ROMETE 16
16
Mimal Chibai Bukna
1I sanggamnu, Phoebi, Kenkriai a saptuamte nasem, 2Toupa min a misiangthoute bang a na na kipahpihna ding uleh, na huh uh akiphatmohna peuh a na na huh ding un hon kimeltheihsak ka ut ahi. Amah mah in leng mi tampi ana huh a, kei ngei leng ahon huh zel hi.
3Khrist Jesu a hon huhte Priscilla leh Akuila chibai hon buksak un, 4ka hinna humbitna ding a amau ngawngtan ngapte; amau tung kia ah kipahthu ka gen kei a, Zentel saptuam tengteng tung ah leng ka gen sam hi. 5A-inn ua saptuam kikhawmte leng chibai hon buksak un. Ka deihtak, Epanitas, Asia gam a Khrist gingta masapen, chibai hon buksak un aw. 6Noute a dia semgim Mari, chibai hon buksak un aw. 7Ka chipih leh ka hentakpih, Andronikas leh Junia, chibai hon buksak un; amau sawltakte lak a minthangtak ahi ua, kei sang a Khrist a om masazaw ahi uh.
8Amplias, Toupa a ka deihtak, chibai hon buksak un aw. 9Khrist a i naseppih uh Urbanes leh ka deihtak Stakis chibai hon buksak un. 10Khrist a mitak, Apelles, chibai hon buksak un. Aristobulas, a-inkuanpihte lak a mite chibai hon buksak un. 11Ka chipih, Herodion, chibai hon buksak un. Inkuanpihte lak a mi Narkissas, Toupa a om, chibai hon buksak un.
12Triphena leh Triphosa Toupa a semgimte, chibai hon buksak un aw. Deihtak Persis, Toupa a ana semgim mahmah, chibai hon na buksak un. 13Toupa amitel Rufus leh anu, kei nu leng hi sam, chibai hon na buksak un.
14Asinkritas, Phligon, Hermas, Patrobas, Hermes leh akiang ua unau omte, chibai hon na buksak un aw. 15Philologas leh Julia, Nerias leh sanggamnu, Olimpas leh akiang ua misiangthou om tengteng, chibai hon na buksak un.
16Tawp siangthou in chibai kibuk un. Khrist saptuam pawl tengteng in chibai ahon buk chiat uhi.
Thuhilhna Nanung
17Huan unaute aw, thuhilhna thu noumau hilh louh lam a kikhenna leh pukna omsakte a pan kiveng ding leh kiheisan ding in ka hon ngen ahi. 18Huchibang mite'n i Toupa Khrist nna asem kei ua, amau gilpi nna asem zaw uhi; akamzolna uleh akamsiamna un mipilloute lungtang akhem nak uhi. 19Na thumandan uh mi tengteng lak ah athangkheta ngal a. Huaiziak in noumau tungthu ah ka kipak hi; himahleh, hoih lam a na pil ua, gilou lam a na pil louh uh ka deih ahi.
20Huan lemna Pathian in na khepek nuai uah Setan ahon sikdensak pah ding hi. I Toupa Jesu Khrist hehpihna na kiang uah om hen.
21Ka naseppih Timothi leh ka chipih Lusias leh Jason, Sosipaterte'n chibai ahon buk uhi.
22Kei Tertias, hiai laigelhtu in, Toupa min in chibai ka hon buk hi.
23Ka tunnapa Gaias leh saptuam tengteng in chibai ahon buk uhi. Huai sumkempa Erastas leh unaupa Kuartas in chibai ahon buk uhi. 24I Toupa Jesu Khrist hehpihna na vek ua tung ah om hen. Amen.
Thukhitna Phatna Thumna
25Tu in amah, ka tanchinhoih gen bang leh thuguk kilakna bangbang a Jesu Khrist ka tangkoupih bang a noute hon hihhattheipa, huai thuguk tang lai sawtpi mahmah sung selguk in na om mahleh, 26tu'n bel ginna thumanna piangsak ding in zawlnei laibute zang a nam tengteng kiang a theihsak leh tangtawn Pathian thupiak bang in taklat in ahong omta hi. 27Pilna Pathian kiang kia ah, Jesu Khrist ziak in thupina tangtawn dong in om hen! Amen.
Currently Selected:
ROMETE 16: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
ROMETE 16
16
Mimal Chibai Bukna
1I sanggamnu, Phoebi, Kenkriai a saptuamte nasem, 2Toupa min a misiangthoute bang a na na kipahpihna ding uleh, na huh uh akiphatmohna peuh a na na huh ding un hon kimeltheihsak ka ut ahi. Amah mah in leng mi tampi ana huh a, kei ngei leng ahon huh zel hi.
3Khrist Jesu a hon huhte Priscilla leh Akuila chibai hon buksak un, 4ka hinna humbitna ding a amau ngawngtan ngapte; amau tung kia ah kipahthu ka gen kei a, Zentel saptuam tengteng tung ah leng ka gen sam hi. 5A-inn ua saptuam kikhawmte leng chibai hon buksak un. Ka deihtak, Epanitas, Asia gam a Khrist gingta masapen, chibai hon buksak un aw. 6Noute a dia semgim Mari, chibai hon buksak un aw. 7Ka chipih leh ka hentakpih, Andronikas leh Junia, chibai hon buksak un; amau sawltakte lak a minthangtak ahi ua, kei sang a Khrist a om masazaw ahi uh.
8Amplias, Toupa a ka deihtak, chibai hon buksak un aw. 9Khrist a i naseppih uh Urbanes leh ka deihtak Stakis chibai hon buksak un. 10Khrist a mitak, Apelles, chibai hon buksak un. Aristobulas, a-inkuanpihte lak a mite chibai hon buksak un. 11Ka chipih, Herodion, chibai hon buksak un. Inkuanpihte lak a mi Narkissas, Toupa a om, chibai hon buksak un.
12Triphena leh Triphosa Toupa a semgimte, chibai hon buksak un aw. Deihtak Persis, Toupa a ana semgim mahmah, chibai hon na buksak un. 13Toupa amitel Rufus leh anu, kei nu leng hi sam, chibai hon na buksak un.
14Asinkritas, Phligon, Hermas, Patrobas, Hermes leh akiang ua unau omte, chibai hon na buksak un aw. 15Philologas leh Julia, Nerias leh sanggamnu, Olimpas leh akiang ua misiangthou om tengteng, chibai hon na buksak un.
16Tawp siangthou in chibai kibuk un. Khrist saptuam pawl tengteng in chibai ahon buk chiat uhi.
Thuhilhna Nanung
17Huan unaute aw, thuhilhna thu noumau hilh louh lam a kikhenna leh pukna omsakte a pan kiveng ding leh kiheisan ding in ka hon ngen ahi. 18Huchibang mite'n i Toupa Khrist nna asem kei ua, amau gilpi nna asem zaw uhi; akamzolna uleh akamsiamna un mipilloute lungtang akhem nak uhi. 19Na thumandan uh mi tengteng lak ah athangkheta ngal a. Huaiziak in noumau tungthu ah ka kipak hi; himahleh, hoih lam a na pil ua, gilou lam a na pil louh uh ka deih ahi.
20Huan lemna Pathian in na khepek nuai uah Setan ahon sikdensak pah ding hi. I Toupa Jesu Khrist hehpihna na kiang uah om hen.
21Ka naseppih Timothi leh ka chipih Lusias leh Jason, Sosipaterte'n chibai ahon buk uhi.
22Kei Tertias, hiai laigelhtu in, Toupa min in chibai ka hon buk hi.
23Ka tunnapa Gaias leh saptuam tengteng in chibai ahon buk uhi. Huai sumkempa Erastas leh unaupa Kuartas in chibai ahon buk uhi. 24I Toupa Jesu Khrist hehpihna na vek ua tung ah om hen. Amen.
Thukhitna Phatna Thumna
25Tu in amah, ka tanchinhoih gen bang leh thuguk kilakna bangbang a Jesu Khrist ka tangkoupih bang a noute hon hihhattheipa, huai thuguk tang lai sawtpi mahmah sung selguk in na om mahleh, 26tu'n bel ginna thumanna piangsak ding in zawlnei laibute zang a nam tengteng kiang a theihsak leh tangtawn Pathian thupiak bang in taklat in ahong omta hi. 27Pilna Pathian kiang kia ah, Jesu Khrist ziak in thupina tangtawn dong in om hen! Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.