1 KORINTHNYI 10
10
Atsikezhüthu ghena Kekitsan
1 #
Bvü 13.21-22; 14.22-29 Icünyuthu, hi nthu yala ithu bamyithu na Mosa nie kewa wi khati sa khe tsü chüya thsü mvu ben. Mathu tsüdila akulukeshü kekhwen wina mehaitsü Kenmie Tssükedone tsü pvüdhi waya. 2Mathu tsüdila akulukeshü nu atssükedone wina Mosa senkeniethu sala baptaiz saya. 3#Bvü 16.35 Mathu tsüdila aghamulen wi amesa makesü dsa, 4#Bvü 17.6; Scs 20.11 nu aghamulen wi makesü jjü. Mathu na aghamulen wi alon mathu gweghe kewawa wi tsü jjü; nu alon tsüwa tsüna Khrista. 5#Scs 14.29-30 Isala Anyiza na mathu kejon n-nenla kesalina mathu keshü kamang kejon pi ayyikeshü wi khala.
6 #
Scs 11.4
Khili hathu ha tsüdila ithu ghena tsütsonca saben, mathu ti nkemehaithu tsü nmemvu thsü, 7nyelela mathu pahan ti atsikezhüthu nkinyi thsüle kesalina. Ntsawajüh na kekhi ti, “Anyithu na donki nu dsa nu jjü, nu shagha nashü.” 8#Scs 25.1-18 Ithu na mathu pahan kahang nkemetha sa nu ghanan kesütan na anyi hazar nkwe nu kecheng shü kesa tsüti sazzi yishü. 9#Scs 21.5-6 Ithu na mathu pahan Apvüwa ghan-nan le sa nu amaghang na mathu mcüthi kesa tsüti sa yishü. 10#Scs 16.41-49 Ithu na mathu pahan leben nkaghajüh khi nu Keshü Nyilowa na mathu yasa kesa tsüti sa yishü.
11Nyu kepa wi chüya thsüle kesalina mathu miwi pala hathu ha tsüdi sa, nu ithu ghena kekitsan tsütsonca ha zhüchi theng. Kepaghenanye ithu na matsü sakhenwa pang wi hangben.
12Anyi thowa na ma zükeqhe ngan yadha le meshen ten khe ma nkhulile kesalina kiden-kesha meyathu yishü. 13Ghankenan nthu tuwi gho keten ha tsüdi anyithu tuwi gho keten ji. Isala Anyiza na ma jüh khishikechi tsü nieden, nu ma mangla nthu na pvüya nkesa ghankenan tsü pi nthu miwi gho thsü nben; isala nthu na ghankenan wi keben wi ma nthu ya kekhenengya thsüle kesa kekhang pi nthu cü, nu shhuya kemehai len pi nthu cüben.
14Tsalina ketizen ipvüshangthu, atsikezhüthu kekinyi tsü ghüyalo. 15Hi nthu pi kemetsa nyi sa nu nthu kizaben; nthu ketanla hi mangwa khiben khe tsü meshen nanlo. 16#Mat 26.26-28; Mrk 14.22-24; Luk 22.19-20 Ithu na Apvüwa kemeshentsse kesen wi ahyi pie nu tsü ghena keseng pi Anyiza cü ketenwa tsü kejjü wi ithu na Khrista jjü tsü jjüben. Nu ithu na amesa pakhhi nu tsü kedsa wi ithu na Khrista sa tsü dsaben. 17Kepaghenanye ithu tsüdi ghena ciwi amesa kesütan, ithu na kejon lela agwo kesütan, ithu tsüdi amesa kesütan pi gishü dsa keten ghena.
18 #
Lev 7.6
Israel nyithu cüki tsü meshen chilo; mathu na ahhansha sa pi Anyiza kekuli kesa kekinyipen wi kechi tsü kedsathu. 19Hi ma jjügi mangwa khiben nu? Atsikezhü kesü nyelela atsse pi tsü kekinyi tsü ma men ben kwe? 20#Aye 32.17 Nyele! Hi khi kebenwa na pala pi Anyiza nkechü kekinyipenthu wi ahhansha kesa tsüna pi Anyiza ncüla atsaghangthu cüben. Hi nthu yala atsaghangthu gweghe thsü mvu nben. 21Nthu na Apvüwa hyi wi tsü jjü nu atsaghangthu hyi wi la jjü isaya nben; nthu na Apvüwa khu wi tsü dsa nu atsaghangthu khu wi la dsa isaya nben. 22#Aye 32.21 Nyelela ithu na Apvüwa ya anonmeyen thsü mvuben kwe? Ithu na ma miwi khangki le meshen ben kwe?
23 #
1 Kor 6.12
Tsalina mathu khiben, “Ithu na pala tsüdila kuliya mehai.” Anle, tsüna ntsakhiwa, isala pala tsüdila kemehai ghena nye. “Ithu na pala tsüdila kuliya mehai” — isala pala tsüdila nsenthu keyishü ghena nye. 24Anyi thola ma ketanla ma ghena kemehaiwa ketan nbha lalo, isala nyu kepa ghena kemehaiwa la sa tenlo.
25Nthu kechükeza ghena mangla nkeüla nu asa kejeü pen wi pala tsüdila ya dsaya mehai. 26#Zak 24.1 Kepaghenanye Ntsawajüh na khiben, “Ayyi nu ciwi kebenthu pala tsüdila Apvüwa ji.”
27Keujüla nkenondi nyi kesü na gho dsajjülo nthu ci, nu nthu na wale südheya lethu, nthu kechükeza ghena mangla nkeüla nu mangwa pi nthu tuwi chicü khe tsü dsayalo. 28Isala keujüla anyi kesü na nthu wi “Ha atsikezhüthu kekinyi tsse le” kiza lethu, anyi nthu kekizawa ghena nu kechükeza ghena tsü ndsa lalo— 29tsüwa tsüna nthu kechükeza tsü nye, isala anyi kepathu kechükeza.
Pahan na keüben, “Isathu, mangkesa na anyi kepa wi kechükeza ghena hi kekhenkeghe nkemiwa tsü sa meyala ben nu? 30Keujüla hi kedsakejjü ghena Anyiza seng lethu, mangkesa na nyu kepa na hi keseng pi cü keten kedsakejjü tsü then ben nu?”
31Tsalina nthu katsüha sa lela, nthu dsa le jjü lela, tsüdi wi la Anyiza nyankethang ghena salo. 32Judah nyithu, Judah nyi nkenyethu, nyelela Anyiza kemehu len kekhenwa tsü nsala hanglo. 33Hi kekuli hati salo; hi kekuli tsüdi wila anyi tsüdi kenenwa tsü sa, mathu hangsha yale kesalina ighena kemehaiwa nmeshenla tsüdi ghena kemehaiwa tsü sa.
Currently Selected:
1 KORINTHNYI 10: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 10
10
Atsikezhüthu ghena Kekitsan
1 #
Bvü 13.21-22; 14.22-29 Icünyuthu, hi nthu yala ithu bamyithu na Mosa nie kewa wi khati sa khe tsü chüya thsü mvu ben. Mathu tsüdila akulukeshü kekhwen wina mehaitsü Kenmie Tssükedone tsü pvüdhi waya. 2Mathu tsüdila akulukeshü nu atssükedone wina Mosa senkeniethu sala baptaiz saya. 3#Bvü 16.35 Mathu tsüdila aghamulen wi amesa makesü dsa, 4#Bvü 17.6; Scs 20.11 nu aghamulen wi makesü jjü. Mathu na aghamulen wi alon mathu gweghe kewawa wi tsü jjü; nu alon tsüwa tsüna Khrista. 5#Scs 14.29-30 Isala Anyiza na mathu kejon n-nenla kesalina mathu keshü kamang kejon pi ayyikeshü wi khala.
6 #
Scs 11.4
Khili hathu ha tsüdila ithu ghena tsütsonca saben, mathu ti nkemehaithu tsü nmemvu thsü, 7nyelela mathu pahan ti atsikezhüthu nkinyi thsüle kesalina. Ntsawajüh na kekhi ti, “Anyithu na donki nu dsa nu jjü, nu shagha nashü.” 8#Scs 25.1-18 Ithu na mathu pahan kahang nkemetha sa nu ghanan kesütan na anyi hazar nkwe nu kecheng shü kesa tsüti sazzi yishü. 9#Scs 21.5-6 Ithu na mathu pahan Apvüwa ghan-nan le sa nu amaghang na mathu mcüthi kesa tsüti sa yishü. 10#Scs 16.41-49 Ithu na mathu pahan leben nkaghajüh khi nu Keshü Nyilowa na mathu yasa kesa tsüti sa yishü.
11Nyu kepa wi chüya thsüle kesalina mathu miwi pala hathu ha tsüdi sa, nu ithu ghena kekitsan tsütsonca ha zhüchi theng. Kepaghenanye ithu na matsü sakhenwa pang wi hangben.
12Anyi thowa na ma zükeqhe ngan yadha le meshen ten khe ma nkhulile kesalina kiden-kesha meyathu yishü. 13Ghankenan nthu tuwi gho keten ha tsüdi anyithu tuwi gho keten ji. Isala Anyiza na ma jüh khishikechi tsü nieden, nu ma mangla nthu na pvüya nkesa ghankenan tsü pi nthu miwi gho thsü nben; isala nthu na ghankenan wi keben wi ma nthu ya kekhenengya thsüle kesa kekhang pi nthu cü, nu shhuya kemehai len pi nthu cüben.
14Tsalina ketizen ipvüshangthu, atsikezhüthu kekinyi tsü ghüyalo. 15Hi nthu pi kemetsa nyi sa nu nthu kizaben; nthu ketanla hi mangwa khiben khe tsü meshen nanlo. 16#Mat 26.26-28; Mrk 14.22-24; Luk 22.19-20 Ithu na Apvüwa kemeshentsse kesen wi ahyi pie nu tsü ghena keseng pi Anyiza cü ketenwa tsü kejjü wi ithu na Khrista jjü tsü jjüben. Nu ithu na amesa pakhhi nu tsü kedsa wi ithu na Khrista sa tsü dsaben. 17Kepaghenanye ithu tsüdi ghena ciwi amesa kesütan, ithu na kejon lela agwo kesütan, ithu tsüdi amesa kesütan pi gishü dsa keten ghena.
18 #
Lev 7.6
Israel nyithu cüki tsü meshen chilo; mathu na ahhansha sa pi Anyiza kekuli kesa kekinyipen wi kechi tsü kedsathu. 19Hi ma jjügi mangwa khiben nu? Atsikezhü kesü nyelela atsse pi tsü kekinyi tsü ma men ben kwe? 20#Aye 32.17 Nyele! Hi khi kebenwa na pala pi Anyiza nkechü kekinyipenthu wi ahhansha kesa tsüna pi Anyiza ncüla atsaghangthu cüben. Hi nthu yala atsaghangthu gweghe thsü mvu nben. 21Nthu na Apvüwa hyi wi tsü jjü nu atsaghangthu hyi wi la jjü isaya nben; nthu na Apvüwa khu wi tsü dsa nu atsaghangthu khu wi la dsa isaya nben. 22#Aye 32.21 Nyelela ithu na Apvüwa ya anonmeyen thsü mvuben kwe? Ithu na ma miwi khangki le meshen ben kwe?
23 #
1 Kor 6.12
Tsalina mathu khiben, “Ithu na pala tsüdila kuliya mehai.” Anle, tsüna ntsakhiwa, isala pala tsüdila kemehai ghena nye. “Ithu na pala tsüdila kuliya mehai” — isala pala tsüdila nsenthu keyishü ghena nye. 24Anyi thola ma ketanla ma ghena kemehaiwa ketan nbha lalo, isala nyu kepa ghena kemehaiwa la sa tenlo.
25Nthu kechükeza ghena mangla nkeüla nu asa kejeü pen wi pala tsüdila ya dsaya mehai. 26#Zak 24.1 Kepaghenanye Ntsawajüh na khiben, “Ayyi nu ciwi kebenthu pala tsüdila Apvüwa ji.”
27Keujüla nkenondi nyi kesü na gho dsajjülo nthu ci, nu nthu na wale südheya lethu, nthu kechükeza ghena mangla nkeüla nu mangwa pi nthu tuwi chicü khe tsü dsayalo. 28Isala keujüla anyi kesü na nthu wi “Ha atsikezhüthu kekinyi tsse le” kiza lethu, anyi nthu kekizawa ghena nu kechükeza ghena tsü ndsa lalo— 29tsüwa tsüna nthu kechükeza tsü nye, isala anyi kepathu kechükeza.
Pahan na keüben, “Isathu, mangkesa na anyi kepa wi kechükeza ghena hi kekhenkeghe nkemiwa tsü sa meyala ben nu? 30Keujüla hi kedsakejjü ghena Anyiza seng lethu, mangkesa na nyu kepa na hi keseng pi cü keten kedsakejjü tsü then ben nu?”
31Tsalina nthu katsüha sa lela, nthu dsa le jjü lela, tsüdi wi la Anyiza nyankethang ghena salo. 32Judah nyithu, Judah nyi nkenyethu, nyelela Anyiza kemehu len kekhenwa tsü nsala hanglo. 33Hi kekuli hati salo; hi kekuli tsüdi wila anyi tsüdi kenenwa tsü sa, mathu hangsha yale kesalina ighena kemehaiwa nmeshenla tsüdi ghena kemehaiwa tsü sa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.