DANIEL 2
2
Nebuchadnezzar Min
1Nebuchadnezzar le raja thyükelo chenhvu gü ka a-min nme nmin. Tsüle a-thyüpe a-nyun nkhi salao jülo mvula, 2Tsü genyu a-le meno me rüla zo kehünyu, jadunyu, henshwinyu lo temvunyu no ryüo a-min rüla zoshü lotse koshü. Anyugun le ryüo raja gü mhundyü nyu solo, 3lo a-le anyugun ka zo, “Ale amin nme nmin kethyü gü genyu anyun nkhi laso. Tsüle nyu yo ale a-kon shalonyü bin nle.”
4Anyugun Aramaik nyu khwen ki raja gü jo kenishü, “Raja gü no kethonthen yhunlo! Nmin pe agun ka zoshüta, lo agun le tsü zokekho pe nzen shüti.”
5Raja gü le anyugun ka zo, “Ale hagun no amin pe aka zo lo a-kon le nyuyo zope azenshü mvuloshvu letse rhilo laso. Hagun le tsonlo mvulo, ale hagun süthüsürüla, lo hagun kadan nke lati. 6Ai hagun le amin lo a-kon-e pe aka zolo gwa yatselo ale jwen lo kerühvue pe hagun chün thyüti. Tsügenyu amin le nyu lo a-kon le nyu tsethyüyo zoshü lo.”
7Anyugun le raja gü ka zoni, “Raja gü le a-min le nyulayo zoshülo agun le tsü zokekho shüti.”
8Tsüka raja gü le zo, “Ale rüchün kebin hontse laso! Hagun le gwünkho lothon titse nda bin, kechamvule hagun le ale anyun kemvulo-o 9hagun le amin pe aka zo mvulo shaja nme pe hagun aphu tsüti tse kebin shakela genyu. Hagun le aka nkula tiyao kejorhün laso. Kechamvule gwünkho le keryü ka tha le kelula nrün rüchün bin kethyü genyu. Amin le nyuyo aka zolo, tsonlo hagun le a-kon ko zokekho logwa letse ale sha loti.”
10Tsontsin anyugun le kenishü, “Kazü nyu temi nme-e raja gü le nyu shalo nyü binyo nka zolo kemvui le. Raja, nmvue kedatsin lo kekvutsin güe tha tsü hontse kethyü nme-e pe jadunyu, temvunyu lo henshwinyu ka hishwi mvule. 11Raja gü le shün kebin tsüle tsenritsin-o teronyu mvu yatselo nme-e tsü pe nka zolo kemvui, ai tsüdan le temidan nyu yhun bin mvu.”
12Tsügenyu Raja güle nthünsa lola-o Babilon nyu raja gü tsontsin nyu aphu boshvula lotse ahza hoshüla. 13Tson-o a-nyugun aphu boshvula nrün ahza khishwishü, lo tsü le Daniel lo a-pvünyu dan ko sin.
Sunggigü le min gü kon pe Daniel hishü
14Tsüselo Daniel le raja rikhun kedagü Arioch, raja jo thyüpen shülo tse ahza pe tsükenjü gü ki gü. A-jo kejü petsüsalo njüo, 15Arioch ka raja gü le nyuthyüo ahza kenko tsü hontse kethyü hoshü binyo tse ketso shü. Tsügenyu Arioch le dihontselayo pe Daniel ka zoshü.
16Daniel le raja gü min gü kon zope a-zenlo nrün genyu gü raja ka gwünkho hikethen nilo. 17Tsüsika Daniel le kaki gun-o a-pvünyudan, Hananiah, Mishael lo Azariah dan ka nyuthyülayo pe zoshü. 18A-le anyugun ka anyugun no Babilon nyu tsontsinnyu kesin-o boshvula mvu nrün genyu tsangge Sunggigü ka shwi kenjün lo a-no kekebu jokon gü pe anyugun hishü nrün hilo tse shü. 19Tsüselo tsüje tsemin ki kekebu jokon gü pe Daniel teshashü tson-o a-le tsangge kebin Sunggigü shwenshü:
20“Sunggigü le thasha lo kvusa!
kethonthen lo kethonthen a-shwenlo!
21A-le gwünkho lo kekun-kenyen gwünkho aphu ketsen hü;
a-le rajanyu pensoshü lo khila hü;
A-le kensü lo thasha kekhakelo khishü hü.
22A-le kentsun lo kekebu thodan henshwishü hü;
a-le kezen ki kebukebin-e sha,
lo a-le keben pe a-hunpvü bin.
23Abonnyu Sunggigü, ale nshwen lo nrühvu hü nle.
Nle kensü lo kenko pe atsü laso;
nle akehi kenishü
lo nyu pe raja gü ka zo tiyo pe agun hi laso.”
Daniel le Raja gü Min lo A-kon pe A-ka zo
24Tsügenyu Daniel le tsontsinnyu dan boshvula lotse joho pe tsü kenjü gü Arioch ki gü. A-le a-ka zo, “Anyugun boshvu nyalo. Azen-o raja ki gülo, lo ale a-min kon le nyuyo zo pe a-hishü ti.”
25Tsüselo Arioch le whütse Daniel zen-o Nebuchadnezzar mhundyü nyu güo raja gü ka zo, “Ale Juda nyu donyu nme, nmin zope nhilo kegwa hyulola sele.”
26Raja gü le Daniel (Belteshazzar letse kokehü) gü ka zoshü, “Nle ale nyu nmin lo a-kon le nyuyo pe aka zolo gwale?”
27Daniel le Kenishü, “Raja, temvunyu, jadunyu, me rüla zo kehünyu nmvue shyenyü keswünyu nme-e tsüpe nka zokeloi ndi. 28Ai tsangge kekebu jokon pe hishü kehü Sunggigü nmele bin. A-le ryükejü ki nyu thyü tiyo pe ntesha bin nle rajagü. Tsü genyu ale nmin, nle jüketseka tsemin kehyu gü tsü pe nka zoti.
29“Raja gü nle jüketse ka, ryü kejütho genyu nmin; lo Sunggigü, kekebu jokon pe hishü kehü gü le nyu tsethyü tiyo pe n hilaso. 30Lo ale kechanyu nyeki tha shakvu kethyü genyu pe a hishümvu, ai raja gü no a-min shalo lo jokon nka ryükela gü shalo nrün genyu le.
31“Raja gü, nle tsemiki thamen kethonkeda, ben lo shwikenrin kethyü nme hyu. 32A-pe le suna kegwatsin pe thyü; a-nyun lo a-bu le rakagi; a-sen lo a-din le lazo; 33a-chün le tegi; lo a-pha le tegi lo gin pe kerhün-o thyü 34Nle tsü nrikebin ka tso keda nme, nme-e kesümvu tse tsokhin nme ge ko tsüryüo thamen pha tegi lo gin kerhün pe kethyü tsü jonrenla. 35Whütse tegi, gin, lazo, rakagi lo suna tsü boshwen pe tsangnyen ki shye kera binka kemphü hontsela. Tsangkenbu le tsü aphu whün kü sen tinla. Ai tsogü le minchwiryü kazüthun thyüo kazü aphu henla.
36“Tsüle nmin, lo ale ntsoka tsükon zope raja gü hishüti. 37Raja, nle raja aphu nyeki gon. Tsangge kehü Sunggigü le nno raja thyüo kekvu-kegon lo kerühvu pe ntsü laso. 38A-le nno kazü aphu so kekvugü, lo thyü tegü aphu so kekvugü thyü shü. Nle suna pe gütsü. 39Nsiki raja kecha nmele so ryüti; nhontse gon loho, lo tsü sika kenshen gü, tsüle lazo raja, kazü aphu so raja thyüti. 40Lo tsüsika raja pezi gü, tegi kekvu hontseo tha aphu jonkha lo vükha loti. Lo tegi le tha vükhala kehü hontse tsügü le mhundyü ki rajadan aphu boren lati. 41Nle a-pha lo a-zenkero dan le peha le gin lo peha le tegi tse kethyü hyu. Tsükon le kenjünkho kethyü raja thyü ti. Tsüle tegi kekvu peha binti, kechamvule gin lo tegi kerhün bin. 42Apha zenkero le gin lo tegi kerhün kebin yatselo raja kekenjün peha le kvu lo kecha gü le kvu mvuti. 43Nle tegi le gin kerhün kebin hyu. Raja tsügü kesen dan le kelo-o kami kerhün kela ndoti, ai tsüdan le tegi le gin kerhünlo keho hontse kerhün loho. 44Tsüdan le kekvu kesen gwünkho ka tsangge Sunggigü le rajaphen nme penso shüti, lo tsüle a-keni thyüla loho. Tsüle mele a-so kvuloho, ai raja aphu bokemhe lati, tson-o tsüle kethonthen bintin lati. 45Nle tso temi ben le kesü kemvu nme le chye tsüryüo dihontse thamen tegi, lazo, gin, rakagi lo suna pe kethyü tsügü jon layo hyu. Kekvu Sunggigü le ryükejü ki nyu thyü tiyo pe raja gü ka zobin nle. Ale nle nmin kethyü hontse nka zo lo a-kon ketsin gü pe ntesha laso.”
Raja Gü le Daniel Chün Pe Ketsü
46Tsüselo Raja Nebuchadnezzar le kazü nyu nkhün tsüo meno kerüshvu rora thyüpe Daniel tsü lotse ahza hoshü. 47Raja gü le zo, “N Sunggigü le terodan aphu so kedatsingü, rajadan so Npugü, lo kekebu jokon pe hishü kehügü le. Ale tsü sha laso, kechamvule nle kekebu jokon zokekho lo.” 48Tson-o a-le Daniel pe keda nyu nme thyüshü, jwen kegwa kechon pe tsü, a-lo pe Babilon kazü kentsen gü thyüshü, lo a-lope raja tsontsin dan aphu so keda gü thyüshü. 49Daniel kehi hontse raja gü le Shadrach, Meshach lo Abednego dan khipe Babilon kazü sakethü nyu keda thyüshü; ai Daniel we rajabin nyu bin.
Currently Selected:
DANIEL 2: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
DANIEL 2
2
Nebuchadnezzar Min
1Nebuchadnezzar le raja thyükelo chenhvu gü ka a-min nme nmin. Tsüle a-thyüpe a-nyun nkhi salao jülo mvula, 2Tsü genyu a-le meno me rüla zo kehünyu, jadunyu, henshwinyu lo temvunyu no ryüo a-min rüla zoshü lotse koshü. Anyugun le ryüo raja gü mhundyü nyu solo, 3lo a-le anyugun ka zo, “Ale amin nme nmin kethyü gü genyu anyun nkhi laso. Tsüle nyu yo ale a-kon shalonyü bin nle.”
4Anyugun Aramaik nyu khwen ki raja gü jo kenishü, “Raja gü no kethonthen yhunlo! Nmin pe agun ka zoshüta, lo agun le tsü zokekho pe nzen shüti.”
5Raja gü le anyugun ka zo, “Ale hagun no amin pe aka zo lo a-kon le nyuyo zope azenshü mvuloshvu letse rhilo laso. Hagun le tsonlo mvulo, ale hagun süthüsürüla, lo hagun kadan nke lati. 6Ai hagun le amin lo a-kon-e pe aka zolo gwa yatselo ale jwen lo kerühvue pe hagun chün thyüti. Tsügenyu amin le nyu lo a-kon le nyu tsethyüyo zoshü lo.”
7Anyugun le raja gü ka zoni, “Raja gü le a-min le nyulayo zoshülo agun le tsü zokekho shüti.”
8Tsüka raja gü le zo, “Ale rüchün kebin hontse laso! Hagun le gwünkho lothon titse nda bin, kechamvule hagun le ale anyun kemvulo-o 9hagun le amin pe aka zo mvulo shaja nme pe hagun aphu tsüti tse kebin shakela genyu. Hagun le aka nkula tiyao kejorhün laso. Kechamvule gwünkho le keryü ka tha le kelula nrün rüchün bin kethyü genyu. Amin le nyuyo aka zolo, tsonlo hagun le a-kon ko zokekho logwa letse ale sha loti.”
10Tsontsin anyugun le kenishü, “Kazü nyu temi nme-e raja gü le nyu shalo nyü binyo nka zolo kemvui le. Raja, nmvue kedatsin lo kekvutsin güe tha tsü hontse kethyü nme-e pe jadunyu, temvunyu lo henshwinyu ka hishwi mvule. 11Raja gü le shün kebin tsüle tsenritsin-o teronyu mvu yatselo nme-e tsü pe nka zolo kemvui, ai tsüdan le temidan nyu yhun bin mvu.”
12Tsügenyu Raja güle nthünsa lola-o Babilon nyu raja gü tsontsin nyu aphu boshvula lotse ahza hoshüla. 13Tson-o a-nyugun aphu boshvula nrün ahza khishwishü, lo tsü le Daniel lo a-pvünyu dan ko sin.
Sunggigü le min gü kon pe Daniel hishü
14Tsüselo Daniel le raja rikhun kedagü Arioch, raja jo thyüpen shülo tse ahza pe tsükenjü gü ki gü. A-jo kejü petsüsalo njüo, 15Arioch ka raja gü le nyuthyüo ahza kenko tsü hontse kethyü hoshü binyo tse ketso shü. Tsügenyu Arioch le dihontselayo pe Daniel ka zoshü.
16Daniel le raja gü min gü kon zope a-zenlo nrün genyu gü raja ka gwünkho hikethen nilo. 17Tsüsika Daniel le kaki gun-o a-pvünyudan, Hananiah, Mishael lo Azariah dan ka nyuthyülayo pe zoshü. 18A-le anyugun ka anyugun no Babilon nyu tsontsinnyu kesin-o boshvula mvu nrün genyu tsangge Sunggigü ka shwi kenjün lo a-no kekebu jokon gü pe anyugun hishü nrün hilo tse shü. 19Tsüselo tsüje tsemin ki kekebu jokon gü pe Daniel teshashü tson-o a-le tsangge kebin Sunggigü shwenshü:
20“Sunggigü le thasha lo kvusa!
kethonthen lo kethonthen a-shwenlo!
21A-le gwünkho lo kekun-kenyen gwünkho aphu ketsen hü;
a-le rajanyu pensoshü lo khila hü;
A-le kensü lo thasha kekhakelo khishü hü.
22A-le kentsun lo kekebu thodan henshwishü hü;
a-le kezen ki kebukebin-e sha,
lo a-le keben pe a-hunpvü bin.
23Abonnyu Sunggigü, ale nshwen lo nrühvu hü nle.
Nle kensü lo kenko pe atsü laso;
nle akehi kenishü
lo nyu pe raja gü ka zo tiyo pe agun hi laso.”
Daniel le Raja gü Min lo A-kon pe A-ka zo
24Tsügenyu Daniel le tsontsinnyu dan boshvula lotse joho pe tsü kenjü gü Arioch ki gü. A-le a-ka zo, “Anyugun boshvu nyalo. Azen-o raja ki gülo, lo ale a-min kon le nyuyo zo pe a-hishü ti.”
25Tsüselo Arioch le whütse Daniel zen-o Nebuchadnezzar mhundyü nyu güo raja gü ka zo, “Ale Juda nyu donyu nme, nmin zope nhilo kegwa hyulola sele.”
26Raja gü le Daniel (Belteshazzar letse kokehü) gü ka zoshü, “Nle ale nyu nmin lo a-kon le nyuyo pe aka zolo gwale?”
27Daniel le Kenishü, “Raja, temvunyu, jadunyu, me rüla zo kehünyu nmvue shyenyü keswünyu nme-e tsüpe nka zokeloi ndi. 28Ai tsangge kekebu jokon pe hishü kehü Sunggigü nmele bin. A-le ryükejü ki nyu thyü tiyo pe ntesha bin nle rajagü. Tsü genyu ale nmin, nle jüketseka tsemin kehyu gü tsü pe nka zoti.
29“Raja gü nle jüketse ka, ryü kejütho genyu nmin; lo Sunggigü, kekebu jokon pe hishü kehü gü le nyu tsethyü tiyo pe n hilaso. 30Lo ale kechanyu nyeki tha shakvu kethyü genyu pe a hishümvu, ai raja gü no a-min shalo lo jokon nka ryükela gü shalo nrün genyu le.
31“Raja gü, nle tsemiki thamen kethonkeda, ben lo shwikenrin kethyü nme hyu. 32A-pe le suna kegwatsin pe thyü; a-nyun lo a-bu le rakagi; a-sen lo a-din le lazo; 33a-chün le tegi; lo a-pha le tegi lo gin pe kerhün-o thyü 34Nle tsü nrikebin ka tso keda nme, nme-e kesümvu tse tsokhin nme ge ko tsüryüo thamen pha tegi lo gin kerhün pe kethyü tsü jonrenla. 35Whütse tegi, gin, lazo, rakagi lo suna tsü boshwen pe tsangnyen ki shye kera binka kemphü hontsela. Tsangkenbu le tsü aphu whün kü sen tinla. Ai tsogü le minchwiryü kazüthun thyüo kazü aphu henla.
36“Tsüle nmin, lo ale ntsoka tsükon zope raja gü hishüti. 37Raja, nle raja aphu nyeki gon. Tsangge kehü Sunggigü le nno raja thyüo kekvu-kegon lo kerühvu pe ntsü laso. 38A-le nno kazü aphu so kekvugü, lo thyü tegü aphu so kekvugü thyü shü. Nle suna pe gütsü. 39Nsiki raja kecha nmele so ryüti; nhontse gon loho, lo tsü sika kenshen gü, tsüle lazo raja, kazü aphu so raja thyüti. 40Lo tsüsika raja pezi gü, tegi kekvu hontseo tha aphu jonkha lo vükha loti. Lo tegi le tha vükhala kehü hontse tsügü le mhundyü ki rajadan aphu boren lati. 41Nle a-pha lo a-zenkero dan le peha le gin lo peha le tegi tse kethyü hyu. Tsükon le kenjünkho kethyü raja thyü ti. Tsüle tegi kekvu peha binti, kechamvule gin lo tegi kerhün bin. 42Apha zenkero le gin lo tegi kerhün kebin yatselo raja kekenjün peha le kvu lo kecha gü le kvu mvuti. 43Nle tegi le gin kerhün kebin hyu. Raja tsügü kesen dan le kelo-o kami kerhün kela ndoti, ai tsüdan le tegi le gin kerhünlo keho hontse kerhün loho. 44Tsüdan le kekvu kesen gwünkho ka tsangge Sunggigü le rajaphen nme penso shüti, lo tsüle a-keni thyüla loho. Tsüle mele a-so kvuloho, ai raja aphu bokemhe lati, tson-o tsüle kethonthen bintin lati. 45Nle tso temi ben le kesü kemvu nme le chye tsüryüo dihontse thamen tegi, lazo, gin, rakagi lo suna pe kethyü tsügü jon layo hyu. Kekvu Sunggigü le ryükejü ki nyu thyü tiyo pe raja gü ka zobin nle. Ale nle nmin kethyü hontse nka zo lo a-kon ketsin gü pe ntesha laso.”
Raja Gü le Daniel Chün Pe Ketsü
46Tsüselo Raja Nebuchadnezzar le kazü nyu nkhün tsüo meno kerüshvu rora thyüpe Daniel tsü lotse ahza hoshü. 47Raja gü le zo, “N Sunggigü le terodan aphu so kedatsingü, rajadan so Npugü, lo kekebu jokon pe hishü kehügü le. Ale tsü sha laso, kechamvule nle kekebu jokon zokekho lo.” 48Tson-o a-le Daniel pe keda nyu nme thyüshü, jwen kegwa kechon pe tsü, a-lo pe Babilon kazü kentsen gü thyüshü, lo a-lope raja tsontsin dan aphu so keda gü thyüshü. 49Daniel kehi hontse raja gü le Shadrach, Meshach lo Abednego dan khipe Babilon kazü sakethü nyu keda thyüshü; ai Daniel we rajabin nyu bin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.