TSIPWESWÜ 17
17
Aaron Thün
1Npugü le Mosa ka zoshü, 2“Israel nyu temi dan no kami sharhi nme ka nmeme tseo thün tseryü kenyhun pe ntsü lo tse zoshülo. A-zan a-thün ge thulo 3lo Levi tsipwe sunka sen keryü gü le Aaron zan thulo. Kami sharhinyu nme ge thün nme no tsüka binti. 4Tsü sen gü ale kehü Phika günyu ale hagun teno kehü bin Kejozenkelo Khinpha mhundyü nyu shüla lo. 5Lo ale kejülo kela gü thün le sen chwiryü ti. Hihontseo ale Israel nyunge kenyazin kehü dan khin lati.”
6Tson-o Mosa le Israel nyu ka zoshüo anyugun sharhinyu nmele thün nme me khishü, tsipwe nme ka nme, aphu le tseryü kenyhun, lo Aaron thün ko pe kerhün bin. 7Mosa le thün tsü aphu pe Phika günyu Kejozenkelo Khinpha gü mhundyü ka shüla.
8Sendu gü Mosa le Phika ki gü laryü, Levi kami sunka sen keryü Aaron thün gü le senchwiryü kela hyulo. Tsüle senchwi ryü pun-o almond sha le nyen bin! 9Mosa le thün tsü aphu khipe Israel nyu hishü. Nyuhontse layo hyu shüo anyugun le a-thün thün khini lola. 10Npugü le Mosa ka zoshü, “Aaron thün tsü khini pe Kejozenkelo Khinpha gü mhundyü ka shü lalo. Kevükehü Israel nyu no anyugun le kevümvu la mvulo siti tseo petsü lo nrün genyu.” 11Npugü le zokeshü hontse Mosa le tsü thyülo.
12Israel nyu le Mosa ka zoshü, “Tsonyatselo tsüle agun genyu a-keniso! 13Ligü higü phika kho nni keryü gü-e simvu loshvu yatselo, agun aphu no sila ti ole!”
Currently Selected:
TSIPWESWÜ 17: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 17
17
Aaron Thün
1Npugü le Mosa ka zoshü, 2“Israel nyu temi dan no kami sharhi nme ka nmeme tseo thün tseryü kenyhun pe ntsü lo tse zoshülo. A-zan a-thün ge thulo 3lo Levi tsipwe sunka sen keryü gü le Aaron zan thulo. Kami sharhinyu nme ge thün nme no tsüka binti. 4Tsü sen gü ale kehü Phika günyu ale hagun teno kehü bin Kejozenkelo Khinpha mhundyü nyu shüla lo. 5Lo ale kejülo kela gü thün le sen chwiryü ti. Hihontseo ale Israel nyunge kenyazin kehü dan khin lati.”
6Tson-o Mosa le Israel nyu ka zoshüo anyugun sharhinyu nmele thün nme me khishü, tsipwe nme ka nme, aphu le tseryü kenyhun, lo Aaron thün ko pe kerhün bin. 7Mosa le thün tsü aphu pe Phika günyu Kejozenkelo Khinpha gü mhundyü ka shüla.
8Sendu gü Mosa le Phika ki gü laryü, Levi kami sunka sen keryü Aaron thün gü le senchwiryü kela hyulo. Tsüle senchwi ryü pun-o almond sha le nyen bin! 9Mosa le thün tsü aphu khipe Israel nyu hishü. Nyuhontse layo hyu shüo anyugun le a-thün thün khini lola. 10Npugü le Mosa ka zoshü, “Aaron thün tsü khini pe Kejozenkelo Khinpha gü mhundyü ka shü lalo. Kevükehü Israel nyu no anyugun le kevümvu la mvulo siti tseo petsü lo nrün genyu.” 11Npugü le zokeshü hontse Mosa le tsü thyülo.
12Israel nyu le Mosa ka zoshü, “Tsonyatselo tsüle agun genyu a-keniso! 13Ligü higü phika kho nni keryü gü-e simvu loshvu yatselo, agun aphu no sila ti ole!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.