JOEL 3
3
Sunggigü Le Senyedan Jünkerati
1Npugü le zo hü,
“Tsü gwenkho ka ale Juda
lo Jerusalem gwakenye kelo senni ryü tsü lati.
2Ale senye aphu kequen loti
lo anyugun zenryü Jokera kazü ketejon gü nyu shüti.
Tsünyu ale anyugun jokerati
anyugun le atemi gen thyükeshü tho aphu genyu.
Anyugun le Israel nyu hükezen pe
sinrünyi dan ki shüla
lo a kazü Israel kenjün khola.
3Anyugun le henkeshwi thyü donnyu hyulo nrün genyu.
Anyugun le ponyu lo lünyu jwe pe donyu thyü
pe keyüla lo zu min tha nrün genyu.
4“Tur lo Sidon, hai aka nyu thyü titse ndobinla, lo Filistia lojvu aphu? Hai le tha peha genyu athani titse binle? Hai tson titselo, ale whütse kethuni shüti! 5hai le a rakagi lo suna lo a kenya pvü gü hai kershvuka nyu shüla. 6Hai le Juda lo Jerusalem temi tenzen anyugun kazü zen-o nithen ki güo pe Greek nyu ki jwe la. 7Ale ntsoka we hagun le anyugun pe jwekela bin dan ka anyugun zenni ryü lati. Hai le anyugun gen thyü kela gü tsü ale hai gen thyü shüti. 8Ale hai nyenyu peche lo tenu lope Juda temi ka jwen lati; anyugun le tsüdan pe nithen ki Sabeanyu ki jwen lati. Ale Npugü, tsü zo laso.
9“Jo hilope senye dan ka tesha shülo:
‘Teri genyu ndalo;
hagun terikekvunyu koshü;
hagun shüpahü dan kequenlo-o tsonchüshü!
10Nnyon-kekhinkhun pe jenthon cha
lo tehen ketsevü lope mi chalo.
Kvukemvu nyue kenren mvuloshvu.
11Nmhen ryülo,
hunkebin senye aphu,
tson-o kazü ketejon gü nyu kequenlo.’ ”
Npugü, anyugun when nrün genyu n-rihü nishülo.
12“Senye dan le gwendolo mvuloshvu,
tson-o jokerabin ketejon günyu ryülo.
Tsünyu, Npugü Ahile jokerati
hunkebin senye aphu.
13Anyugun le rigwamvusa;
anyugun gwenla logvü gwünkho ka hontse;
kedasha kegwen hontse;
terasha kethün bin nyu vainzu le chwiryü
kemvuthen thün kehü tsü hontse
anyugun boshwen lalo.”
14Temi yie yie le
jokerabin ketejon gü nyu bin.
Tsünyu Npugü jon gü le whütse ryü lati.
15Yhüko lo Shye le zen lati,
lo shyenyü le bensin mvu lati.
Sunggigü Le Jochü Pe A-temi Tsüti
16Npugü le Zion kazüthun gen nra tsüryü;
Jerusalem ki a-khwen le tsangkesen thyü,
kazü lo tsang le nni ti.
Ai a-le a-temi nolo ti.
17“Israel, tsüsiki hagun le ale Npugü
hagun Sunggigü tsü letse shaloti.
Ale A rincho kenshün Zion gen yhun hü.
Jerusalem le nyida kenshün nme thyüti;
sinrünyi dan le tsü lonila loho.
18“Tsü gwünkho ka kazüthun dan gen vainlow le sülati,
lo rincho aphu gen senru hyuti;
zule Juda nyu rinyu aphu kesü thyü lati.
Rinyu nmele Npugü kershvuka nyu tsunchwi ti;
lo tsüle Akakia kazü ketejon gü ntsenti.
19“Ijipt le kazü kesi nme thyü lati,
lo Edom le kazü gwakemvu thyü lati,
anyugun le Juda kazü when
lo a-temi kegwa boshvu kethyü genyu.
20-21Ale mele boshvu kelanyu khün loti;
Ale thyüzükelanyu nsen loho.
Ai Juda lo Jerusalem le kethonthen bin hüti,
lo Npugü ahigü le Zion kazüthun gen yhun hüti.”
Currently Selected:
JOEL 3: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
JOEL 3
3
Sunggigü Le Senyedan Jünkerati
1Npugü le zo hü,
“Tsü gwenkho ka ale Juda
lo Jerusalem gwakenye kelo senni ryü tsü lati.
2Ale senye aphu kequen loti
lo anyugun zenryü Jokera kazü ketejon gü nyu shüti.
Tsünyu ale anyugun jokerati
anyugun le atemi gen thyükeshü tho aphu genyu.
Anyugun le Israel nyu hükezen pe
sinrünyi dan ki shüla
lo a kazü Israel kenjün khola.
3Anyugun le henkeshwi thyü donnyu hyulo nrün genyu.
Anyugun le ponyu lo lünyu jwe pe donyu thyü
pe keyüla lo zu min tha nrün genyu.
4“Tur lo Sidon, hai aka nyu thyü titse ndobinla, lo Filistia lojvu aphu? Hai le tha peha genyu athani titse binle? Hai tson titselo, ale whütse kethuni shüti! 5hai le a rakagi lo suna lo a kenya pvü gü hai kershvuka nyu shüla. 6Hai le Juda lo Jerusalem temi tenzen anyugun kazü zen-o nithen ki güo pe Greek nyu ki jwe la. 7Ale ntsoka we hagun le anyugun pe jwekela bin dan ka anyugun zenni ryü lati. Hai le anyugun gen thyü kela gü tsü ale hai gen thyü shüti. 8Ale hai nyenyu peche lo tenu lope Juda temi ka jwen lati; anyugun le tsüdan pe nithen ki Sabeanyu ki jwen lati. Ale Npugü, tsü zo laso.
9“Jo hilope senye dan ka tesha shülo:
‘Teri genyu ndalo;
hagun terikekvunyu koshü;
hagun shüpahü dan kequenlo-o tsonchüshü!
10Nnyon-kekhinkhun pe jenthon cha
lo tehen ketsevü lope mi chalo.
Kvukemvu nyue kenren mvuloshvu.
11Nmhen ryülo,
hunkebin senye aphu,
tson-o kazü ketejon gü nyu kequenlo.’ ”
Npugü, anyugun when nrün genyu n-rihü nishülo.
12“Senye dan le gwendolo mvuloshvu,
tson-o jokerabin ketejon günyu ryülo.
Tsünyu, Npugü Ahile jokerati
hunkebin senye aphu.
13Anyugun le rigwamvusa;
anyugun gwenla logvü gwünkho ka hontse;
kedasha kegwen hontse;
terasha kethün bin nyu vainzu le chwiryü
kemvuthen thün kehü tsü hontse
anyugun boshwen lalo.”
14Temi yie yie le
jokerabin ketejon gü nyu bin.
Tsünyu Npugü jon gü le whütse ryü lati.
15Yhüko lo Shye le zen lati,
lo shyenyü le bensin mvu lati.
Sunggigü Le Jochü Pe A-temi Tsüti
16Npugü le Zion kazüthun gen nra tsüryü;
Jerusalem ki a-khwen le tsangkesen thyü,
kazü lo tsang le nni ti.
Ai a-le a-temi nolo ti.
17“Israel, tsüsiki hagun le ale Npugü
hagun Sunggigü tsü letse shaloti.
Ale A rincho kenshün Zion gen yhun hü.
Jerusalem le nyida kenshün nme thyüti;
sinrünyi dan le tsü lonila loho.
18“Tsü gwünkho ka kazüthun dan gen vainlow le sülati,
lo rincho aphu gen senru hyuti;
zule Juda nyu rinyu aphu kesü thyü lati.
Rinyu nmele Npugü kershvuka nyu tsunchwi ti;
lo tsüle Akakia kazü ketejon gü ntsenti.
19“Ijipt le kazü kesi nme thyü lati,
lo Edom le kazü gwakemvu thyü lati,
anyugun le Juda kazü when
lo a-temi kegwa boshvu kethyü genyu.
20-21Ale mele boshvu kelanyu khün loti;
Ale thyüzükelanyu nsen loho.
Ai Juda lo Jerusalem le kethonthen bin hüti,
lo Npugü ahigü le Zion kazüthun gen yhun hüti.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.