1 KORINTHNYI 13
13
Nanketizen
1Hi anyithu nu tangnyilothu jüh khiya ben lela keujüla hi nanketizen tsü nmi lethu, hi amighe kekihhe hhai tsüti saben. 2Hi atusenjüh-kechü kekhang ben; hi palakechü tsüdi ben nu kekuthi jjügi tsüdi chüshiya; hi kenondi tsüdi ben nu ayikhathu kesun pi bvü thsüya — isala keujüla hi nanketizen nmi lethu, hi mangla nye. 3Hi keben tsüdila pi nyu cü nu igwo lela pi mecang thsü — isala keujüla hi nanketizen nmi lethu, ha ighena kemehai mangla nmi.
4Nanketizen na lebenkesie nu keccaketssü; tsüna anyongho nkepvü, nkedithang, nkekapvü; 5nanketizen na ayencüki nkemehai, apvükemene, nu lebenketsu nye; nanketizen na nyu kesazzi cüki pi theng nten; 6nanketizen na nkemehai wi anonghe nten, isala atsentsawa wi anonghe den. 7Nanketizen na khiela teshi nten; nu kenondi, kaghang, nu kethankehikeya khiela nmila sa nten.
8Nanketizen na anuphan benden. Atusenjüh-kekhithu na nmi laben; ajüh ketheü kekhithu na nkhi laben; nu palakechü na asakhen saben. 9Kepaghenanye ithu palakechü nu atusenjüh-kekhi hana anuphan ji nye; 10isala anuphan jiwa tsüna gho lethu, anuphan ji nkenyewa ha nmi laben.
11Hi ghanyi kesü sa keben tsüwi ijüh kekhi, ileben, nu kemeshen tsüdi wi hi ghanyi kesü ti sa; hi khili anyi keqhai kesü sadha, hi ghanyi yenthu tsü teshidha.
12Ithu khili mu keben hana ayena kesü wi aghayen mu keben ti kesa; isala tsashi wi ithu mehaitsü kemuliya den. Hi khili chükeben hana pahan ketan; isala tsashi wi Anyiza na icüki chücen keben ti tsü cenyaben. 13Ha kecheng na anuphan benden: kenondi, kaghang, nu nanketizen; nu hathu jawi keti ntsawa na nanketizen.
Currently Selected:
1 KORINTHNYI 13: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
1 KORINTHNYI 13
13
Nanketizen
1Hi anyithu nu tangnyilothu jüh khiya ben lela keujüla hi nanketizen tsü nmi lethu, hi amighe kekihhe hhai tsüti saben. 2Hi atusenjüh-kechü kekhang ben; hi palakechü tsüdi ben nu kekuthi jjügi tsüdi chüshiya; hi kenondi tsüdi ben nu ayikhathu kesun pi bvü thsüya — isala keujüla hi nanketizen nmi lethu, hi mangla nye. 3Hi keben tsüdila pi nyu cü nu igwo lela pi mecang thsü — isala keujüla hi nanketizen nmi lethu, ha ighena kemehai mangla nmi.
4Nanketizen na lebenkesie nu keccaketssü; tsüna anyongho nkepvü, nkedithang, nkekapvü; 5nanketizen na ayencüki nkemehai, apvükemene, nu lebenketsu nye; nanketizen na nyu kesazzi cüki pi theng nten; 6nanketizen na nkemehai wi anonghe nten, isala atsentsawa wi anonghe den. 7Nanketizen na khiela teshi nten; nu kenondi, kaghang, nu kethankehikeya khiela nmila sa nten.
8Nanketizen na anuphan benden. Atusenjüh-kekhithu na nmi laben; ajüh ketheü kekhithu na nkhi laben; nu palakechü na asakhen saben. 9Kepaghenanye ithu palakechü nu atusenjüh-kekhi hana anuphan ji nye; 10isala anuphan jiwa tsüna gho lethu, anuphan ji nkenyewa ha nmi laben.
11Hi ghanyi kesü sa keben tsüwi ijüh kekhi, ileben, nu kemeshen tsüdi wi hi ghanyi kesü ti sa; hi khili anyi keqhai kesü sadha, hi ghanyi yenthu tsü teshidha.
12Ithu khili mu keben hana ayena kesü wi aghayen mu keben ti kesa; isala tsashi wi ithu mehaitsü kemuliya den. Hi khili chükeben hana pahan ketan; isala tsashi wi Anyiza na icüki chücen keben ti tsü cenyaben. 13Ha kecheng na anuphan benden: kenondi, kaghang, nu nanketizen; nu hathu jawi keti ntsawa na nanketizen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.