DANIEL 1
1
Daniel Lo A-pvünyudan Rüla
(1:1—6:28)
Selo dan le Nebuchadnezzar Kedabin nyu Kebin
1Jehoiakim le Juda raja thyü kelo chen shen gü ka, Nebuchadnezzar, Babilon raja gü le Jerusalem when lo nyida gü hunlo la. 2Npugü le a-no Raja Jehoiakim tenlo lo Kershvuka nyu kenya peha khilo la. A-le donyu peha zen-o Babilon ki a-tero Kershvuka nyu rani gunla, tson-o kenya khikelo dan pe kerüshvuka kenyatsen nyu shüla.
3Raja gü a-hensin kedatsin gü, Ashpenaz no Israel nyu dothyü kebin dan nyu raja kami lo teshwe kepvü kami nyu selo peha kejülo lotse ahza hoshü. 4Tsüdan no kezegwa, kensü, senthyükegwa thyükenjü nyu, tha sha whülo kehünyu, lo a-rhenrhyü kegwa nyu mvuloshvu, anyugun lope raja bin nyu lothyülo kekü thyü nrün genyu. Ashpenaz no anyugun senthyü pe Babilon nyu khwen swü lo thushalo nrün thyü. 5Raja gü le khenyütsen rajabin nyu kebin nyu chvü lo zu hontse pe tsüdan tsü lotse ahza ko hoshü. Chenshen tsonkela siki anyugun le raja gü mhundyü nyu ryüti. 6Kejükelo dan nyu Daniel, Hananiah, Mishael, lo Azariah, tsüdan aphu Juda tsipwen. 7Raja hensin kedagü le zan keshün pe anyugun tsü: Belteshazzar, Shadrach, Meshach, lo Abednego.
8Daniel le raja nyu chvu tyü lo zu tsüo a-gwen nrhula mvu titse kemvulo la, tsühontse a-le Ashpenaz no a-che shü lotse hi, 9lo Sunggigü le Ashpenaz no Daniel njünlo la. 10Ai Ashpenaz le rajagü nshvu, tsügenyu a-le Daniel ka zo, “Raja gü le nno nyu tyülo tsüti yo rhilo laso; lo nle selo kecha dan hontse shwi gwalo mvulalo, a-le aboshvula-e logwa.”
11Tsügenyu Daniel le, a-le lo a-pvünyu mishen dan nucha lotse kejü keshü Ashpenaz ki gü. 12A-le tsügü ka zoshü, “Jon tseryü jaka henkenjvu pe agun no tyü lo zü pe agun lao nrishwilo. 13Tson-o agun lope raja chvü tyü kebin selo dan zenkendyüo agun nri pe dihontsela tiyo shwilo.”
14A-le anyugun no jon tseryü tson-o shwiti tse a-kendola. 15Gwenkho kepen ki anyugun nripe raja chvu sen kehü nyu nyeki phu gwa lo nko kvula. 16Tsügenyu tsügenrho rikhun gü le raja gü le khikeshüdan sunka anyugun no henkenjvu tyüsun tinla.
17Sunggigü le thakesha, lesükesha lo kekakepe pe anyugun tsüla. Tsü nyekie a-le tsemi lo nmin kon zolo kegwa pe Daniel tsüla.
18Raja gü le gwünkho tho keshü chenshen pen gü kejü ka Ashpenaz le ponyudan aphu zen-o Nebuchadnezzar ki gü. 19Raja gü le anyugun aphu zenkenthon, lo Daniel, Hananiah, Mishael lo Azariah dan le kecha aphu nyeki a-kenyüla. Tsü genyu anyugun le rajabin nyu kebin nyu thyüla. 20Raja gü le tha lihi shün nmvue ketekhi lihi-e ketso keshü ka mizi dan hile a-rajaphen hensin temvunyu lo jadunyu apentha nyeki gwen tseryü shakvu la. 21Daniel le Persia nyu raja Sairus le Babilon lola kemvuthen rajabin nyu bin.
Currently Selected:
DANIEL 1: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
DANIEL 1
1
Daniel Lo A-pvünyudan Rüla
(1:1—6:28)
Selo dan le Nebuchadnezzar Kedabin nyu Kebin
1Jehoiakim le Juda raja thyü kelo chen shen gü ka, Nebuchadnezzar, Babilon raja gü le Jerusalem when lo nyida gü hunlo la. 2Npugü le a-no Raja Jehoiakim tenlo lo Kershvuka nyu kenya peha khilo la. A-le donyu peha zen-o Babilon ki a-tero Kershvuka nyu rani gunla, tson-o kenya khikelo dan pe kerüshvuka kenyatsen nyu shüla.
3Raja gü a-hensin kedatsin gü, Ashpenaz no Israel nyu dothyü kebin dan nyu raja kami lo teshwe kepvü kami nyu selo peha kejülo lotse ahza hoshü. 4Tsüdan no kezegwa, kensü, senthyükegwa thyükenjü nyu, tha sha whülo kehünyu, lo a-rhenrhyü kegwa nyu mvuloshvu, anyugun lope raja bin nyu lothyülo kekü thyü nrün genyu. Ashpenaz no anyugun senthyü pe Babilon nyu khwen swü lo thushalo nrün thyü. 5Raja gü le khenyütsen rajabin nyu kebin nyu chvü lo zu hontse pe tsüdan tsü lotse ahza ko hoshü. Chenshen tsonkela siki anyugun le raja gü mhundyü nyu ryüti. 6Kejükelo dan nyu Daniel, Hananiah, Mishael, lo Azariah, tsüdan aphu Juda tsipwen. 7Raja hensin kedagü le zan keshün pe anyugun tsü: Belteshazzar, Shadrach, Meshach, lo Abednego.
8Daniel le raja nyu chvu tyü lo zu tsüo a-gwen nrhula mvu titse kemvulo la, tsühontse a-le Ashpenaz no a-che shü lotse hi, 9lo Sunggigü le Ashpenaz no Daniel njünlo la. 10Ai Ashpenaz le rajagü nshvu, tsügenyu a-le Daniel ka zo, “Raja gü le nno nyu tyülo tsüti yo rhilo laso; lo nle selo kecha dan hontse shwi gwalo mvulalo, a-le aboshvula-e logwa.”
11Tsügenyu Daniel le, a-le lo a-pvünyu mishen dan nucha lotse kejü keshü Ashpenaz ki gü. 12A-le tsügü ka zoshü, “Jon tseryü jaka henkenjvu pe agun no tyü lo zü pe agun lao nrishwilo. 13Tson-o agun lope raja chvü tyü kebin selo dan zenkendyüo agun nri pe dihontsela tiyo shwilo.”
14A-le anyugun no jon tseryü tson-o shwiti tse a-kendola. 15Gwenkho kepen ki anyugun nripe raja chvu sen kehü nyu nyeki phu gwa lo nko kvula. 16Tsügenyu tsügenrho rikhun gü le raja gü le khikeshüdan sunka anyugun no henkenjvu tyüsun tinla.
17Sunggigü le thakesha, lesükesha lo kekakepe pe anyugun tsüla. Tsü nyekie a-le tsemi lo nmin kon zolo kegwa pe Daniel tsüla.
18Raja gü le gwünkho tho keshü chenshen pen gü kejü ka Ashpenaz le ponyudan aphu zen-o Nebuchadnezzar ki gü. 19Raja gü le anyugun aphu zenkenthon, lo Daniel, Hananiah, Mishael lo Azariah dan le kecha aphu nyeki a-kenyüla. Tsü genyu anyugun le rajabin nyu kebin nyu thyüla. 20Raja gü le tha lihi shün nmvue ketekhi lihi-e ketso keshü ka mizi dan hile a-rajaphen hensin temvunyu lo jadunyu apentha nyeki gwen tseryü shakvu la. 21Daniel le Persia nyu raja Sairus le Babilon lola kemvuthen rajabin nyu bin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.