JAMES 3
3
N yi
1Apvünyu ju, hagun dan nyu temi kechon no me senkethyü nyu thyü soryü nyalo, kechamvule ngun me senthyü kehünyu ketso petsü kvu nrün genyu. 2Ngun aphu thyüzü lala tse kehü genyu, temi ligühigüe a-le nyu zoyo yozü hümvu yatselo a-le gwapen kethyü nyu, lo a-le temi aphu kekhenilo gwa. 3Keshanyu laka nle tha lope keru mün khenlo-o a-no nkendo zenlo gwala yatselo, nle a-min aphu no dika günyü yo gülo hünyo. 4Tsühontse run le gon sa lo tsangkenbu kekvu no whün sen hüe run kejen nyu le run sükezelo kehü kanyü keshanyu nme no a-sükeze pe a-npvü a-kendo kipon gunlo hünyo. 5Tsühontse n-yi nge tha keshanyu nme, ai tsü lope kemakin sa tse tha kedada aphu zobin hünyo.
Mah kenshwe keshanyu nme le chün keda ditsülaki thyü rola hü nla? 6Lo n-yi hile mah nme; nmin ge zanketho kechacha kethyü dan nyu n-yi hile serikemvu kazü nme; tsüle nmin aphu thyü nrhula hünyo, lo n-yi le mahzi nyu mah lope n keyhun jvü aphu roshvu la hünyo. 7Temi le tehenthyü lo tegü lo kazü nyu nyon kehü dan lo zü keda nyu kehü shaseni pe no a-jo zenlo gwa, lo tson ryü laso. 8Ai temi nme-e a-yi we kekhenilo shwi mvu; tsüle gwamvu pe sun binlo hü mvu lo kesi terün lope süpvü bin hünyo. 9Nle tsü sen-o Npvü Sunggigü shwe hünyo, lo nle tsü sen-o Sunggigü rhenrhü hontse thyükeshü temi tsüe swetsü hünyo. 10Mün nme nyu keshwe lo me sweketsüe chwiryü hünyo. Apvünyu ju, hihontse hü zümvu le. 11Zükepünkü nme nyu zü tsükegwa lo zü kekhü tse tsun chwiryülo hü ole? 12Apvünyu ju, kherobin ge oliv sha nmvue vain bin ge kherosha nshalo hü ole? Khezi zü nyu zü tsü kegwa le chwiryülo hü mvu.
Tesoge Tsükeryü Thakeshagü
13Hagun dan nyu segü le thasha lo a-do gwa bin nla? A-no a-thakesha genyu ketekho mvuo yhun njü kehü a-tho nyu tsin shülo. 14Ai hagun le hagun nyun ki me shwi pe hagun yhüthyü, lo n npvü njün kegwa fü hü yatselo kemakin-o ketsin gü sa hünyo. 15Hihontse kethyü thakesha we tesoge ryü mvu, ai kazünyu nthyümin lo terogwakemvu gü kanyu gun ryü. 16Kechamvule dika me shwi pe nyhükethyü lo n npvü njün kegwa kefü le bin yo tha gwakemvu kethyü shaseni tsünyu bin kehü genyu. 17Ai tesoge keryü thakesha gü we keri gü le nshün, lo tsüsika kengü kegwa, njvükegwa, kejozen kene, me shwinjün sa kethyü, nsha kegwa, pehanyu so kecha thyü kemvu lo kerokon kemvu. 18Lo kengü kegwa tho thyü kehünyu le kengügwa-o gwünkeshü tsi gü tsü genyu kentsen gvülo hünyo.
Currently Selected:
JAMES 3: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
JAMES 3
3
N yi
1Apvünyu ju, hagun dan nyu temi kechon no me senkethyü nyu thyü soryü nyalo, kechamvule ngun me senthyü kehünyu ketso petsü kvu nrün genyu. 2Ngun aphu thyüzü lala tse kehü genyu, temi ligühigüe a-le nyu zoyo yozü hümvu yatselo a-le gwapen kethyü nyu, lo a-le temi aphu kekhenilo gwa. 3Keshanyu laka nle tha lope keru mün khenlo-o a-no nkendo zenlo gwala yatselo, nle a-min aphu no dika günyü yo gülo hünyo. 4Tsühontse run le gon sa lo tsangkenbu kekvu no whün sen hüe run kejen nyu le run sükezelo kehü kanyü keshanyu nme no a-sükeze pe a-npvü a-kendo kipon gunlo hünyo. 5Tsühontse n-yi nge tha keshanyu nme, ai tsü lope kemakin sa tse tha kedada aphu zobin hünyo.
Mah kenshwe keshanyu nme le chün keda ditsülaki thyü rola hü nla? 6Lo n-yi hile mah nme; nmin ge zanketho kechacha kethyü dan nyu n-yi hile serikemvu kazü nme; tsüle nmin aphu thyü nrhula hünyo, lo n-yi le mahzi nyu mah lope n keyhun jvü aphu roshvu la hünyo. 7Temi le tehenthyü lo tegü lo kazü nyu nyon kehü dan lo zü keda nyu kehü shaseni pe no a-jo zenlo gwa, lo tson ryü laso. 8Ai temi nme-e a-yi we kekhenilo shwi mvu; tsüle gwamvu pe sun binlo hü mvu lo kesi terün lope süpvü bin hünyo. 9Nle tsü sen-o Npvü Sunggigü shwe hünyo, lo nle tsü sen-o Sunggigü rhenrhü hontse thyükeshü temi tsüe swetsü hünyo. 10Mün nme nyu keshwe lo me sweketsüe chwiryü hünyo. Apvünyu ju, hihontse hü zümvu le. 11Zükepünkü nme nyu zü tsükegwa lo zü kekhü tse tsun chwiryülo hü ole? 12Apvünyu ju, kherobin ge oliv sha nmvue vain bin ge kherosha nshalo hü ole? Khezi zü nyu zü tsü kegwa le chwiryülo hü mvu.
Tesoge Tsükeryü Thakeshagü
13Hagun dan nyu segü le thasha lo a-do gwa bin nla? A-no a-thakesha genyu ketekho mvuo yhun njü kehü a-tho nyu tsin shülo. 14Ai hagun le hagun nyun ki me shwi pe hagun yhüthyü, lo n npvü njün kegwa fü hü yatselo kemakin-o ketsin gü sa hünyo. 15Hihontse kethyü thakesha we tesoge ryü mvu, ai kazünyu nthyümin lo terogwakemvu gü kanyu gun ryü. 16Kechamvule dika me shwi pe nyhükethyü lo n npvü njün kegwa kefü le bin yo tha gwakemvu kethyü shaseni tsünyu bin kehü genyu. 17Ai tesoge keryü thakesha gü we keri gü le nshün, lo tsüsika kengü kegwa, njvükegwa, kejozen kene, me shwinjün sa kethyü, nsha kegwa, pehanyu so kecha thyü kemvu lo kerokon kemvu. 18Lo kengü kegwa tho thyü kehünyu le kengügwa-o gwünkeshü tsi gü tsü genyu kentsen gvülo hünyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.