1 KORINTHNYI 14
14
Aghamu Juthu Cüki
1Tsalina nthu nanketizen tsü meshenki bentenlo. Aghamulen wi ajuthu tsü nmvuthi sa nu tsüdi miwi la Anyiza ketsijüh kekhi tsü ya mvuthi salo. 2Anyi kesü ajüh ketheü khi kebenwa tsüna anyi wi nyela Anyiza ccüneng ben, kepaghenanye anyi thola ma jüh tsü nchü. Ma Aghamu kekhang wina kekuthi tsentsawa tsü khiben. 3Isala anyi kesü Anyiza ketsijüh khi kebenwa tsüna anyithu wi khiben, nu tsüna mathu kiqa, kechü-kenong, nu leben satecca cüben. 4Anyi ajüh ketheü khi kebenwa tsüna ma ketanla ma kiqaben, isala Anyiza ketsijüh khi kebenwa tsüna kemehu tsüdi kiqaben.
5Hi nthu tsüdi yala ajüh ketheü khi thsü mvuben, isala tsü miwi nthu tsüdila Anyiza ketsijüh khithu tsüwa hi nenben. Kepaghenanye anyi kesü ciwi ben nu ajüh ketheü khi keben jjügi tsü khimetha pi kemehu tsüdi kiza nu kekiyi mu meya thsü lethu, anyi Anyiza ketsijüh khi kebenwa tsüna ajüh ketheü khi kebenwa miwi ma men ben. 6Tsalina icünyuthu, hi nthu wi kegho wi Anyiza wina ccücakechi, nyelela palakechü, nyelela ketsijüh, nyelela kesansijüh sen nu nghola nthu wi ajüh ketheü khi lethu, hi nthu ghena kekiyi mangwa ben nu?
7Keujüla kahangli nkemi akhwi kesa ji achünong nyelela harp, tsüthu khou keben wi ma hhai methasi sashi nchi lethu, thowa na tsü chüya mehai nu? 8Nu keujüla anyi tutuwa khou kebenwa na mehaitsü khoushi nchi lethu, thowa na aghi ghena kidenya mehai nu? 9Tsü makesü, keujüla nthu na ajüh ketheü kekhi wi ketsijüh tsü methasi nsa lethu, thowa na tsü jjügi chüya mehai nu? Nthu jüh tsüna ma men nkemi saben. 10Ayyi wi ajühjja kepapa kesa kejonla ben, isala tsüthu kesütanla ajjügi nkemi nmi. 11Isala keujüla hi ajühkhi keben tsü nchü lethu, anyi ajühkhi kebenwa na ituwi asang kesü sa, nu hi la ma tuwi asang kesü saben. 12Nthu na tsüdi miwi la Aghamu juthu tsü ya mvu keten ghena nthu na pala kepa miwi la tsüthu sen kayi pi kemehuwa tsü kiqa cülo.
13Tsalina ajüh ketheü khi kebenwa na ma khi keben jjügi khimethaya kemehai kekhang khie meyathu yishü. 14Kepaghenanye keujüla hi ajüh ketheü wina kekhie sa lethu, ighamu na ntsakhiwa kekhie saben, isala hi kemeshen tsü ciwi nmi. 15Isathu, hi khati sa nu? Hi ighamu wi akhwi saten nu hi kemeshen wi la kekhie saden; hi ighamu wi nu hi kemeshen wi la akhwi saden. 16Nthu na aghamu wi ketan keseng pi Anyiza cü lethu, khati nu anyi jümu kesü nthu jawi kebenwa tsü na nthu keseng kekhie kesa wi gweghe “Amen” khiya mehai nu? Ma nthu na mangwa khiben khe chükeya len nmi. 17Nthu na Anyiza wi kekhie tsü mehai ntsa sa lela anyi kepathu ghena tsü kekiyi mangla nmiladha.
18Hi nthu tsüdi miwi la jiki ajüh ketheü khi keten ghena Anyiza seng ben. 19Isala hi kemehujjen wi kekinyi kesa wi nyu sansile kesalina ajüh ketheü hazar tagha kekhiwa nyela kechü jüh manga ketan khiben.
20Icünyuthu, nthu kemeshen wi ghanyithu ti nsa lalo; nkemehai wi ghanyithu ti sa, isala nthu kemeshen wi tsü anyi kezügü ti sayalo. 21#Isa 28.11-12 Ntsawajüh wi hati zhü theng,
“Apvüwa na khiben, hi anyithu pang wina ajüh
ketheü khi pi inyithu ccüneng den,
hi asangthu pang wina khiben,
isalela inyithu na ijüh kina nben.”
22Tsalina ajüh ketheü kekhi hana nkenondithu ghena azensu kesü khe kenondithu ghena nye; isala Anyiza ketsijüh kekhi tsüna kenondithu ghena khe nkenondithu ghena nye.
23Tsalina keujüla kemehu nyi tsüdi gho saghuya nu kesüsü tsüdila ajüh ketheü khi wa, nu keujüla anyi jümu nyelela nkenondithu pahan na dugho lethu, mathu na nthu tsüdila deja benle khi nben kwe? 24Isala keujüla tsüdila Anyiza ketsijüh khi keben wi nkenondi nyelela anyi jümu na dugho lethu, ma tsü zakeya wi ma kesami chüshi yaben. Ma za keyathu tsüdi pi ma ghan-nan ben, 25ma kekuthi kemeshen tsüdila khishiaben, nu ma akhhutsüdu Anyiza kinyi nu khishiben, “Ntsakhiwa, Anyiza na he wi nthu jawi ben le!”
Kemehujjen wi Kekinyi yen
26Icünyuthu, hi khi keben jjügi na ha. Nthu na kinyile gho saghu keya wi meshu kesü na akhwi ben, kesü na kesansijüh ben, kesü na Anyiza wina pi ccücakechi ben, kesü na ajüh ketheü kekhi ben, nu kepa na tsü khimethakeya ben. Tsüdi wila kemehu ghena kemehaiwa nsathu yishü. 27Keujüla anyi pahan na ajüh ketheü khiben lethu, matsü kesü wi meshu keni nu kecheng ketan kesenniela khi thsü, nu anyi kesü yala tsü jjügi nkhi thsüthu yishü. 28Isala keujüla ciwi anyi kesüla tsü jjügi khikeya nmi lethu, ajüh ketheü khi kebenwa la ccen ben nu ma ketanla ma nu Anyiza ccüneng wa thsü nsathu yishü.
29Meshu keni nu kecheng na Anyiza ketsijüh khi, nu nyu kepathu na mathu jühkekhi tsü ghan-nan thsü. 30Isala keujüla ciwi donki keben pahan na Anyiza wi ketsijüh muya lethu, ajühkhi kebenwa la ngan wa. 31Kepaghenanye nthu tsüdila kesüsü na Anyiza ketsijüh khi nu anyi tsüdila zaya nu chüya thsüle kesalina. 32Anyiza ketsijüh kekhi juwa tsüna ajühkhi kebenwa kekhu wi nbenthu yishü, 33kepaghenanye Anyiza na kekivvü Nyiza nye isala keccawa tsü.
Anyiza kemehu nyithu tsüdi wi sa keben tsüti, 34nzathu na kemehujjen wi ccen keben-u. Mathu na ajüh njaji thsüla; isala Judah Yenwa wi khi keben ti mathu na nyu kekhu wi benlo. 35Keujüla mathu na pala pahan chüya mvu ben lethu, ajjen wi mathu wubathu wi keüyalo. Nza kesü na kemehujjen wi ajüh kejaji tsüna kejüghe kesüle.
36Nyelela nthu wina Anyiza jüh tsüna shhugho kwe? Nyelela tsüna nthu ghena ketan gho kwe? 37Keujüla meshu kesü ma Anyiza nyilo le nyelela aghamulen wi ajuthu pvüten le sa lethu, ma hi zhü pi nthu wi chi keben hana Apvüwa yenkhukechi le kesa nchüthu yishü. 38Isala keujüla ma ha nkina mvu lethu, ma jüh nkina lalo. 39Isalethu, icünyuthu, nthu leben wi Anyiza ketsijüh tsü khile meshenki salo, isala ajüh ketheü kekhi tsü nkhenla. 40Pala tsüdi wila sa jiketsü nu mayenwa wina nsathu yishü.
Currently Selected:
1 KORINTHNYI 14: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 14
14
Aghamu Juthu Cüki
1Tsalina nthu nanketizen tsü meshenki bentenlo. Aghamulen wi ajuthu tsü nmvuthi sa nu tsüdi miwi la Anyiza ketsijüh kekhi tsü ya mvuthi salo. 2Anyi kesü ajüh ketheü khi kebenwa tsüna anyi wi nyela Anyiza ccüneng ben, kepaghenanye anyi thola ma jüh tsü nchü. Ma Aghamu kekhang wina kekuthi tsentsawa tsü khiben. 3Isala anyi kesü Anyiza ketsijüh khi kebenwa tsüna anyithu wi khiben, nu tsüna mathu kiqa, kechü-kenong, nu leben satecca cüben. 4Anyi ajüh ketheü khi kebenwa tsüna ma ketanla ma kiqaben, isala Anyiza ketsijüh khi kebenwa tsüna kemehu tsüdi kiqaben.
5Hi nthu tsüdi yala ajüh ketheü khi thsü mvuben, isala tsü miwi nthu tsüdila Anyiza ketsijüh khithu tsüwa hi nenben. Kepaghenanye anyi kesü ciwi ben nu ajüh ketheü khi keben jjügi tsü khimetha pi kemehu tsüdi kiza nu kekiyi mu meya thsü lethu, anyi Anyiza ketsijüh khi kebenwa tsüna ajüh ketheü khi kebenwa miwi ma men ben. 6Tsalina icünyuthu, hi nthu wi kegho wi Anyiza wina ccücakechi, nyelela palakechü, nyelela ketsijüh, nyelela kesansijüh sen nu nghola nthu wi ajüh ketheü khi lethu, hi nthu ghena kekiyi mangwa ben nu?
7Keujüla kahangli nkemi akhwi kesa ji achünong nyelela harp, tsüthu khou keben wi ma hhai methasi sashi nchi lethu, thowa na tsü chüya mehai nu? 8Nu keujüla anyi tutuwa khou kebenwa na mehaitsü khoushi nchi lethu, thowa na aghi ghena kidenya mehai nu? 9Tsü makesü, keujüla nthu na ajüh ketheü kekhi wi ketsijüh tsü methasi nsa lethu, thowa na tsü jjügi chüya mehai nu? Nthu jüh tsüna ma men nkemi saben. 10Ayyi wi ajühjja kepapa kesa kejonla ben, isala tsüthu kesütanla ajjügi nkemi nmi. 11Isala keujüla hi ajühkhi keben tsü nchü lethu, anyi ajühkhi kebenwa na ituwi asang kesü sa, nu hi la ma tuwi asang kesü saben. 12Nthu na tsüdi miwi la Aghamu juthu tsü ya mvu keten ghena nthu na pala kepa miwi la tsüthu sen kayi pi kemehuwa tsü kiqa cülo.
13Tsalina ajüh ketheü khi kebenwa na ma khi keben jjügi khimethaya kemehai kekhang khie meyathu yishü. 14Kepaghenanye keujüla hi ajüh ketheü wina kekhie sa lethu, ighamu na ntsakhiwa kekhie saben, isala hi kemeshen tsü ciwi nmi. 15Isathu, hi khati sa nu? Hi ighamu wi akhwi saten nu hi kemeshen wi la kekhie saden; hi ighamu wi nu hi kemeshen wi la akhwi saden. 16Nthu na aghamu wi ketan keseng pi Anyiza cü lethu, khati nu anyi jümu kesü nthu jawi kebenwa tsü na nthu keseng kekhie kesa wi gweghe “Amen” khiya mehai nu? Ma nthu na mangwa khiben khe chükeya len nmi. 17Nthu na Anyiza wi kekhie tsü mehai ntsa sa lela anyi kepathu ghena tsü kekiyi mangla nmiladha.
18Hi nthu tsüdi miwi la jiki ajüh ketheü khi keten ghena Anyiza seng ben. 19Isala hi kemehujjen wi kekinyi kesa wi nyu sansile kesalina ajüh ketheü hazar tagha kekhiwa nyela kechü jüh manga ketan khiben.
20Icünyuthu, nthu kemeshen wi ghanyithu ti nsa lalo; nkemehai wi ghanyithu ti sa, isala nthu kemeshen wi tsü anyi kezügü ti sayalo. 21#Isa 28.11-12 Ntsawajüh wi hati zhü theng,
“Apvüwa na khiben, hi anyithu pang wina ajüh
ketheü khi pi inyithu ccüneng den,
hi asangthu pang wina khiben,
isalela inyithu na ijüh kina nben.”
22Tsalina ajüh ketheü kekhi hana nkenondithu ghena azensu kesü khe kenondithu ghena nye; isala Anyiza ketsijüh kekhi tsüna kenondithu ghena khe nkenondithu ghena nye.
23Tsalina keujüla kemehu nyi tsüdi gho saghuya nu kesüsü tsüdila ajüh ketheü khi wa, nu keujüla anyi jümu nyelela nkenondithu pahan na dugho lethu, mathu na nthu tsüdila deja benle khi nben kwe? 24Isala keujüla tsüdila Anyiza ketsijüh khi keben wi nkenondi nyelela anyi jümu na dugho lethu, ma tsü zakeya wi ma kesami chüshi yaben. Ma za keyathu tsüdi pi ma ghan-nan ben, 25ma kekuthi kemeshen tsüdila khishiaben, nu ma akhhutsüdu Anyiza kinyi nu khishiben, “Ntsakhiwa, Anyiza na he wi nthu jawi ben le!”
Kemehujjen wi Kekinyi yen
26Icünyuthu, hi khi keben jjügi na ha. Nthu na kinyile gho saghu keya wi meshu kesü na akhwi ben, kesü na kesansijüh ben, kesü na Anyiza wina pi ccücakechi ben, kesü na ajüh ketheü kekhi ben, nu kepa na tsü khimethakeya ben. Tsüdi wila kemehu ghena kemehaiwa nsathu yishü. 27Keujüla anyi pahan na ajüh ketheü khiben lethu, matsü kesü wi meshu keni nu kecheng ketan kesenniela khi thsü, nu anyi kesü yala tsü jjügi nkhi thsüthu yishü. 28Isala keujüla ciwi anyi kesüla tsü jjügi khikeya nmi lethu, ajüh ketheü khi kebenwa la ccen ben nu ma ketanla ma nu Anyiza ccüneng wa thsü nsathu yishü.
29Meshu keni nu kecheng na Anyiza ketsijüh khi, nu nyu kepathu na mathu jühkekhi tsü ghan-nan thsü. 30Isala keujüla ciwi donki keben pahan na Anyiza wi ketsijüh muya lethu, ajühkhi kebenwa la ngan wa. 31Kepaghenanye nthu tsüdila kesüsü na Anyiza ketsijüh khi nu anyi tsüdila zaya nu chüya thsüle kesalina. 32Anyiza ketsijüh kekhi juwa tsüna ajühkhi kebenwa kekhu wi nbenthu yishü, 33kepaghenanye Anyiza na kekivvü Nyiza nye isala keccawa tsü.
Anyiza kemehu nyithu tsüdi wi sa keben tsüti, 34nzathu na kemehujjen wi ccen keben-u. Mathu na ajüh njaji thsüla; isala Judah Yenwa wi khi keben ti mathu na nyu kekhu wi benlo. 35Keujüla mathu na pala pahan chüya mvu ben lethu, ajjen wi mathu wubathu wi keüyalo. Nza kesü na kemehujjen wi ajüh kejaji tsüna kejüghe kesüle.
36Nyelela nthu wina Anyiza jüh tsüna shhugho kwe? Nyelela tsüna nthu ghena ketan gho kwe? 37Keujüla meshu kesü ma Anyiza nyilo le nyelela aghamulen wi ajuthu pvüten le sa lethu, ma hi zhü pi nthu wi chi keben hana Apvüwa yenkhukechi le kesa nchüthu yishü. 38Isala keujüla ma ha nkina mvu lethu, ma jüh nkina lalo. 39Isalethu, icünyuthu, nthu leben wi Anyiza ketsijüh tsü khile meshenki salo, isala ajüh ketheü kekhi tsü nkhenla. 40Pala tsüdi wila sa jiketsü nu mayenwa wina nsathu yishü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.