TSIPWESWÜ 21
21
Kanan nyu So Kvukelo
1Kanan tesinzin kebin raja gü Arad le Israel nyu le Atharim tson ryü kejü nyülo njüo gü anyugun when-o anyugun peha ten lola. 2Tsontsin Israel nyu le Npugü ka keswe nme thyülo “Nle agun no temi hidan nye kvulo yatselo, agun le anyu temi lo nyida dan thyükenshün pe ntsüo, anyu nke lati.” 3Npugü le anyugun khwenyülo njüo anyugun cheshüo Kanan nyu so kvulo. Tson-o Israel nyu le anyugun temi lo nyida dan nke shülao bin tsü zan pe Hormah tholo.
Lazo Pe peri Gü Thyükelo
4Israel nyu le Edom terhi rhon nrün genyu Hor kazüthun nken-o A qaba ki kegü tson ryü. Ai tson nyu temi dan le a-kekheni lo mvuo 5Sunggigü lo Mosa kentsun jo zola. Anyugun le kenyao, “Nle nyuthyüo Ijipt nyu agun zenchwiryü ketyüketsü lo zü kendi kazü kesi ki agun no sila titse bin nle? Ketyüketsü kezükemvu hi tyüni nyü mvulaso!” 6Tsontsin Npugü le peri kerhu nipe temi dan nyu shüo Israel nyu kechon ndu shvula. 7Temi dan le ryü Mosa ka zoshü, “Agun le Npugü, lo nkentsun jo zo-o mula sele. Npugü no peri hidan sentinla lotse hishülo.” Tson-o Mosa le temi dan genyu hishü. 8Tsontsin Npugü le Mosa no tegi pe peri nme thyü pe kachon nme ge shüo peri le ndu kela nyu ligü higü tsü nri keshü nyu le pon loti tse zoshü. 9Tsügenyu Mosa le lazo pe peri nme thyü pe kachon nme ge shülo. Peri le ndu kelanyu ligü higü lazo pe kethyü peri gü nri keshü nyu le pon lola.
Hor Kazüthun Ka Bin-o Moab Zunpha Ki Kegü
10Israel nyu le ketu gü Oboth ka nsenlo. 11Bin tsügü nken kelasiki anyugun le Moab nyu terhi npho zin tehenyhunkemvu nyu Abarim ka nsenlo. 12Tson-o gü Zered ketejon günyu nsen lo. 13Tsünyu ketuni sen-o Arnon züri tesozin tehenyhunkemvu nyu Amornyu terhi tikebin nyu nsenlo. (Arnon tsüle Moab lo Amor au jaka terhi.) 14Tsügenyu Npugü Teri kethyü rüla lesü nyu “Suphah ki Waheb nyida gü, lo Kazü ketejon dan rüla zo njü; Arnon züri, 15kazü ketejon bonhü gü le Moab nyu terhi zin tsügü Ar nyida ti.”
16Tsüka bin-o gü zülvu dan tse ko kehü bin nme tilo, tsü nyu Npugü le Mosa ka zoshü, “Temi dan zenryü kequen lolo, lo ale zü pe anyugun tsüti.” 17Tsü gwenkho ka Israel nyu le lü hi thyü:
“Zülvudan zü hoshü;
Lo agun le lü nme thyüo tsü kelu ti--
18Rajanyu dan le zülvu gü tsoshü
Lo temi sharhi dan le
Raja thün
Lo anyugun thün sen-o tsoshü.”
Anyugun le tehenyhun kemvu nyu ketu sen-o Mattanah nyu, 19lo tsünyu bin-o Nahaliel, lo Nahaliel nyubin-o Bamoth, 20lo Bamoth nyu bin-o Pisgah kazüthun hensin kazü kesi gü kehun Moab nyu terhi kazü ketejon kipon gunla.
Sihon Raja Lo Og Raja Au so Kvukelo
21Lo Israel nyu le lilo nipe Amor nyu raja gü Sihon kazo; 22“Agun no nkazü pfüthü gü lota. Agun lo agun senru-e no tson nken-o nlow nmvue n vain low nyu gü loho lo nzülvu nyu zü-e tsü kemvui; Nterhi nken lo kemvuthen agun le tsonda then ti.” 23Ai Sihon le Israel nyu no a-kazü pfüthü mvu letse la. A-le a-rihüdan ko kequen lo njüo Israel nyu whe titse tehenyhun kemvu nyu Jahaz karyü. 24Ai Israel nyu le terinyu anyugun kechon dushvu lao Arnon züri tesozin gü Ammon nyu terhi Jabbok keti anyugun kazü lo lola, Ammon nyu terhi gü le khwesa lo kela genyu. 25Tson-o Israel nyu le Amor nyu nyida Heshbon lo tsü kehun dan aphu lo lolao tsünyu bin lola. 26Heshbon le Amor nyu raja Sihon nyida gü, a-le himhundyü Moab raja gü zen kegao a-kazü Arnon züri keti aphu lo lo kelagü. 27Tsü genyu mele lüthyüo,
“Raja Sihon nyida, Heshbon kiryülo!
Agun le tsü thyü lo pensoni kelo shwishü nyü.
28Gwengwa Heshbon nyida hinyu
Sihon rihüdan le Mah hontse chwila;
Tsüle Moab nyu nyida Ar nkela
Lo Arnon teso gü ki rincho dan lolo la.
29Moab nyu n genyu dihontse kenrin thyüla!
Hagun Chemosh kerüshvu dan nke laso!
Hagun tero gü le pechenyu dan no tsenchvula,
Lo tenu nyu dan no Amor raja dothyü laso.
30Ai ntsoka a-nyu tsipwe dan nke laso,
Heshbon ka gü Dibon keti,
Nashim kagü Medeba kho ki Nophah keti aphu.”
31Tson-o Israel nyu le Amor nyu kazü nyu bin lola, 32lo Mosa le me nipe dihontse Jazer whe lo gwatsin tiyo shwishü. Israel nyu le tsü, lo tsü tekho nyida dan lo lola njüo tsü nyu yhun kebin Amor nyu hüla.
33Israel nyu le rani ryüo Bashan tsonda then gü, tsontsin Bashan nyu raja gü Og le a-rihüdan zenryüo Edrei ka anyugun when. 34Npugü le Mosa ka zoshü, “A-nshvunya. Ale a-temi, a-kazü lo a-so kvu kelo pe hagun tsüti. Nle Heshbon ka Amor nyu raja gü Sihon ge nle nyuhontse thyüla yo a-ge tson shülo.” 35Tsügenyu Israel nyu le temi nme kheshü mvutse Og, a-nyudan lo a-temi aphu dushvulao a-kazü lo lola.
Currently Selected:
TSIPWESWÜ 21: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 21
21
Kanan nyu So Kvukelo
1Kanan tesinzin kebin raja gü Arad le Israel nyu le Atharim tson ryü kejü nyülo njüo gü anyugun when-o anyugun peha ten lola. 2Tsontsin Israel nyu le Npugü ka keswe nme thyülo “Nle agun no temi hidan nye kvulo yatselo, agun le anyu temi lo nyida dan thyükenshün pe ntsüo, anyu nke lati.” 3Npugü le anyugun khwenyülo njüo anyugun cheshüo Kanan nyu so kvulo. Tson-o Israel nyu le anyugun temi lo nyida dan nke shülao bin tsü zan pe Hormah tholo.
Lazo Pe peri Gü Thyükelo
4Israel nyu le Edom terhi rhon nrün genyu Hor kazüthun nken-o A qaba ki kegü tson ryü. Ai tson nyu temi dan le a-kekheni lo mvuo 5Sunggigü lo Mosa kentsun jo zola. Anyugun le kenyao, “Nle nyuthyüo Ijipt nyu agun zenchwiryü ketyüketsü lo zü kendi kazü kesi ki agun no sila titse bin nle? Ketyüketsü kezükemvu hi tyüni nyü mvulaso!” 6Tsontsin Npugü le peri kerhu nipe temi dan nyu shüo Israel nyu kechon ndu shvula. 7Temi dan le ryü Mosa ka zoshü, “Agun le Npugü, lo nkentsun jo zo-o mula sele. Npugü no peri hidan sentinla lotse hishülo.” Tson-o Mosa le temi dan genyu hishü. 8Tsontsin Npugü le Mosa no tegi pe peri nme thyü pe kachon nme ge shüo peri le ndu kela nyu ligü higü tsü nri keshü nyu le pon loti tse zoshü. 9Tsügenyu Mosa le lazo pe peri nme thyü pe kachon nme ge shülo. Peri le ndu kelanyu ligü higü lazo pe kethyü peri gü nri keshü nyu le pon lola.
Hor Kazüthun Ka Bin-o Moab Zunpha Ki Kegü
10Israel nyu le ketu gü Oboth ka nsenlo. 11Bin tsügü nken kelasiki anyugun le Moab nyu terhi npho zin tehenyhunkemvu nyu Abarim ka nsenlo. 12Tson-o gü Zered ketejon günyu nsen lo. 13Tsünyu ketuni sen-o Arnon züri tesozin tehenyhunkemvu nyu Amornyu terhi tikebin nyu nsenlo. (Arnon tsüle Moab lo Amor au jaka terhi.) 14Tsügenyu Npugü Teri kethyü rüla lesü nyu “Suphah ki Waheb nyida gü, lo Kazü ketejon dan rüla zo njü; Arnon züri, 15kazü ketejon bonhü gü le Moab nyu terhi zin tsügü Ar nyida ti.”
16Tsüka bin-o gü zülvu dan tse ko kehü bin nme tilo, tsü nyu Npugü le Mosa ka zoshü, “Temi dan zenryü kequen lolo, lo ale zü pe anyugun tsüti.” 17Tsü gwenkho ka Israel nyu le lü hi thyü:
“Zülvudan zü hoshü;
Lo agun le lü nme thyüo tsü kelu ti--
18Rajanyu dan le zülvu gü tsoshü
Lo temi sharhi dan le
Raja thün
Lo anyugun thün sen-o tsoshü.”
Anyugun le tehenyhun kemvu nyu ketu sen-o Mattanah nyu, 19lo tsünyu bin-o Nahaliel, lo Nahaliel nyubin-o Bamoth, 20lo Bamoth nyu bin-o Pisgah kazüthun hensin kazü kesi gü kehun Moab nyu terhi kazü ketejon kipon gunla.
Sihon Raja Lo Og Raja Au so Kvukelo
21Lo Israel nyu le lilo nipe Amor nyu raja gü Sihon kazo; 22“Agun no nkazü pfüthü gü lota. Agun lo agun senru-e no tson nken-o nlow nmvue n vain low nyu gü loho lo nzülvu nyu zü-e tsü kemvui; Nterhi nken lo kemvuthen agun le tsonda then ti.” 23Ai Sihon le Israel nyu no a-kazü pfüthü mvu letse la. A-le a-rihüdan ko kequen lo njüo Israel nyu whe titse tehenyhun kemvu nyu Jahaz karyü. 24Ai Israel nyu le terinyu anyugun kechon dushvu lao Arnon züri tesozin gü Ammon nyu terhi Jabbok keti anyugun kazü lo lola, Ammon nyu terhi gü le khwesa lo kela genyu. 25Tson-o Israel nyu le Amor nyu nyida Heshbon lo tsü kehun dan aphu lo lolao tsünyu bin lola. 26Heshbon le Amor nyu raja Sihon nyida gü, a-le himhundyü Moab raja gü zen kegao a-kazü Arnon züri keti aphu lo lo kelagü. 27Tsü genyu mele lüthyüo,
“Raja Sihon nyida, Heshbon kiryülo!
Agun le tsü thyü lo pensoni kelo shwishü nyü.
28Gwengwa Heshbon nyida hinyu
Sihon rihüdan le Mah hontse chwila;
Tsüle Moab nyu nyida Ar nkela
Lo Arnon teso gü ki rincho dan lolo la.
29Moab nyu n genyu dihontse kenrin thyüla!
Hagun Chemosh kerüshvu dan nke laso!
Hagun tero gü le pechenyu dan no tsenchvula,
Lo tenu nyu dan no Amor raja dothyü laso.
30Ai ntsoka a-nyu tsipwe dan nke laso,
Heshbon ka gü Dibon keti,
Nashim kagü Medeba kho ki Nophah keti aphu.”
31Tson-o Israel nyu le Amor nyu kazü nyu bin lola, 32lo Mosa le me nipe dihontse Jazer whe lo gwatsin tiyo shwishü. Israel nyu le tsü, lo tsü tekho nyida dan lo lola njüo tsü nyu yhun kebin Amor nyu hüla.
33Israel nyu le rani ryüo Bashan tsonda then gü, tsontsin Bashan nyu raja gü Og le a-rihüdan zenryüo Edrei ka anyugun when. 34Npugü le Mosa ka zoshü, “A-nshvunya. Ale a-temi, a-kazü lo a-so kvu kelo pe hagun tsüti. Nle Heshbon ka Amor nyu raja gü Sihon ge nle nyuhontse thyüla yo a-ge tson shülo.” 35Tsügenyu Israel nyu le temi nme kheshü mvutse Og, a-nyudan lo a-temi aphu dushvulao a-kazü lo lola.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.