GALATIANYU 4
4
1Ai ajo le hi, kenya gwenlo nrün gü le ntsenyu thyü kebin then, a-le aphu so ge Npu thyü bin-e, gonyu zen-o kecha thyü hümvu. 2Ai a-pvü le a-gwünkho thoshü kemvuthen, a-le a-lekeyinyu lo a-so kebin nyu hensin bin hünyo. 3Nko tsühontse n ncheka kazü hinyu senkethyü nyu jo kerinyu do thyü hü. 4Ai a-jon gü tsü ti gunryülo ntsin Sunggigü le A-nyugü nishüo a-no tenunyu nmege yhun-o tejvüzen titse nnyulo. 5Kechamvule a-le tejvü gü hensin kebinnyu rhinhilo titse lo nno a-nyu ketsin nyu thyülo nrün genyu.
6Lo hagun le a-nyenyu ju thyülo kelasi genyu Sunggigü le A-nyugü Kapu nipe nnyunka shü, a-le aba apvü tsonshü hünyo. 7Tsügenyu nne gonyu mvule nyutsinnyu laso, lo nyutsinnyu yatselo Sunggigü kipon-e kenya gwenkelo gü thyülo laso.
Paul Le Galatianyu Phinkerüchün
8Lihi thyüe nduka hagun le Sunggigü shakemvu ka hagun le tero ketsin kemvu nme do thyü hü. 9Ai ntsoka we hagun le Sunggigü shalo laso, lo tsüntimvule Sunggigü ko hagun shalo laso. Tsonlo hagun le nyuthyüo nigü kenthünyu lo shwikenjün kerhonyu senkethyü jo keri dan ka nigüo anyugun no hagun khipe a-do thyünyü ni hü nla? 10Hagun le tsangkeben jon lo shye lo a-gwünkho kechacha kethyü dan ka tsenyü hünyo. 11Ale hagun genyu anyun gwamvu! Ale hagun genyu ayhen kethyü tsüle thaja thyüla nrün hontse?
12Hire, apvünyu ju, hagun cheno-e hagun ko a hontselo ta; lo ako hagun hontselo laso. 13Hagun le nduka akenyü kemvu nme-e thyü hü mvu, ai ale kerika we asherhün kemvu genyu ale dun-o jolokegwa gü zope hagun senthyü kethyü tsü hagun ko sha bin ti. 14Lo asherhün kemvu tsü khipvüo hagun kesemen nme hontse shüe hagun le tsüe shamvu, lo nnyi-e lamvu; ai hagun le alope Sunggigü jolonyu hontse lo Jisu Khrista-e hontseo azenlo. 15Kha, tsonlo ntsoka we nduka hagun shekerhün tsüle dikipon güla sela? Kechamvule tsükatsü ale hagun rüla keshale, hagun le thyülo kegwa we hagun yhütyüe tseritho pe atsüla nrün hontse so. 16Lo ntsoka ale ketsin gü pe hagun ka kezo genyu hagun le ano hagun shwikerüchün nyu thyüla se ole?
17Temi dan me le hagun fü kehü tsüle kenjü tson kipon mvu, ai hagun no a-nyenyu fülo nrün genyu anyugun le hagun khinlo kenyü genyu. 18Ai hagun le ale hagun zen kebin ka nti mvule, hagun yhenthyüo thakegwa gü tsü fülo nye. 19Hire, apvünyu ju, nyu kenyule kenjünthyü sa kethyü hontse ako Khrista no hagun nyun ge bin kegwa thyülo kemvuthen agin tsüle thyüni bin laso. 20Tsüntimvule ale ntsoka we ryüo akhwen thyü kecha thyüni nyü bin laso, kechamvule ale hagun genyu anyun keyhunkerun bin kelasi genyu.
Hagar Lo Sara Au Ge Tsinhi Keshü
21hire, tejvü gü hensin bin nyü kehü ju, hagun aka zoshü re. Hagun le tejvü keswü ka shalo hümvu ole?? 22Abraham nyu le pechenyu mihvu le bin tsekethyü thu pe bin njü amon? Nme le a-gogi nyu, lo nmele a-gogi kemvu nyu. 23Ai gogi nyugü le temi genyu yhun, ai gokemvu nyugü we zope kenjü nyu yhun. 24Lo tha tsünyu tsü le jokejvü-e sin: Tenu tsühvu tsüle kejozen kelo kenyhun sunka bin. Nme le Sinai kazüthun ge, a-nyenyu nnyu pe dothyü, tsügitsü le Hagar. 25Lo Hagar tsügile Arabia nyu Sinai kazüthun lo hizon ka Jerusalem hontse, kechamvule a-le a-nyenyu ju zen-o dothyü kehü genyu. 26Ai Jerusalem tesoki kebingü do we thyü mvu; tsügi tsüle tejvü gi;
27“Hire, Nyu nnyukemvu nyu kendi gi!
Nle nkenyülo chi, hire, nyu kenyu hyu
hü kemvu gi!
Nle nkhwen shwilo, kechamvule a-npvü
kebin gi nyenyu le a-nyepvü kebin gi nyenyu
nyeki chonkvu nrün genyu,” jo higü hi thu pe bin njünyo.
28Lo apvünyu ju, ngun ko Isak hontse zope bin kenjü nyenyu ju thyülo laso. 29Ai tsüsiki-e nthyü nmin kendo nyu nnyu kelo gü le Kapu gü kendo nyu nnyu kelo gü nshwen, lo ntsoka-e tsühontse bin nyo. 30Ai ketsin lesü le nyu zohü nla? Dogi lo a-nyu au hüla chi,kechamvule dogi nyugü le do kemvugi nyugü au kenya kerhünlo keshvu genyu. 31Tsügenyu apvünyu ju, ngun le dogi nyenyu kemvu dogi kemvu nyenyu so.
Currently Selected:
GALATIANYU 4: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
GALATIANYU 4
4
1Ai ajo le hi, kenya gwenlo nrün gü le ntsenyu thyü kebin then, a-le aphu so ge Npu thyü bin-e, gonyu zen-o kecha thyü hümvu. 2Ai a-pvü le a-gwünkho thoshü kemvuthen, a-le a-lekeyinyu lo a-so kebin nyu hensin bin hünyo. 3Nko tsühontse n ncheka kazü hinyu senkethyü nyu jo kerinyu do thyü hü. 4Ai a-jon gü tsü ti gunryülo ntsin Sunggigü le A-nyugü nishüo a-no tenunyu nmege yhun-o tejvüzen titse nnyulo. 5Kechamvule a-le tejvü gü hensin kebinnyu rhinhilo titse lo nno a-nyu ketsin nyu thyülo nrün genyu.
6Lo hagun le a-nyenyu ju thyülo kelasi genyu Sunggigü le A-nyugü Kapu nipe nnyunka shü, a-le aba apvü tsonshü hünyo. 7Tsügenyu nne gonyu mvule nyutsinnyu laso, lo nyutsinnyu yatselo Sunggigü kipon-e kenya gwenkelo gü thyülo laso.
Paul Le Galatianyu Phinkerüchün
8Lihi thyüe nduka hagun le Sunggigü shakemvu ka hagun le tero ketsin kemvu nme do thyü hü. 9Ai ntsoka we hagun le Sunggigü shalo laso, lo tsüntimvule Sunggigü ko hagun shalo laso. Tsonlo hagun le nyuthyüo nigü kenthünyu lo shwikenjün kerhonyu senkethyü jo keri dan ka nigüo anyugun no hagun khipe a-do thyünyü ni hü nla? 10Hagun le tsangkeben jon lo shye lo a-gwünkho kechacha kethyü dan ka tsenyü hünyo. 11Ale hagun genyu anyun gwamvu! Ale hagun genyu ayhen kethyü tsüle thaja thyüla nrün hontse?
12Hire, apvünyu ju, hagun cheno-e hagun ko a hontselo ta; lo ako hagun hontselo laso. 13Hagun le nduka akenyü kemvu nme-e thyü hü mvu, ai ale kerika we asherhün kemvu genyu ale dun-o jolokegwa gü zope hagun senthyü kethyü tsü hagun ko sha bin ti. 14Lo asherhün kemvu tsü khipvüo hagun kesemen nme hontse shüe hagun le tsüe shamvu, lo nnyi-e lamvu; ai hagun le alope Sunggigü jolonyu hontse lo Jisu Khrista-e hontseo azenlo. 15Kha, tsonlo ntsoka we nduka hagun shekerhün tsüle dikipon güla sela? Kechamvule tsükatsü ale hagun rüla keshale, hagun le thyülo kegwa we hagun yhütyüe tseritho pe atsüla nrün hontse so. 16Lo ntsoka ale ketsin gü pe hagun ka kezo genyu hagun le ano hagun shwikerüchün nyu thyüla se ole?
17Temi dan me le hagun fü kehü tsüle kenjü tson kipon mvu, ai hagun no a-nyenyu fülo nrün genyu anyugun le hagun khinlo kenyü genyu. 18Ai hagun le ale hagun zen kebin ka nti mvule, hagun yhenthyüo thakegwa gü tsü fülo nye. 19Hire, apvünyu ju, nyu kenyule kenjünthyü sa kethyü hontse ako Khrista no hagun nyun ge bin kegwa thyülo kemvuthen agin tsüle thyüni bin laso. 20Tsüntimvule ale ntsoka we ryüo akhwen thyü kecha thyüni nyü bin laso, kechamvule ale hagun genyu anyun keyhunkerun bin kelasi genyu.
Hagar Lo Sara Au Ge Tsinhi Keshü
21hire, tejvü gü hensin bin nyü kehü ju, hagun aka zoshü re. Hagun le tejvü keswü ka shalo hümvu ole?? 22Abraham nyu le pechenyu mihvu le bin tsekethyü thu pe bin njü amon? Nme le a-gogi nyu, lo nmele a-gogi kemvu nyu. 23Ai gogi nyugü le temi genyu yhun, ai gokemvu nyugü we zope kenjü nyu yhun. 24Lo tha tsünyu tsü le jokejvü-e sin: Tenu tsühvu tsüle kejozen kelo kenyhun sunka bin. Nme le Sinai kazüthun ge, a-nyenyu nnyu pe dothyü, tsügitsü le Hagar. 25Lo Hagar tsügile Arabia nyu Sinai kazüthun lo hizon ka Jerusalem hontse, kechamvule a-le a-nyenyu ju zen-o dothyü kehü genyu. 26Ai Jerusalem tesoki kebingü do we thyü mvu; tsügi tsüle tejvü gi;
27“Hire, Nyu nnyukemvu nyu kendi gi!
Nle nkenyülo chi, hire, nyu kenyu hyu
hü kemvu gi!
Nle nkhwen shwilo, kechamvule a-npvü
kebin gi nyenyu le a-nyepvü kebin gi nyenyu
nyeki chonkvu nrün genyu,” jo higü hi thu pe bin njünyo.
28Lo apvünyu ju, ngun ko Isak hontse zope bin kenjü nyenyu ju thyülo laso. 29Ai tsüsiki-e nthyü nmin kendo nyu nnyu kelo gü le Kapu gü kendo nyu nnyu kelo gü nshwen, lo ntsoka-e tsühontse bin nyo. 30Ai ketsin lesü le nyu zohü nla? Dogi lo a-nyu au hüla chi,kechamvule dogi nyugü le do kemvugi nyugü au kenya kerhünlo keshvu genyu. 31Tsügenyu apvünyu ju, ngun le dogi nyenyu kemvu dogi kemvu nyenyu so.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.