiwa pi nyu kesansi nu Ajühkemehaiwa ghena kekuli wi hi keya-u nkemekawa tsü le!
19Hi mangla kekhenkeghe nkemi nyi kesü, tho nssümagha la nsa; isala hi saya kemehai chu anyi kejon zanyale kesalina hi ketanla hi pi anyi tsüdi nssümaghawa saden. 20Hi Judah nyithu gweghe kekuli wi mathu zanyale kesalina hi Judah nyi kesü ti hangden; nu hi Mosa Yenwa kekhu wi nben lela hi tsü kekhu wi kebenthu gweghe kekuli wi mathu zanyale kesalina hi Ayenwa kekhu wi keben ti hangden. 21Tsü makesü, Judah nyi nkenyethu gweghe kekuli wi hi Judah nyi nkenyethu zanyale kesalina hi Judah nyi Yenwa na ameiwa keben Judah nyi nkenye kesü ti hangden. Tsü ma jjügi hi Anyiza Yenwa tsü nie nten kesa nye; hi ntsakhiwa Khrista yenwa kekhu wi benden. 22Hi kenondi nkekhangthu jawi mathu zanyale kesalina hi mathu nkekhang meshu kesü ti saden. Tsalina hi saya kemehai chu alentagha wina anyi pahan hangshayale kesalina hi pala tsüdi wi anyi tsüdi ti saden.
23Hi hathu tsüdi kesa hana Ajühkemehaiwa nu ciwi kemihhi keben tsü muya thsüle kesa ghena. 24Kebvü kejjütseli wi anyi kejon na bvüden, isala meshu kesütan khangkeya kutimen muyaten kesa nthu na chübenla metsi. Isathu, nthu la tsüti bvü nu khangkeya kutimen muyalo. 25Keponli tsüdi wi ma yenwa tsü mehaitsü nieden; mathu na dedia keten ji tsü muyale tsüti saden, isala ithu na anuphan ben keten ji ghena kuliden. 26Tsalina hi kemtsü nmila bvü nten; nyelela ikwen pi ameghü tsü kaghacang shon nten. 27Hi nyu kesansi wi nyu hi nkeya mvuwa tsü nsa thsüle kesalina hi ketanla igwo shon pi satezü nu kekhenengden.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.