TSIPWESWÜ 23
23
1A-le Balak ka zoshü, “Hika a genyu kershvubin tsenyü thyü shüo, methu tse tsenyü lo tanyü tse tsenyü senryü atsü shülo.”
2Balak le Balaam le a-ka zokeshü hontse thyülo njüo Balaam au methu tse lo tanyü tse nme me pe kershvubin nme ge rüshvu shü. 3Tson-o Balaam le Balak ka zoshü, “Nle hika rope kerüshvu khoka sotse, Npugü le ateno tile nmvue yo ale shwishüti. A-le nyu pe atesha shüyo ale nka zo shüti.” Tsonshüo a npvü rincho sun nme ge küla, 4Sunggigü le a-teno shü. Balaam le a-ka zoshü. “Ale kershvubin tsenyü thyüshüo methutse lo tanyü tse nmeme pe kerüshvu thyüshü laso.”
5Npugü le Balaam no nyuzo tiyo a-kazoshüo a-jo pe Balak ka zoshü lotse a-ni ni shüla. 6Tson-o a-le rani ryü Balak le Moab nyu sharhi dan aphu zen-o rope kerüshvu khoka so kebin hyulo.
7Balaam le sidyüjo hi zoshü:
“Moab nyu raja Balak le
Siria, lo npho kazüthun kipon azenryü.
‘Ryü agenyu thazo shülo’ tse a-le zoshü.
‘Shochün pe Israel nyu tsü lalo.’
8Sunggigü le shochün pe tsü kemvu ale
dihontse shochün pe tsü lomon
Nmvue Npugü le nke lati tse zokemvu ale dihontse zolo mon?
9Tsonye ketetso ki bin-o ale anyugun hyu;
Rincho thun ge bin-o anyugun shwishü.
Anyugun le anyu npvü yhun kebin senye;
Anyugun le senye kecha nyeki jochü pfü kebin shabin nyo.
10Israel tsipwe le kenphü hontse--
Anyugun le chonritsin-o swülo buho.
Sunggigü temi nme hontse akeyhun jon no a-keni thyüta;
Ano kemitsin gü hontse anyun bweo sita.”
11Tsontsin Balak le Balaam ka zoshü, “Nle age nyuthyü shü la? Ale nno shochün pe ashwikerüchün nyu tsü lotse nzen hika ryü, ai nle jochü pe anyugun tsü gwenzin laso.”
12A-le zonishü, “Npugü le ano nyu zolo tse shü yo ale tsü nti zolo kegwa gwenzin.”
Balaam Sidyükezo Kenyhun Gü
13Tsüselo Balak le Balaam ka zoshü, “Ryü azen bin kecha nme ka gülo tsünyu bin-o Israel nyu peha nti hyu logwa. Tsüka bin-o agenyu shochün pe anyugun tsü lalo.” 14Tson-o a-zen Zophin low ki gü Pisgah kazüthun sun ge shülo. Tsünyu ko a-le kershvubin tsenyü thyülo njüo methutse nme lo tanyütse nme tse pe kershvubin nmeme ka rüshvu shü.
15Balaam le Balak ka zoshü, “Nle rope kerüshvu khoka so tselo, ale lika gü Sunggigü teno ti.”
16Npugü le Balaam teno-o a-no nyuzo tiyo zoshüo, a-jolo pe Balak ka zoshü lotse a-nini shüla. 17Tson-o a-le raniryü Balak le Moab nyu sharhi dan zen-o rope kerüshvu bin ka so kebin hyulo. Npugü le nyuzo shüyo Balak le ketsoshü, 18lo Balaam le sidyüjo hi zoshü:
“Ryülo Zippor nyugü Balak,
Lo ale nyu zotiyo nyülo.
19Sunggigü le temi hontse nku hümvu;
A-le a-nyunkelu la kehü temi hontse mvu.
A-le nyu zoshüyo tsü thyühü;
A-le zoshü, lo tsü thyüla hü.
20Ano jochü shü lo tse aka zoshü,
Sunggigü le jochü pe tsü binlo, ale tsü rani keloi mvu.
21Ale Israel sidyü hyu
Hengwa kemvu nmvue kenjün kethyü nme da ryü jü mvu.
Npugü anyu Sunggigü le anyu zen hü;
A-le anyugun raja le tse anyugun le zo sen hü.
22Sunggigü le Ijipt nyu anyugun zen chwiryü;
A-le teronyu gu tse hontse anyugun genyu mezen kenren hü.
23Jadu nmvue temvuo Israel nyu senye ntsun keloi ndi.
Ntsoka temi le Israel nyu rüla zo-o,
‘Sunggigü le nyuthyü shüyo shwishü!’ tsonti.
24Israel senye le shünyho kekvu hontse:
Tsüle a-le thyü tenkelo gü sürhen tyü,
Lo a-zi tsü nzeü lo kemvuthen rüyü hümvu.”
25Tsontsin Balak le Balaam ka zoshü, “Nle shochün pe Israel nyu tsümvu letse laso, tson-e jochü pe anyugun tsü nya!”
26Balaam le a-jokenishü, “Npugü le aka zo keshü lihie ale thyüti tse ale nka zoshü mvu ole?”
Balaam Le Sidyükezo Kenshen Gü
27Balak le zoshü, “Ryülo, ale nzen gü bin kecha nme ka shü tile. Sunggigü le nno bin tsüka agenyu shochün pe anyugun tsülo tse bin ado.” 28Tson-o a-le Balaam zen-o kazü kesi gü kentsun Peor kazüthun sun ge kü. 29Balaam le a-ka, zoshü, “Hika agenyu kershvubin tsenyü thyüshüo methutse tsenyü lo tanyü tse tsenyü senryü a-tsüshülo.” 30A-le kezo hontse Balak le thyüshüo methutse nme lo tanyü tse nme tse pe kershvubin nme me ka rüshvu shü.
Currently Selected:
TSIPWESWÜ 23: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 23
23
1A-le Balak ka zoshü, “Hika a genyu kershvubin tsenyü thyü shüo, methu tse tsenyü lo tanyü tse tsenyü senryü atsü shülo.”
2Balak le Balaam le a-ka zokeshü hontse thyülo njüo Balaam au methu tse lo tanyü tse nme me pe kershvubin nme ge rüshvu shü. 3Tson-o Balaam le Balak ka zoshü, “Nle hika rope kerüshvu khoka sotse, Npugü le ateno tile nmvue yo ale shwishüti. A-le nyu pe atesha shüyo ale nka zo shüti.” Tsonshüo a npvü rincho sun nme ge küla, 4Sunggigü le a-teno shü. Balaam le a-ka zoshü. “Ale kershvubin tsenyü thyüshüo methutse lo tanyü tse nmeme pe kerüshvu thyüshü laso.”
5Npugü le Balaam no nyuzo tiyo a-kazoshüo a-jo pe Balak ka zoshü lotse a-ni ni shüla. 6Tson-o a-le rani ryü Balak le Moab nyu sharhi dan aphu zen-o rope kerüshvu khoka so kebin hyulo.
7Balaam le sidyüjo hi zoshü:
“Moab nyu raja Balak le
Siria, lo npho kazüthun kipon azenryü.
‘Ryü agenyu thazo shülo’ tse a-le zoshü.
‘Shochün pe Israel nyu tsü lalo.’
8Sunggigü le shochün pe tsü kemvu ale
dihontse shochün pe tsü lomon
Nmvue Npugü le nke lati tse zokemvu ale dihontse zolo mon?
9Tsonye ketetso ki bin-o ale anyugun hyu;
Rincho thun ge bin-o anyugun shwishü.
Anyugun le anyu npvü yhun kebin senye;
Anyugun le senye kecha nyeki jochü pfü kebin shabin nyo.
10Israel tsipwe le kenphü hontse--
Anyugun le chonritsin-o swülo buho.
Sunggigü temi nme hontse akeyhun jon no a-keni thyüta;
Ano kemitsin gü hontse anyun bweo sita.”
11Tsontsin Balak le Balaam ka zoshü, “Nle age nyuthyü shü la? Ale nno shochün pe ashwikerüchün nyu tsü lotse nzen hika ryü, ai nle jochü pe anyugun tsü gwenzin laso.”
12A-le zonishü, “Npugü le ano nyu zolo tse shü yo ale tsü nti zolo kegwa gwenzin.”
Balaam Sidyükezo Kenyhun Gü
13Tsüselo Balak le Balaam ka zoshü, “Ryü azen bin kecha nme ka gülo tsünyu bin-o Israel nyu peha nti hyu logwa. Tsüka bin-o agenyu shochün pe anyugun tsü lalo.” 14Tson-o a-zen Zophin low ki gü Pisgah kazüthun sun ge shülo. Tsünyu ko a-le kershvubin tsenyü thyülo njüo methutse nme lo tanyütse nme tse pe kershvubin nmeme ka rüshvu shü.
15Balaam le Balak ka zoshü, “Nle rope kerüshvu khoka so tselo, ale lika gü Sunggigü teno ti.”
16Npugü le Balaam teno-o a-no nyuzo tiyo zoshüo, a-jolo pe Balak ka zoshü lotse a-nini shüla. 17Tson-o a-le raniryü Balak le Moab nyu sharhi dan zen-o rope kerüshvu bin ka so kebin hyulo. Npugü le nyuzo shüyo Balak le ketsoshü, 18lo Balaam le sidyüjo hi zoshü:
“Ryülo Zippor nyugü Balak,
Lo ale nyu zotiyo nyülo.
19Sunggigü le temi hontse nku hümvu;
A-le a-nyunkelu la kehü temi hontse mvu.
A-le nyu zoshüyo tsü thyühü;
A-le zoshü, lo tsü thyüla hü.
20Ano jochü shü lo tse aka zoshü,
Sunggigü le jochü pe tsü binlo, ale tsü rani keloi mvu.
21Ale Israel sidyü hyu
Hengwa kemvu nmvue kenjün kethyü nme da ryü jü mvu.
Npugü anyu Sunggigü le anyu zen hü;
A-le anyugun raja le tse anyugun le zo sen hü.
22Sunggigü le Ijipt nyu anyugun zen chwiryü;
A-le teronyu gu tse hontse anyugun genyu mezen kenren hü.
23Jadu nmvue temvuo Israel nyu senye ntsun keloi ndi.
Ntsoka temi le Israel nyu rüla zo-o,
‘Sunggigü le nyuthyü shüyo shwishü!’ tsonti.
24Israel senye le shünyho kekvu hontse:
Tsüle a-le thyü tenkelo gü sürhen tyü,
Lo a-zi tsü nzeü lo kemvuthen rüyü hümvu.”
25Tsontsin Balak le Balaam ka zoshü, “Nle shochün pe Israel nyu tsümvu letse laso, tson-e jochü pe anyugun tsü nya!”
26Balaam le a-jokenishü, “Npugü le aka zo keshü lihie ale thyüti tse ale nka zoshü mvu ole?”
Balaam Le Sidyükezo Kenshen Gü
27Balak le zoshü, “Ryülo, ale nzen gü bin kecha nme ka shü tile. Sunggigü le nno bin tsüka agenyu shochün pe anyugun tsülo tse bin ado.” 28Tson-o a-le Balaam zen-o kazü kesi gü kentsun Peor kazüthun sun ge kü. 29Balaam le a-ka, zoshü, “Hika agenyu kershvubin tsenyü thyüshüo methutse tsenyü lo tanyü tse tsenyü senryü a-tsüshülo.” 30A-le kezo hontse Balak le thyüshüo methutse nme lo tanyü tse nme tse pe kershvubin nme me ka rüshvu shü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.