TSIPWESWÜ 18
18
Püshükedanyu Lo Levinyu Tho
1Npugü le Aaron ka zoshü, “Nle, nnyudan lo Levinyu le ale kehü Phika günyu tha lihie thyüzü kela khvu pvü mvuloshvu; ai nle lo nnyudan npvü püshükeda thonyu thyüzü kela khvu pvüti. 2N shvunye Levi tsipwe no, nle lo nnyudan le Phika günyu tha kethyü ka nkeche nrün genyu zen ryülo. 3Anyugun le nlothyü lo phika günyu thatho thyüti, ai anyugun no Kenshün Bin gü nmvue kershvubin gü nyu kenshün kanyü kesü nya. Tson yatselo anyugun lo n-e no siti. 4A nyugun no nzen-o thathyü lo phika günyu mvulo keshvu aphu thyüti, ai kechanyu we nme no hagun kho nni ryü nya. 5A nyunkenta no Israel nyu ge niryü mvu nrün genyu, nle lo n nyudan nti Kenshün Bin lo kershvubin nyu thatho dan thyülo. 6Israel nyu dan nyu hagun Levi shvunye kejü pe jwe nme hontse pe hagun ketsü gü tsü le ale. Anyugun no phika günyu thatho thyü nrün genyu, anyugun thyü kenshün pe akishü laso. 7Ai nle lo nnyudan nti le kershvubin lo Kenshüntsin Bin nyu püshükeda thodan thyüti. Ale püshükeda jünketho pe hagun tsü kela genyu hidan hile hagun khvu. Kechanyu ligü higü kenshün hon dan kho nni ryülo siti.”
Püshükedanyu jün
8Npugü le Aaron ka zoshü, “Rüchünlo, tha kerüche pe aketsü rope kerüshvu thyü kemvudan aphu ale pe ntsü bin nyo. Ale tsü pe kethonthen nle lo ntsipwe dan tsü laso. 9Pe kershvubin ge rola kemvu Kenshüntsin hon dan hile nhon: Shyeni pe kerüshvu, kemu genyu kerüshvu lo thyüzükela genyu kerüshvu. Kenshün kerüshvu hon pe aketsü lihie nle lo nnyu dan hon. 10Nle bin kenshün ka hidan tyümvulo shvu, pechenyu nti tyü logwa; hile nge nyu nshün.
11“Tsünyeki, Israel nyu le tha kerüche pe aketsü aphu nhon. Ryükejü gwenkho aphu ka ale tsü pe nle, nnyu peche lo tenu dan tsü bin nle. N kami nshün kebin nyu aphu tsü tyü logwa.
12“Chenkechwi Israel nyu le oliv ter, vainzu lo shyeni keri kegwatsin pe aketsü aphu ale pe ntsü bin nle: 13Tsü aphu nhon. N kami nshün kebin nyu aphu tsü tyü logwa.
14“Israel nyu dan nyu thyü kenshün pe atsü kela aphu nhon.
15“Temi nmvue senru-e nyuri gü Israel nyu le pe aketsü aphu nhon. Ai temi nyuri gü nle rhini mvuloshvu lo nyukhu nshün kemvudan nyuri gü ko rhini mvu loshvu. 16Ntsenyu dan shyeme ka a-mi le mele sen kehü haka rakagi pvün thyüo hei ni lo lati. 17Ai methu, tanyü lo tenyü nyuri dan we hei ni kemvui: tsü le ahon lo tsüpe kerüshvu thyüti. Tsüdan zi pe kershvubin nyela lo a-keshvu rope ketyüketsü rün kegwa thyü pe aki shülo. 18Kerüshvu kerüche ka a-nyü lo a-pha nzhü gü le nhon.
19“Ryükejü gwenkho aphu nyu Israel nyu le pe aketsü aphu ale pe nle, nnyu peche lo tenu dan tsü bin nle. Hile ale nle lo ntsipwe zen-o borholokeho kejozenkelo nme thyüshü laso.”
20Npugü le Aaron ka zoshü, “Nle gwe nrün kenya hyu loho, lo Israel nyu kazü njün nme no bin loho. Ale Npugü, nle senmvulo keshvu tsüle ale.”
Levinyu Jün
21Npugü le zoshü, “Israel nyu le pe aketsü jün tseryü jün me tsü ale pe Levinyu tsü laso. Hile anyugun le ale kehü Phika günyu lotha kethyü chün. 22Israel kechanyu no Phika gü karyüo a-chün le kesi hyula mvu nrün genyu ryü nya. 23Ntsoka gerho Levinyu nti phika gü nucha lo tsünyu mvulo keshvu aphu pvülo ti. Hile hagun tsipwe genyu kethonthen tejvu nme thyüti. Levi nyu le Israel nyu dan nyu gwe nrün kenya no bin loho, 24Israel nyu le jüntseryü ka jünme pe aketsü ale anyugun no anyu hon thyü lotse pe tsü kela genyu. Tsügenyu ale anyugun no Israel nyu dan nyu gwe nrün kenya no bin loho tse zoshü laso.”
Levinyu Ketsü Jüntseryü Jünme
25Npugü le Mosa ka johoshü, 26Levinyu ka zoshü lotse: “Npugü le hagun no hagun hon thyü lotse khishü kebin Israel nyu ka jüntseryü ka nme hyu lolo, tsüka jüntseryü ka nme pe Npugü tsü mvu loshvu. 27Kerüche khi keshü higü hile loketsü gü le chenshün nmvue vain zu keshün pe kerüshvu a-keme tse rüchün ti. 28Hihontse nko Israel nyu ka jüntseryü ka nme hyukelo aphu nyu jüntseryü ka nme Npugü hon tsü khishü ti. Nle Npugü genyu kerüche hikhipe püshükeda gü Aaron tsüti. 29Nle hyukelo ka kegwatsin khishü. 30Nle kegwatsin khishü lao low ketsü gü le hoshü kela siki a-sen ntsen lo kehü hontse a-sen ntsenlo. 31Nle lo nkami le a-sen tsü lihikae tyü logwa, tsüle phika günyu nlotho kethyü chün genyu. 32Nle kegwatsin pe Npugü tsü kebin thennle tsü ketyü ka mula loho. Ai kegwatsin pe Npugü tsü kemvu ka tsü tyüo Israel nyu le pe Npugü ketsü kenshün hon nrhu lanya,” tson yatselo nno silati.
Currently Selected:
TSIPWESWÜ 18: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 18
18
Püshükedanyu Lo Levinyu Tho
1Npugü le Aaron ka zoshü, “Nle, nnyudan lo Levinyu le ale kehü Phika günyu tha lihie thyüzü kela khvu pvü mvuloshvu; ai nle lo nnyudan npvü püshükeda thonyu thyüzü kela khvu pvüti. 2N shvunye Levi tsipwe no, nle lo nnyudan le Phika günyu tha kethyü ka nkeche nrün genyu zen ryülo. 3Anyugun le nlothyü lo phika günyu thatho thyüti, ai anyugun no Kenshün Bin gü nmvue kershvubin gü nyu kenshün kanyü kesü nya. Tson yatselo anyugun lo n-e no siti. 4A nyugun no nzen-o thathyü lo phika günyu mvulo keshvu aphu thyüti, ai kechanyu we nme no hagun kho nni ryü nya. 5A nyunkenta no Israel nyu ge niryü mvu nrün genyu, nle lo n nyudan nti Kenshün Bin lo kershvubin nyu thatho dan thyülo. 6Israel nyu dan nyu hagun Levi shvunye kejü pe jwe nme hontse pe hagun ketsü gü tsü le ale. Anyugun no phika günyu thatho thyü nrün genyu, anyugun thyü kenshün pe akishü laso. 7Ai nle lo nnyudan nti le kershvubin lo Kenshüntsin Bin nyu püshükeda thodan thyüti. Ale püshükeda jünketho pe hagun tsü kela genyu hidan hile hagun khvu. Kechanyu ligü higü kenshün hon dan kho nni ryülo siti.”
Püshükedanyu jün
8Npugü le Aaron ka zoshü, “Rüchünlo, tha kerüche pe aketsü rope kerüshvu thyü kemvudan aphu ale pe ntsü bin nyo. Ale tsü pe kethonthen nle lo ntsipwe dan tsü laso. 9Pe kershvubin ge rola kemvu Kenshüntsin hon dan hile nhon: Shyeni pe kerüshvu, kemu genyu kerüshvu lo thyüzükela genyu kerüshvu. Kenshün kerüshvu hon pe aketsü lihie nle lo nnyu dan hon. 10Nle bin kenshün ka hidan tyümvulo shvu, pechenyu nti tyü logwa; hile nge nyu nshün.
11“Tsünyeki, Israel nyu le tha kerüche pe aketsü aphu nhon. Ryükejü gwenkho aphu ka ale tsü pe nle, nnyu peche lo tenu dan tsü bin nle. N kami nshün kebin nyu aphu tsü tyü logwa.
12“Chenkechwi Israel nyu le oliv ter, vainzu lo shyeni keri kegwatsin pe aketsü aphu ale pe ntsü bin nle: 13Tsü aphu nhon. N kami nshün kebin nyu aphu tsü tyü logwa.
14“Israel nyu dan nyu thyü kenshün pe atsü kela aphu nhon.
15“Temi nmvue senru-e nyuri gü Israel nyu le pe aketsü aphu nhon. Ai temi nyuri gü nle rhini mvuloshvu lo nyukhu nshün kemvudan nyuri gü ko rhini mvu loshvu. 16Ntsenyu dan shyeme ka a-mi le mele sen kehü haka rakagi pvün thyüo hei ni lo lati. 17Ai methu, tanyü lo tenyü nyuri dan we hei ni kemvui: tsü le ahon lo tsüpe kerüshvu thyüti. Tsüdan zi pe kershvubin nyela lo a-keshvu rope ketyüketsü rün kegwa thyü pe aki shülo. 18Kerüshvu kerüche ka a-nyü lo a-pha nzhü gü le nhon.
19“Ryükejü gwenkho aphu nyu Israel nyu le pe aketsü aphu ale pe nle, nnyu peche lo tenu dan tsü bin nle. Hile ale nle lo ntsipwe zen-o borholokeho kejozenkelo nme thyüshü laso.”
20Npugü le Aaron ka zoshü, “Nle gwe nrün kenya hyu loho, lo Israel nyu kazü njün nme no bin loho. Ale Npugü, nle senmvulo keshvu tsüle ale.”
Levinyu Jün
21Npugü le zoshü, “Israel nyu le pe aketsü jün tseryü jün me tsü ale pe Levinyu tsü laso. Hile anyugun le ale kehü Phika günyu lotha kethyü chün. 22Israel kechanyu no Phika gü karyüo a-chün le kesi hyula mvu nrün genyu ryü nya. 23Ntsoka gerho Levinyu nti phika gü nucha lo tsünyu mvulo keshvu aphu pvülo ti. Hile hagun tsipwe genyu kethonthen tejvu nme thyüti. Levi nyu le Israel nyu dan nyu gwe nrün kenya no bin loho, 24Israel nyu le jüntseryü ka jünme pe aketsü ale anyugun no anyu hon thyü lotse pe tsü kela genyu. Tsügenyu ale anyugun no Israel nyu dan nyu gwe nrün kenya no bin loho tse zoshü laso.”
Levinyu Ketsü Jüntseryü Jünme
25Npugü le Mosa ka johoshü, 26Levinyu ka zoshü lotse: “Npugü le hagun no hagun hon thyü lotse khishü kebin Israel nyu ka jüntseryü ka nme hyu lolo, tsüka jüntseryü ka nme pe Npugü tsü mvu loshvu. 27Kerüche khi keshü higü hile loketsü gü le chenshün nmvue vain zu keshün pe kerüshvu a-keme tse rüchün ti. 28Hihontse nko Israel nyu ka jüntseryü ka nme hyukelo aphu nyu jüntseryü ka nme Npugü hon tsü khishü ti. Nle Npugü genyu kerüche hikhipe püshükeda gü Aaron tsüti. 29Nle hyukelo ka kegwatsin khishü. 30Nle kegwatsin khishü lao low ketsü gü le hoshü kela siki a-sen ntsen lo kehü hontse a-sen ntsenlo. 31Nle lo nkami le a-sen tsü lihikae tyü logwa, tsüle phika günyu nlotho kethyü chün genyu. 32Nle kegwatsin pe Npugü tsü kebin thennle tsü ketyü ka mula loho. Ai kegwatsin pe Npugü tsü kemvu ka tsü tyüo Israel nyu le pe Npugü ketsü kenshün hon nrhu lanya,” tson yatselo nno silati.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.