LEVINYU 16
16
Rhinhikelo Jon
1Aaron nyu hvu le mah nshünkemvu pe Npugü rüshvuo sikela siki Npugü le Mosa ka zoshü. 2“Ntsa gü Aaron no gwenkho toka nti phisüden kebin sizin Kenshün tsin Bingü ka yüryülo, tse zoshülo, ale kejozenkelo Khinpha ge shwikenjün bin so nmhu nme ka tsünyu me yhühyu thyüti. A-le johi nyümvu yatselo, a-le silati. 3A-le kemu rokethyü genyu methu tsebwe nme lo rope kerüshvu genyu tanyü tse nme tse senkeryü siki Kenshün Tsin Bin gü nyu yü logwa.”
4Tson-o Npugü le jo hidan khishü. Aaron le Kenshün Tsin Bin gü nyu keyü mhundyü, zülula lo püshükeda phinya senlo: linen mirün, nyasin, senkephin lo pe kejwe pfülo.
5Israel nyu süda le kemu rokethyü genyu tenyü tse kenyhun lo rope kerüshvu genyu tanyü tse nme tse pe Aaron tsüti. 6A-le a-npfü a-kemu lo a-kami kemu sentinla nrün genyu methu tse nme pe rüshvuti. 7Tsüsiki a-le tenyütse hvu zen-o Npugü kehü Phika gü khenpvü ka güti. 8Tsüka a-le tso kenyhun khi lo-o nme le “Npugü genyu,” lo kecha güle “Azazel genyu” tse whe shwiti. 9Aaron le whe shwio Npugü genyu kejükelo gü pe kemu genyu kerüshvu thyüti. 10Lo Azazel genyu kejükelo gü tsü temi dan kemu pfütinla nrün genyu Npugü mhundyü nyu nipe Azazel tsü lati.
11Aaron le methu tse gü pe a-npfü lo a-kami kemu genyu kerüshvu ka, 12a-le kershvubin ka magi kenhon makepenkhun kesü nme lo tharün kegwa jenthün kenyhun sen-o Kenshün Tsin bin nyu yüryüti. 13Tsüka Npugü mhundyü nyu a-le tharün kegwa gütsü pe mah soge shüo tharün kegwa gü makekhu le kejozenkelo Khinpha ge shwikenjünbin gü sun lao a-le tsü hyumvuo simvu loti. 14A-le methu tse gü zi peha khilo-o a-zenkero pe ntsen-o kezen pe shwikenjün bin mhundyü zin shü lo gwün tsenyü ge kezen pe Kejozenkelo Khinpha mhundyüzin shüti. 15Tsüsiki a-le temidan kemu genyu kerüshvu tenyü gü dushvu lo-o, tsü zi sen-o Kenshün Tsin Bin nyu ryüti, tson-o methu tse gü zi pe kethyü hontse tsü kezen pe shwikenjünbin ge lo Kejozenkelo Khinpha mhundyü zin shüti.
16Hihontseo a-le Israel nyu nshünkemvu lo anyugun kemu nyu Kenshün Tsin Bin gü thyü nshün kelo jvü thyüshü. A-le Phika gü ko tson mvuloshvu, tsüle nshünkemvu anyugun kensenbin lvuka kebin genyu. 17Aaron le Kenshüntsin Bin gü nyu yügü thyünshün kelo rora thyüo chwiryü kemvuthen temi nme Phika günyu bin nya. A-le a-npfü a-genyu, a-kami lo süda genyu rora kethyü ka, 18a-le rope kerüshvu thyüo tsü thyünshün nrün genyu kershvubin ka chwiryü mvulo shvu. A-le methutse zi lo tenyü zi peha tse pe kershvubin quen dan ka a-to aphu yünshü mvuloshvu. 19A-le a-zenkero pe tezi gü nyu ntsen-o gwen tsenyü ge kejen pe kershvubin gü ge shüti. Hihontseo a-le Israel nyu kemu tsü anyugun thyükenshün-o no nshün loti.
Hashükela Tenyü Gü
20Aaron le Kenshüntsin Bin gü, lo Npugü kehü Phika, lo kershvubin gü thyükenshün penkela siki a-le Azazel genyu kejükelo tenyü gü kerhün sen-o Npugü mhundyü ka ryüti. 21A-le a-ben hvu pe tenyü gü pe ge shü lo njüo Israel nyu serikemvu, kemudan lo tejvu gwenrho kela aphu zoshwipe tenyü gü ge shü lati. Tson-o tsügenyu kejükeshü temi gü no tenyü gü tsü hüsengü kazü kesi ki shü lati. 22Tenyü gü le anyugun kemu aphu pfüo temi kendi bin ki tinlati. 23Tsüselo Aaron le Phika gü ki ryüo Kenshüntsin bin gü nyu keyü ka ben kehü Püshükeda phinya dan yhünpe tsüka shü lati. 24A-le Kenshün bin nme ka zülu lao a-phinya ben nya lola mvuloshvu. Tsüsiki a-le a-npfü a-genyu lo temi dan kemu sentinla nrün genyu gü rope kerüshvu thyüti. 25A-le kershvubin ge kemu genyu kerüshvu senru keshvu roti. 26Tenyü gü zen gü kazü kesi ki Azazel tsü kela güle a-phinya thula lo zülu lao kensenbin nyu ryü mvuloshvu. 27Kemu sentinla nrün genyu a-zi sen-o Kenshüntsin bin nyu keryü kemu genyu kerüshvu methutse lo tenyü hvu tsü pen-o kensenbin tegwenzin gü roti. A-gi, a-thyü lo a-ri aphu ro lati. 28Tsü kero gü le a-phinya thula lo zülu la terio kensenbin ki rani ryü mvuloshvu.
Phukerho Jon Kethen
29Ryükejü gwenkho aphu tejvu hidan thenti. Shye tsenyü gü jonryü nyü Israel nyu lo tesin hagun dan nyu yhun kebin nyu le nyenti lo thatho nme thyüloshvu. 30Tsüjon nyü anyugun kemu aphu nyu anyu thyü nshün kelo rora thyüti, tson-o anyu no nshün lati. 31Anyugun le thame thyü mvuo nyen kethyü jon tsüpe nshünsa kethyü jon nme thyüti. Ryükejü gwenkho aphu nyu tejvu higü thenti. 32Püshükeda khikho kechathyü lo thyü kenshün pe a-pvü sun thyü kebin gü le thyü kenshün kelo rora higü thyü ti. A-le püshükeda phinya sen-o 33Kenshüntsin bin gü, Npugü kehü Phika gü, kershvubin, püshükedadan lo süda aphu thyükenshün jvu thyüti. 34Ryükejü gwenkho aphu nyu tejvu higü thenti. Kenshün jvu higü hi chenme ka gwengwa thyüo Israel nyu kemu aphu nyu anyuthyü kenshün mvuloshvu.
Tsüselo Mosa le Npugü le johokeshü hontse thyülo.
Currently Selected:
LEVINYU 16: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LEVINYU 16
16
Rhinhikelo Jon
1Aaron nyu hvu le mah nshünkemvu pe Npugü rüshvuo sikela siki Npugü le Mosa ka zoshü. 2“Ntsa gü Aaron no gwenkho toka nti phisüden kebin sizin Kenshün tsin Bingü ka yüryülo, tse zoshülo, ale kejozenkelo Khinpha ge shwikenjün bin so nmhu nme ka tsünyu me yhühyu thyüti. A-le johi nyümvu yatselo, a-le silati. 3A-le kemu rokethyü genyu methu tsebwe nme lo rope kerüshvu genyu tanyü tse nme tse senkeryü siki Kenshün Tsin Bin gü nyu yü logwa.”
4Tson-o Npugü le jo hidan khishü. Aaron le Kenshün Tsin Bin gü nyu keyü mhundyü, zülula lo püshükeda phinya senlo: linen mirün, nyasin, senkephin lo pe kejwe pfülo.
5Israel nyu süda le kemu rokethyü genyu tenyü tse kenyhun lo rope kerüshvu genyu tanyü tse nme tse pe Aaron tsüti. 6A-le a-npfü a-kemu lo a-kami kemu sentinla nrün genyu methu tse nme pe rüshvuti. 7Tsüsiki a-le tenyütse hvu zen-o Npugü kehü Phika gü khenpvü ka güti. 8Tsüka a-le tso kenyhun khi lo-o nme le “Npugü genyu,” lo kecha güle “Azazel genyu” tse whe shwiti. 9Aaron le whe shwio Npugü genyu kejükelo gü pe kemu genyu kerüshvu thyüti. 10Lo Azazel genyu kejükelo gü tsü temi dan kemu pfütinla nrün genyu Npugü mhundyü nyu nipe Azazel tsü lati.
11Aaron le methu tse gü pe a-npfü lo a-kami kemu genyu kerüshvu ka, 12a-le kershvubin ka magi kenhon makepenkhun kesü nme lo tharün kegwa jenthün kenyhun sen-o Kenshün Tsin bin nyu yüryüti. 13Tsüka Npugü mhundyü nyu a-le tharün kegwa gütsü pe mah soge shüo tharün kegwa gü makekhu le kejozenkelo Khinpha ge shwikenjünbin gü sun lao a-le tsü hyumvuo simvu loti. 14A-le methu tse gü zi peha khilo-o a-zenkero pe ntsen-o kezen pe shwikenjün bin mhundyü zin shü lo gwün tsenyü ge kezen pe Kejozenkelo Khinpha mhundyüzin shüti. 15Tsüsiki a-le temidan kemu genyu kerüshvu tenyü gü dushvu lo-o, tsü zi sen-o Kenshün Tsin Bin nyu ryüti, tson-o methu tse gü zi pe kethyü hontse tsü kezen pe shwikenjünbin ge lo Kejozenkelo Khinpha mhundyü zin shüti.
16Hihontseo a-le Israel nyu nshünkemvu lo anyugun kemu nyu Kenshün Tsin Bin gü thyü nshün kelo jvü thyüshü. A-le Phika gü ko tson mvuloshvu, tsüle nshünkemvu anyugun kensenbin lvuka kebin genyu. 17Aaron le Kenshüntsin Bin gü nyu yügü thyünshün kelo rora thyüo chwiryü kemvuthen temi nme Phika günyu bin nya. A-le a-npfü a-genyu, a-kami lo süda genyu rora kethyü ka, 18a-le rope kerüshvu thyüo tsü thyünshün nrün genyu kershvubin ka chwiryü mvulo shvu. A-le methutse zi lo tenyü zi peha tse pe kershvubin quen dan ka a-to aphu yünshü mvuloshvu. 19A-le a-zenkero pe tezi gü nyu ntsen-o gwen tsenyü ge kejen pe kershvubin gü ge shüti. Hihontseo a-le Israel nyu kemu tsü anyugun thyükenshün-o no nshün loti.
Hashükela Tenyü Gü
20Aaron le Kenshüntsin Bin gü, lo Npugü kehü Phika, lo kershvubin gü thyükenshün penkela siki a-le Azazel genyu kejükelo tenyü gü kerhün sen-o Npugü mhundyü ka ryüti. 21A-le a-ben hvu pe tenyü gü pe ge shü lo njüo Israel nyu serikemvu, kemudan lo tejvu gwenrho kela aphu zoshwipe tenyü gü ge shü lati. Tson-o tsügenyu kejükeshü temi gü no tenyü gü tsü hüsengü kazü kesi ki shü lati. 22Tenyü gü le anyugun kemu aphu pfüo temi kendi bin ki tinlati. 23Tsüselo Aaron le Phika gü ki ryüo Kenshüntsin bin gü nyu keyü ka ben kehü Püshükeda phinya dan yhünpe tsüka shü lati. 24A-le Kenshün bin nme ka zülu lao a-phinya ben nya lola mvuloshvu. Tsüsiki a-le a-npfü a-genyu lo temi dan kemu sentinla nrün genyu gü rope kerüshvu thyüti. 25A-le kershvubin ge kemu genyu kerüshvu senru keshvu roti. 26Tenyü gü zen gü kazü kesi ki Azazel tsü kela güle a-phinya thula lo zülu lao kensenbin nyu ryü mvuloshvu. 27Kemu sentinla nrün genyu a-zi sen-o Kenshüntsin bin nyu keryü kemu genyu kerüshvu methutse lo tenyü hvu tsü pen-o kensenbin tegwenzin gü roti. A-gi, a-thyü lo a-ri aphu ro lati. 28Tsü kero gü le a-phinya thula lo zülu la terio kensenbin ki rani ryü mvuloshvu.
Phukerho Jon Kethen
29Ryükejü gwenkho aphu tejvu hidan thenti. Shye tsenyü gü jonryü nyü Israel nyu lo tesin hagun dan nyu yhun kebin nyu le nyenti lo thatho nme thyüloshvu. 30Tsüjon nyü anyugun kemu aphu nyu anyu thyü nshün kelo rora thyüti, tson-o anyu no nshün lati. 31Anyugun le thame thyü mvuo nyen kethyü jon tsüpe nshünsa kethyü jon nme thyüti. Ryükejü gwenkho aphu nyu tejvu higü thenti. 32Püshükeda khikho kechathyü lo thyü kenshün pe a-pvü sun thyü kebin gü le thyü kenshün kelo rora higü thyü ti. A-le püshükeda phinya sen-o 33Kenshüntsin bin gü, Npugü kehü Phika gü, kershvubin, püshükedadan lo süda aphu thyükenshün jvu thyüti. 34Ryükejü gwenkho aphu nyu tejvu higü thenti. Kenshün jvu higü hi chenme ka gwengwa thyüo Israel nyu kemu aphu nyu anyuthyü kenshün mvuloshvu.
Tsüselo Mosa le Npugü le johokeshü hontse thyülo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.