JAMES 2
2
Pehanyu Sokecha Thyü Nyalotse Kethyü
1Apvünyu ju, hagun le n Npugü Jisu Khrista, zankechwi Npugü tenyen kehü hontse pehanyu so kecha thyüla nya. 2Keshanyu laka temi nme le suna benkhin pvü, lo phi kegwa ben-o hagun kehun nyu ryülo tha kendinyu nme ko phiren khiben-o yüryü. 3Tsontsin hagun le phinya kegwa kesen gü rühvuo a-ka, “Hika binlo re,” tson, ai tha kendi gü ka we, “Tsüka so bin ta,” tson hü yatselo, 4hagun npvü hagun dan nyu temi süko kecha thyü lo hagun kerüchün gwa kemvu sen-o me rüchün kekho bin mvu ole?
5A keso apvünyu ju, nyülo ta, Sunggigü le kazü hinyu tha kendinyu kejü pe anyugun no ketenyen kipon nnya, lo a-so kehü nyu tsü titse zo kenjü keda kethyü gwenkelo dan thyüla mvu ole? 6Ai hagun le tha kendinyu rühvu mvu laso. Hagun nshwen nyhün kehünyu lo hagun sü zen-o jokera bin nyu gun kehü tsüle kenya nyu dan mvu ole? 7Tsüle anyugun le zankechwi gü, tsügü genyu hagun ko kelo gü zo nshvu hü mvu ole?
8Ketsin lesü nyu thu kenjü le, “Nle nkazonkazin so pe n npvü nkeso hontselo chi,” tsekethyü keda tejvü gü nyu thyü pen bin yatselo hagun le a-kenjü gü thyü bin nyo. 9Ai peha nyu so kecha thyüla yatselo hagun le mu laso, tejvü gü le hagun le tejvü gwünrho kehünyu letse hagun nmu laso. 10Lo temi ligühigüe tejvü aphu zen hüe kon me nyu tinmvula yatselo aphu nyu a-le mu laso. 11Kechamvule, “Keyüla nya,” tse zo keshü gü le “Me dushvu nya,” tson kethyü güe zoni shü, tsügenyu nle keyüla mvue nle me dushvu yatselo nle tejvü gü gwünrho kehü nyu laso. 12N kekhin ndi kela tejvü gü le ketso nrün hontseo zo lo thyülo. 13Kechamvule me shwinjün hü kemvu nyu shwinjün mvu tse a-jo kera ti; ai shwikenjün gü le jokera nyu kvulo ti.
Ketenyen Lo Thatho
14Apvünyu ju, temi nme le a-le a-ketenyen le bin nle tse hü, ai a-tho ndi yatselo tsüle nyu kechwi le bin nla? A-ketenyen le a-kenilo gwa ti ole? 15Keshanyu laka nsikezen nyu nmvue nlügi nyu nme le a-phinya gwamvu, lo nthu gintho-e rhodyü bin. 16Lo tsükatsü hagun nme le anyugun ka nyun bwenye tse nyenbüntseo nginnyülo, tsonshüo a-thyümin genyu sen mvulo keshvu thame khipe a-tsüshü mvu yatselo, tsüle a-genyu nyu kechwi le bin nla? 17Tsühontse ketenyen-e a-tho ndi yatselo, a-npvü we a-kesi.
18Ai peha le nka, nle nketenyen le bin, lo ale atho le bin nyo, ntho sin mvu tse ketenyen tsin pe a hishülo, lo ako atho nyu a ketenyen tsin pe nhi shü tile tso zo so-e sha loho. 19Nle Sunggigü le nme tsekethyü tenyen hü amon? Gwale! Tero gwakemvu dan-e tsü tenyen hü nyo, lo nshvuo a-ke nsü bin hünyo. 20Kepin gü! Ketenyen-e a-tho kendi we a-kenrun letse kethyü tsü tsin pe nhishü nyü bin nla? 21Ngun bon Abraham le a-nyugü Isak khipe kershvubin ge shüo rüshvu shü kethyü ka a-tho tsügenyu njülo la mvu ole? 22A-ketenyen lo a-tho au le kengü hü lo a-tho ge a-ketenyen thyüpen keshü nle hyulo gwa. 23Tson-o “Abraham le Sunggigü tenyenlo, lo a-ketenyen genyu Sunggigü le a-khipe kentsen nyu le tselo.” Lo a-lope Sunggigü pvügü letse kolo la, tsekethyü ketsin lesü le thu kenjü gü thyüpen lo. 24Temi le a-ketenyen genyu nti mvule a-tho-e sin-o njülo hü tsekethyü hagun ko hyulo gwa.
25Lo tsühontse Rahab keyüla chün tyü kehügi ko Israel nyu jolo thyü keryü hvu nsinlo-o au nipe tson kecha kipon shü kela genyu njülo la mvu ole? 26Kechamvule nmin hile kapugü sinmvu yatselo sila kehü hontse ketenyen ko a-tho sinmvu yatselo a-kesi.
Currently Selected:
JAMES 2: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
JAMES 2
2
Pehanyu Sokecha Thyü Nyalotse Kethyü
1Apvünyu ju, hagun le n Npugü Jisu Khrista, zankechwi Npugü tenyen kehü hontse pehanyu so kecha thyüla nya. 2Keshanyu laka temi nme le suna benkhin pvü, lo phi kegwa ben-o hagun kehun nyu ryülo tha kendinyu nme ko phiren khiben-o yüryü. 3Tsontsin hagun le phinya kegwa kesen gü rühvuo a-ka, “Hika binlo re,” tson, ai tha kendi gü ka we, “Tsüka so bin ta,” tson hü yatselo, 4hagun npvü hagun dan nyu temi süko kecha thyü lo hagun kerüchün gwa kemvu sen-o me rüchün kekho bin mvu ole?
5A keso apvünyu ju, nyülo ta, Sunggigü le kazü hinyu tha kendinyu kejü pe anyugun no ketenyen kipon nnya, lo a-so kehü nyu tsü titse zo kenjü keda kethyü gwenkelo dan thyüla mvu ole? 6Ai hagun le tha kendinyu rühvu mvu laso. Hagun nshwen nyhün kehünyu lo hagun sü zen-o jokera bin nyu gun kehü tsüle kenya nyu dan mvu ole? 7Tsüle anyugun le zankechwi gü, tsügü genyu hagun ko kelo gü zo nshvu hü mvu ole?
8Ketsin lesü nyu thu kenjü le, “Nle nkazonkazin so pe n npvü nkeso hontselo chi,” tsekethyü keda tejvü gü nyu thyü pen bin yatselo hagun le a-kenjü gü thyü bin nyo. 9Ai peha nyu so kecha thyüla yatselo hagun le mu laso, tejvü gü le hagun le tejvü gwünrho kehünyu letse hagun nmu laso. 10Lo temi ligühigüe tejvü aphu zen hüe kon me nyu tinmvula yatselo aphu nyu a-le mu laso. 11Kechamvule, “Keyüla nya,” tse zo keshü gü le “Me dushvu nya,” tson kethyü güe zoni shü, tsügenyu nle keyüla mvue nle me dushvu yatselo nle tejvü gü gwünrho kehü nyu laso. 12N kekhin ndi kela tejvü gü le ketso nrün hontseo zo lo thyülo. 13Kechamvule me shwinjün hü kemvu nyu shwinjün mvu tse a-jo kera ti; ai shwikenjün gü le jokera nyu kvulo ti.
Ketenyen Lo Thatho
14Apvünyu ju, temi nme le a-le a-ketenyen le bin nle tse hü, ai a-tho ndi yatselo tsüle nyu kechwi le bin nla? A-ketenyen le a-kenilo gwa ti ole? 15Keshanyu laka nsikezen nyu nmvue nlügi nyu nme le a-phinya gwamvu, lo nthu gintho-e rhodyü bin. 16Lo tsükatsü hagun nme le anyugun ka nyun bwenye tse nyenbüntseo nginnyülo, tsonshüo a-thyümin genyu sen mvulo keshvu thame khipe a-tsüshü mvu yatselo, tsüle a-genyu nyu kechwi le bin nla? 17Tsühontse ketenyen-e a-tho ndi yatselo, a-npvü we a-kesi.
18Ai peha le nka, nle nketenyen le bin, lo ale atho le bin nyo, ntho sin mvu tse ketenyen tsin pe a hishülo, lo ako atho nyu a ketenyen tsin pe nhi shü tile tso zo so-e sha loho. 19Nle Sunggigü le nme tsekethyü tenyen hü amon? Gwale! Tero gwakemvu dan-e tsü tenyen hü nyo, lo nshvuo a-ke nsü bin hünyo. 20Kepin gü! Ketenyen-e a-tho kendi we a-kenrun letse kethyü tsü tsin pe nhishü nyü bin nla? 21Ngun bon Abraham le a-nyugü Isak khipe kershvubin ge shüo rüshvu shü kethyü ka a-tho tsügenyu njülo la mvu ole? 22A-ketenyen lo a-tho au le kengü hü lo a-tho ge a-ketenyen thyüpen keshü nle hyulo gwa. 23Tson-o “Abraham le Sunggigü tenyenlo, lo a-ketenyen genyu Sunggigü le a-khipe kentsen nyu le tselo.” Lo a-lope Sunggigü pvügü letse kolo la, tsekethyü ketsin lesü le thu kenjü gü thyüpen lo. 24Temi le a-ketenyen genyu nti mvule a-tho-e sin-o njülo hü tsekethyü hagun ko hyulo gwa.
25Lo tsühontse Rahab keyüla chün tyü kehügi ko Israel nyu jolo thyü keryü hvu nsinlo-o au nipe tson kecha kipon shü kela genyu njülo la mvu ole? 26Kechamvule nmin hile kapugü sinmvu yatselo sila kehü hontse ketenyen ko a-tho sinmvu yatselo a-kesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.