TSIPWESWÜ 20
20
Kadeshnyu
(Chw 17:1-7)
1Shye kerigü ka Israel nyu apentha Zin tehenyhunkemvu nyu ryüo Kadesh ka kensenbin thyüo binlo. Tsüka Miriam le silao pe tsünyu sunla.
2Anyugun kensenbin tsüka zü ndi, tsügenyu temi dan le ryü Mosa lo Aaron au hun pfülo-o 3kenya sola: “Agun no Npugü phika mhundyü nyu agun pvünyu ju zen-o sikela gü le gwakvu nrün 4Hai nyuthyüo agun zen chwiryü tehenyhunkemvu hinyu shüo la? Agun no agun senru zen-o hika sila ti ole? 5Hai le nyuthyüo Ijipt nyu agun zen chwiryü thame yhunkemvui kenjün kethyü bin nyu shü hü nla? Hinyu shye, kherosha, vain, khüratyü nme ndi. Zü-e tsü keloi bin ndi!” 6Mosa lo Aaron au le ketuo temi dan nken gü phika gü khenpvü ka solo. Au le kazü nyu nkhünrün tsüla lo Npugü kehü keben gü le ryü au yhühyu thyü shü.
7Npugü le Mosa ka zoshü, 8“Kejozenkelo Khinpha gü mhundyü nyu thün gü tsü khilo-o Aaron hai süda gü ko kequenshü. Tson-o tsüka anyugun aphu mhundyü nyu tsonye gü ka zoshü lo züle tsü ka tsun chwiryü ti. Hihontse hai le temi lo anyugun senru dan genyu tsonye gü ge zü senchwi ryüti.” 9Npugü le johokeshü hontse Mosa le gü thün gü khilo. 10Mosa lo Aaron au le temi apentha kope tsonye gü mhundyü nyu kequen lo njüo Mosa le zoshü, “Hagun kenya kehü dan, nyülo! Ayi no hagun genyu tsonye higü ge zü senryü lo tse ole?” 11Tsonshüo Mosa le thün gü pen so lo njüo gwenhvu ge tsonye gü vüshü laryü zü le tsunpe kesü kela thyüchwiryüo temi lo senrudan aphu tsülo. 12Ai Npugü le Mosa lo Aaron au rhoshü. A-le zoshü, “Hai le Israel nyu mhundyü nyu akenshün kekvu tenyen kemvu genyu hai no anyugun tsonrio ale zope anyugun tsü kenjü kazü günyu yü loho.” 13Hile Meribah ki thyü, tsüka Israel nyu temi le Npugü ge kenyala, lo a-le nshün tse tsin pe anyugun hishü.
Edom raja gü Le Israelnyu No Pfüthyü gü Mvukela
14Mosa le Kadesh ka lilonyu nipe Edom raja gü kashü. Anyugun le zoshü, “Jolo hile nshvunye Israel tsipwe dan jole. Agun le kenjün thyü kebin nle sha bin nyo, 15dihontse agun pvübon nyu le Ijipt ki tsülao agun le chen kethon yhun tin layo. Ijipt nyu le agun pvübon nyu lo agun-e nshwe sala, 16lo agun le Npugü ka keche hishü. A-le agun kehin nyülo-o tsangge lonyu nme nishü Ijipt nyu agun zenchwiryü le. Ntsoka agun le nterhi ka Kadesh nyida ka bin nle. 17Ncheno-e agun no n kazü pfüthü gun lota. Agun lo agun senru-e no tsonda nken-o nlow, nmvue n vain low nyu yü loho, lo nzülvu nyu zü-e tsü loho. Agun le nterhi nken la kemvuthen tsonda zen gwen zin tile.”
18Ai Edomnyu le kenishü, “Hagun no akazü pfüthü lo nrün ndi! Hagun le ryü yatselo agun le ryü hagun whenti.”
19Israel nyu le joshü, “Agun le tsonda then gwenzin gile, lo agun senru le hagun zütsü lalo agun le a-mi thyüti--agun le pfüthü gun lo kenyü nti.”
20Ai Edomnyu le zonio, “Kemvui, tson-o Israel nyu nren titseo rihü kechon zen-o tsonchü chwiryüla.” 21Edom nyu le Israel nyu no a-kazü pfüthü mvukela genyu Israel nyu le rani tson kecha kipon gunla.
Aaron Kesi
22Israel nyu apentha Kadesh nken-o Hor kazüthun ka ryülo, 23Edom kazü terhi ka. Tsüka Npugü le Mosa lo Aaron au ka zoshü, 24“Aaron le ale pe Israel nyu tsüti tse zokenjü kazü günyu yü loha; a-le si lati, hai le Meribah ka a johokeshü thenmvu kela genyu. 25Aaron lo anyugü Eleazar au zen-o Hor kazüthun ge küryülo, 26lo tsüki Aaron püshükeda phinya yhün pe Eleazar ge shüshüo Aaron le tsüki si lati.” 27Npugü le nyu johoshü yo Mosa le tsü thyülo. Anyugun le temi apentha yhühyu ka Hor kazüthun ge küla, 28tson-o Mosa le Aaron püshükeda phinya yhün pe Eleazar ge shüshü. Tsüki kazüthun sun ge Aaron le sila, lo Mosa lo Eleazar au le tsenryüla. 29Temi apentha Aaron le sikela sha lo-o anyugun le jon shenryü a-che chü.
Currently Selected:
TSIPWESWÜ 20: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 20
20
Kadeshnyu
(Chw 17:1-7)
1Shye kerigü ka Israel nyu apentha Zin tehenyhunkemvu nyu ryüo Kadesh ka kensenbin thyüo binlo. Tsüka Miriam le silao pe tsünyu sunla.
2Anyugun kensenbin tsüka zü ndi, tsügenyu temi dan le ryü Mosa lo Aaron au hun pfülo-o 3kenya sola: “Agun no Npugü phika mhundyü nyu agun pvünyu ju zen-o sikela gü le gwakvu nrün 4Hai nyuthyüo agun zen chwiryü tehenyhunkemvu hinyu shüo la? Agun no agun senru zen-o hika sila ti ole? 5Hai le nyuthyüo Ijipt nyu agun zen chwiryü thame yhunkemvui kenjün kethyü bin nyu shü hü nla? Hinyu shye, kherosha, vain, khüratyü nme ndi. Zü-e tsü keloi bin ndi!” 6Mosa lo Aaron au le ketuo temi dan nken gü phika gü khenpvü ka solo. Au le kazü nyu nkhünrün tsüla lo Npugü kehü keben gü le ryü au yhühyu thyü shü.
7Npugü le Mosa ka zoshü, 8“Kejozenkelo Khinpha gü mhundyü nyu thün gü tsü khilo-o Aaron hai süda gü ko kequenshü. Tson-o tsüka anyugun aphu mhundyü nyu tsonye gü ka zoshü lo züle tsü ka tsun chwiryü ti. Hihontse hai le temi lo anyugun senru dan genyu tsonye gü ge zü senchwi ryüti.” 9Npugü le johokeshü hontse Mosa le gü thün gü khilo. 10Mosa lo Aaron au le temi apentha kope tsonye gü mhundyü nyu kequen lo njüo Mosa le zoshü, “Hagun kenya kehü dan, nyülo! Ayi no hagun genyu tsonye higü ge zü senryü lo tse ole?” 11Tsonshüo Mosa le thün gü pen so lo njüo gwenhvu ge tsonye gü vüshü laryü zü le tsunpe kesü kela thyüchwiryüo temi lo senrudan aphu tsülo. 12Ai Npugü le Mosa lo Aaron au rhoshü. A-le zoshü, “Hai le Israel nyu mhundyü nyu akenshün kekvu tenyen kemvu genyu hai no anyugun tsonrio ale zope anyugun tsü kenjü kazü günyu yü loho.” 13Hile Meribah ki thyü, tsüka Israel nyu temi le Npugü ge kenyala, lo a-le nshün tse tsin pe anyugun hishü.
Edom raja gü Le Israelnyu No Pfüthyü gü Mvukela
14Mosa le Kadesh ka lilonyu nipe Edom raja gü kashü. Anyugun le zoshü, “Jolo hile nshvunye Israel tsipwe dan jole. Agun le kenjün thyü kebin nle sha bin nyo, 15dihontse agun pvübon nyu le Ijipt ki tsülao agun le chen kethon yhun tin layo. Ijipt nyu le agun pvübon nyu lo agun-e nshwe sala, 16lo agun le Npugü ka keche hishü. A-le agun kehin nyülo-o tsangge lonyu nme nishü Ijipt nyu agun zenchwiryü le. Ntsoka agun le nterhi ka Kadesh nyida ka bin nle. 17Ncheno-e agun no n kazü pfüthü gun lota. Agun lo agun senru-e no tsonda nken-o nlow, nmvue n vain low nyu yü loho, lo nzülvu nyu zü-e tsü loho. Agun le nterhi nken la kemvuthen tsonda zen gwen zin tile.”
18Ai Edomnyu le kenishü, “Hagun no akazü pfüthü lo nrün ndi! Hagun le ryü yatselo agun le ryü hagun whenti.”
19Israel nyu le joshü, “Agun le tsonda then gwenzin gile, lo agun senru le hagun zütsü lalo agun le a-mi thyüti--agun le pfüthü gun lo kenyü nti.”
20Ai Edomnyu le zonio, “Kemvui, tson-o Israel nyu nren titseo rihü kechon zen-o tsonchü chwiryüla.” 21Edom nyu le Israel nyu no a-kazü pfüthü mvukela genyu Israel nyu le rani tson kecha kipon gunla.
Aaron Kesi
22Israel nyu apentha Kadesh nken-o Hor kazüthun ka ryülo, 23Edom kazü terhi ka. Tsüka Npugü le Mosa lo Aaron au ka zoshü, 24“Aaron le ale pe Israel nyu tsüti tse zokenjü kazü günyu yü loha; a-le si lati, hai le Meribah ka a johokeshü thenmvu kela genyu. 25Aaron lo anyugü Eleazar au zen-o Hor kazüthun ge küryülo, 26lo tsüki Aaron püshükeda phinya yhün pe Eleazar ge shüshüo Aaron le tsüki si lati.” 27Npugü le nyu johoshü yo Mosa le tsü thyülo. Anyugun le temi apentha yhühyu ka Hor kazüthun ge küla, 28tson-o Mosa le Aaron püshükeda phinya yhün pe Eleazar ge shüshü. Tsüki kazüthun sun ge Aaron le sila, lo Mosa lo Eleazar au le tsenryüla. 29Temi apentha Aaron le sikela sha lo-o anyugun le jon shenryü a-che chü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.