LEVINYU 12
12
Tenunyu le nyuzen kelasiki thyükenshün Kethyü
1Npugü le tejvü hidan pe Mosa tsüshü 2Israel nyu genyu. Tenunyu le anyu peche nme nnyu shülo, shyekechwi tenunyu jvü tsü hontse jon tsenyü nshünmvu binti. 3Jon tetse nyü ntsenyu gü girü lati. 4Tson-o jon shanryü kenshen bin nio a-le a-zi nkie kela nyutsü nshün lo kemvu ka we tha lihie kenshün tsü kesü, nmvue phika kenshün günyu yüloshvu; a-thyükenshün gwenkho tsü penla kemvuthen. 5A-le tenunyu nnyu loya tselo shyekechwi tenunyu jvu tsü hontse jonryü pezi nshünmvu binti. Tson-o jon hentsero-o tsero bin nio a-le a-zi nkie kela nyutsü a-thyü nshün loti.
6A-le peche nmvue tenu hyulo metse a-thyükenshün jon pen lalo rope kerüshvu genyu tanyü chen me nyu nme lo kemu rokethyü paro nmvue nsu nme tse sen-o Phika gü khenpvü ka püshükeda gü ki ryüti. 7Lo Püshükeda gü le a-kerüshvu tsü sen Npugü ki ryüo tsügi nshünkemvu sentinla nrün tho thyü shüti. lo tsügi le nshün lati. Tenunyu le nyuzen kela sika tejvü higü thyü mvuloshvu.
8Tenu gile tanyü nme hyulo hoya tselo, a-le nsu kenyhun nmvue paro kenyhun, nme le rope kerüshvu lo kecha güle kemu rokethyü tse sen ryülo püshükedda gü le tsügi nshün kemvu sen tinla nrün tho thyü shüti, lo tsügi le nshün lati.
Currently Selected:
LEVINYU 12: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
