TSIPWESWÜ 24
24
1Ntsoka we Balaam le Npugü le a-no jochü pe Israel nyu tsünyü kebin shala, tsügenyu a-le himhundyü hontse a-wheshwi mvula. A-le kazü kesizin rani ryüo 2Israel nyu le tsipwe a-dandan thyü nsen kebin hyushü. Sunggigü kapu gü le a-ketsen-o 3a-le sidyüjo hi zoshwishü:
“Beor nyu gü Balaam jo,
Hyu tsentsü lo kegwa temi gü jodan,
4Sunggigü le nyuzo bin yo nyülo kegwa gü.
Kekvutsin Sunggigü kipon tsemi ki
Ayhütyü le shünshvu tse hyu.
5Israel nyu Phika dan le zegwari,
6Palm bin le don pe kethon thyü kebin,
Nmvue züri seka chwi hontse,
Npugü le aloes bin sen kenjü,
Nmvue zü khoka sedar bin dan hontse.
7Anyugun le tsangkenri hyusa loti
Lo a-tsi pe zü kegwa ka senti.
Anyugun raja le Agag nye gon kvuti,
Lo a-keda thyü ngon nmhun shüti.
8Sunggigü le Ijipt nyu anyugun zenryü;
A-le teronyu gu tse hontse anyugun genyu mezen kenren.
Anyugun le anyugun kenrhinyu ten tyü loti,
Tsüdan ru boren, lo anyugun tho bose lati.
9Senye gü le shünyho kekvu hontse;
Tsüle jü bin lo temi nme a-kesun nshvu.
Ligü higü jochü pe Israel ketsü gü le jochü pfü loti,
Lo ligü higü shochün pe Israel ketsü gü
le shochün pfü ti.”
10Balak le anyuntao a-jenthün thyülo njüo Balaam ka zoshü, “Nno shochün pe a kenrhinyu tsü lotse ale nkoshü, ai ntsoka hi gwenshen ge nle jochü pe anyugun tsü bin so. 11Ntsoka nka ki gun la! Ale nchün thyü pe ntsü titse zoshü ai Npugü le nno nchün hyulo nrün nkhin laso.”
12Balaam le a-jokenishü, “Nle lilonyu nipe aki keshü dan ka ale zoshü laso 13nle n raja kanyu suna raka aphu pe atsü-e ale thame akenda thyüo Npugü johokeshü zenmvu lo nrün ndi. Npugü le ano nyu zolo tse shüyo ale tsü nti zoti.”
Balaam sidyüjo Kenkhin gü
14Balaam le Balak ka zoshü, “Ale atemi ki rani gun jü laso, ai ale gü kemvu ka, siki Israel nyu le ntemi ge nyuthyü shü tiyo nno pütsü lolo tse shü bin nle.” 15Tson-o a-le sidyüjo hi zoshü:
“Beor nyugü Balaam jo,
Hyu tsentsü lo kegwa temi gü jodan,
16Sunggigü le nyu zo shüyo nyülo
Lo ketetso Tsin ki keryü thakesha hyu lo kehü gü.
Kekvutsin Sunggigü kipon tsemi ki a-yhütyü shünshvu tse hyu.
17Ale ryü kejü ki nrishü
Lo ale Israel senye hyu.
Raja nme, shye keben hontse kethyü nme le
senye tsügü ge soryü ti.
A-le Comet hontse Israel ge chwi ryüti.
A-le Moab nyu sharhi dan vüren lati.
Lo Seth temi dan aphu vüshe lati.
18A-le Edom nyu a-shwikerüchün dan so kvu loti
Lo anyugun kazü pe a-hon thyü loti.
Israel le kvu kebin ka.
19Israel senye le anyugun kedü lati
Lo nsen kebin kenkhin tsin gü-e nke lati.”
20Tsüselo Balaam le tsemi ki Amelek nyu hyuo sidyüjo hi zoshü:
“Amelek nyu le senye aphu dan nyu kekvu tsin,
Ai kenkhin ki tsü le kethonthen nke lati.”
21Tsemi ki a-le Ken nyu hyuo sidyüjo hi zoshü:
“Nle yhun kebin bin tsü le kenshvu ndi,
Tegü seü le tsonye heki kebin hontse,
22Ai hagun Ken nyu nke lati
Assiria nyu le hagun ten pe a-do thyü tinla ti.”
23Balaam le sidyüjo hi zoshü:
“Tesozin kequen kebin hile temi dikipon nyula?
24Mekehü nyu le Saipros kipon runzen ryüti
Anyugun le Assiria lo Eber lolo lati,
Ai anyugun ko kethonthen nke ni lati.”
25Tson-o Balaam le nda lo-o rani a-kaki günla lo Balak ko a-npvü a-tson nyu gunla.
Currently Selected:
TSIPWESWÜ 24: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 24
24
1Ntsoka we Balaam le Npugü le a-no jochü pe Israel nyu tsünyü kebin shala, tsügenyu a-le himhundyü hontse a-wheshwi mvula. A-le kazü kesizin rani ryüo 2Israel nyu le tsipwe a-dandan thyü nsen kebin hyushü. Sunggigü kapu gü le a-ketsen-o 3a-le sidyüjo hi zoshwishü:
“Beor nyu gü Balaam jo,
Hyu tsentsü lo kegwa temi gü jodan,
4Sunggigü le nyuzo bin yo nyülo kegwa gü.
Kekvutsin Sunggigü kipon tsemi ki
Ayhütyü le shünshvu tse hyu.
5Israel nyu Phika dan le zegwari,
6Palm bin le don pe kethon thyü kebin,
Nmvue züri seka chwi hontse,
Npugü le aloes bin sen kenjü,
Nmvue zü khoka sedar bin dan hontse.
7Anyugun le tsangkenri hyusa loti
Lo a-tsi pe zü kegwa ka senti.
Anyugun raja le Agag nye gon kvuti,
Lo a-keda thyü ngon nmhun shüti.
8Sunggigü le Ijipt nyu anyugun zenryü;
A-le teronyu gu tse hontse anyugun genyu mezen kenren.
Anyugun le anyugun kenrhinyu ten tyü loti,
Tsüdan ru boren, lo anyugun tho bose lati.
9Senye gü le shünyho kekvu hontse;
Tsüle jü bin lo temi nme a-kesun nshvu.
Ligü higü jochü pe Israel ketsü gü le jochü pfü loti,
Lo ligü higü shochün pe Israel ketsü gü
le shochün pfü ti.”
10Balak le anyuntao a-jenthün thyülo njüo Balaam ka zoshü, “Nno shochün pe a kenrhinyu tsü lotse ale nkoshü, ai ntsoka hi gwenshen ge nle jochü pe anyugun tsü bin so. 11Ntsoka nka ki gun la! Ale nchün thyü pe ntsü titse zoshü ai Npugü le nno nchün hyulo nrün nkhin laso.”
12Balaam le a-jokenishü, “Nle lilonyu nipe aki keshü dan ka ale zoshü laso 13nle n raja kanyu suna raka aphu pe atsü-e ale thame akenda thyüo Npugü johokeshü zenmvu lo nrün ndi. Npugü le ano nyu zolo tse shüyo ale tsü nti zoti.”
Balaam sidyüjo Kenkhin gü
14Balaam le Balak ka zoshü, “Ale atemi ki rani gun jü laso, ai ale gü kemvu ka, siki Israel nyu le ntemi ge nyuthyü shü tiyo nno pütsü lolo tse shü bin nle.” 15Tson-o a-le sidyüjo hi zoshü:
“Beor nyugü Balaam jo,
Hyu tsentsü lo kegwa temi gü jodan,
16Sunggigü le nyu zo shüyo nyülo
Lo ketetso Tsin ki keryü thakesha hyu lo kehü gü.
Kekvutsin Sunggigü kipon tsemi ki a-yhütyü shünshvu tse hyu.
17Ale ryü kejü ki nrishü
Lo ale Israel senye hyu.
Raja nme, shye keben hontse kethyü nme le
senye tsügü ge soryü ti.
A-le Comet hontse Israel ge chwi ryüti.
A-le Moab nyu sharhi dan vüren lati.
Lo Seth temi dan aphu vüshe lati.
18A-le Edom nyu a-shwikerüchün dan so kvu loti
Lo anyugun kazü pe a-hon thyü loti.
Israel le kvu kebin ka.
19Israel senye le anyugun kedü lati
Lo nsen kebin kenkhin tsin gü-e nke lati.”
20Tsüselo Balaam le tsemi ki Amelek nyu hyuo sidyüjo hi zoshü:
“Amelek nyu le senye aphu dan nyu kekvu tsin,
Ai kenkhin ki tsü le kethonthen nke lati.”
21Tsemi ki a-le Ken nyu hyuo sidyüjo hi zoshü:
“Nle yhun kebin bin tsü le kenshvu ndi,
Tegü seü le tsonye heki kebin hontse,
22Ai hagun Ken nyu nke lati
Assiria nyu le hagun ten pe a-do thyü tinla ti.”
23Balaam le sidyüjo hi zoshü:
“Tesozin kequen kebin hile temi dikipon nyula?
24Mekehü nyu le Saipros kipon runzen ryüti
Anyugun le Assiria lo Eber lolo lati,
Ai anyugun ko kethonthen nke ni lati.”
25Tson-o Balaam le nda lo-o rani a-kaki günla lo Balak ko a-npvü a-tson nyu gunla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.