ROMETE 15
15
1Huchi in ei ahatte'n, eimah kipahna zong lou in, ahatloute hatlouhnate i thuakpih ding uh ahi. 2Eimah invengte chiat tunding leh ahoihna ding ua kipahsak i tum chiat ding uh. 3Khrist in leng amah kipahna azong ngal kei a, “Nang hon taite taina ka tung ah atuta,” chih gelh bang in ahi zaw. 4Laisiangthou a kuhkalna leh khamuanna mu a lametna i neihtheihna ding un, nidanglai a gelh peuhmahte eite hon hilhna ding a gelh ahi uhi. 5Tu in kuhkalna leh khamuanna Pathian in, Khrist Jesu ah noute lungsim leh ngaihtuahna mun khat pu in hon omsak hen; 6Huchi a, lungsim mun khat leh kituaktak a Toupa Jesu Khrist Pa leh Pathian na pahtawi theihna ding uh ahi.
7Huaiziak in Khrist in Pathian thupina ding a noute ahon kipahpih mah bang in, khat-le-khat kipahpihtuah chiat un. 8Tu in, pipute kiang a thuchiamte hihkipna ding in Khrist tuh Pathian thutakdan theihsakna ding in zeksumte nasempa ahong hita chih na kiang uah ka gen hi. 9Azahngaihna ziak a Zentelte'n Pathian apahtawi theihna ding un,
“Huaiziak in Zentelte lak ah ka hon phat ding a,
na min pahtawina ding in la ka sa ding,”
chih gelh bang in.
10“Huan nou Zentel tengtengte aw,
amite toh kipak un,” achi nawn hi.
11“Nou Zentel tengtengte aw,
Toupa phat un, mi tengteng in amah phat uhen,” achi nawn hi.
12Isai in:
“Jesse zungzam ahong khang ding a,
Zentelte tung a vaihawm dingpa ahong dingkhe ding hi;
amah ah Zentelte'n alametna uh akoih ding uhi,” achi lai hi.
13Kha Siangthou thilhihtheihna ziak a lametna na hauhtheihna ding un, lametna Pathian, na gintak ziak un, kipahna leh kituahna chiteng in hon hihdim hen.
Paul Laikhak Ziak
14Huan ka unaute aw, nou tungthu zaw noumau mah hoihna in na dim ua, na kihanthawntuah thei uh chih keimah ngei in leng diktak in ka thei hi. 15Himahleh Pathian in ahon piak hehpihna ziak in nou hon theihpih ding in koi kalkal hiam ah hangsantak in ka gelh hi. 16Zentelte kiang a Khrist Jesu nasempa a ka omtheihna ding in, Zentelte Kha Siangthou a hihsiangthou ahih ua, pomtak ahihtheihna ding un Pathian tanchinhoih lam ah siampu nna ka sem ahi. 17Huchi in Pathian nna ka sep lam thu ah Khrist Jesu ah kisaktheihna ding ka nei ahi. 18Khrist in Zentelte thumangsak ding a ka thugen leh nasepnate zang a asepkhiakte lou ngal bangmah ka gen ngam ngal kei a, 19chiamtehnate leh thillamdangte, thilhihtheihna ah, Kha Siangthou thilhihtheihna in Jerusalem khua leh akim gam a kipan in, Illirikum gam pha in, Khrist tanchinhoih gam chih ah ka hilh kimta; keimah hon zang a athilhih tuh huchi tel ahi. 20Ahi, midang suangphum tung a lem ka hihlouhna ding in, tanchinhoih Khrist min loh khitna mun a gen lou in.
21“Atanchin gen ngeilouhnate'n
amu ding ua, za ngei nailoute'n aza ding uh,” chih gelh bang in,
gen ka tum zaw ahi.
Paul Zin Sawmdan
22Huaiziak in ahi, na kiang ua hong ka kikhelsak naknak.
23Tu in bel hiai gam kim ah sepna mun himhim ka neita kei a, kum tampi na kiang ua hong ut in leng ka omta hi. 24Spain gam a ka hoh chiang in ka pai kawm a nou hon muh ka kilamen ngal a, noumau toh kithuahkhawm phot in, maban ka paina ding ah noute'n na hon va khaksuk uh leng ka lamen ahi. 25Tu in bel, misiangthoute nasem ding in Jerusalem ah ka hoh tadih ding hi. 26Masidonia leh Akhaia gam a mite'n kipaktak in Jerusalem a misiangthoute lak a gentheite a ding in thilpiakte ape chiat uhi. 27Hiai thilpiak in amau nakpi in akipaksak hi; amaute ding in leng bat ahi him hi; Zentelte'n Judate khalam vualzawlna akikoppih ualeh salam thil a amaute taksap awng ahuksak sam uh akilawm him ahi. 28Huaiziak in huai ka hih a, gah leng amaute diktak a ka muhsak nung in, noute hon tawn in, Spain gam ah ka pai zel ding hi. 29Huan na kiang ua ka hong chiang in, Khrist tanchinhoih vualzawlna kim pu in ka hong ding chih ka thei hi.
30Unaute aw, Pathian kiang a na hon thumsak na uah, hon thumpih teitei ding in Toupa Jesu Khrist leh Kha Siangthou itna in nget petmah in ka hon ngen ahi. 31Juda gam a gingloute lak a ka bit theihna ding leh Jerusalem a dia huhna ka tawi misiangthoute kipahna lamtak ahihtheihna ding in. 32Pathian hoihsak bang a nuamtak a na kiang ua ka hong a, i halhkhawm vek theihna ding un. 33Lemna Pathian na vek ua tung ah om hen. Amen.
Currently Selected:
ROMETE 15: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
ROMETE 15
15
1Huchi in ei ahatte'n, eimah kipahna zong lou in, ahatloute hatlouhnate i thuakpih ding uh ahi. 2Eimah invengte chiat tunding leh ahoihna ding ua kipahsak i tum chiat ding uh. 3Khrist in leng amah kipahna azong ngal kei a, “Nang hon taite taina ka tung ah atuta,” chih gelh bang in ahi zaw. 4Laisiangthou a kuhkalna leh khamuanna mu a lametna i neihtheihna ding un, nidanglai a gelh peuhmahte eite hon hilhna ding a gelh ahi uhi. 5Tu in kuhkalna leh khamuanna Pathian in, Khrist Jesu ah noute lungsim leh ngaihtuahna mun khat pu in hon omsak hen; 6Huchi a, lungsim mun khat leh kituaktak a Toupa Jesu Khrist Pa leh Pathian na pahtawi theihna ding uh ahi.
7Huaiziak in Khrist in Pathian thupina ding a noute ahon kipahpih mah bang in, khat-le-khat kipahpihtuah chiat un. 8Tu in, pipute kiang a thuchiamte hihkipna ding in Khrist tuh Pathian thutakdan theihsakna ding in zeksumte nasempa ahong hita chih na kiang uah ka gen hi. 9Azahngaihna ziak a Zentelte'n Pathian apahtawi theihna ding un,
“Huaiziak in Zentelte lak ah ka hon phat ding a,
na min pahtawina ding in la ka sa ding,”
chih gelh bang in.
10“Huan nou Zentel tengtengte aw,
amite toh kipak un,” achi nawn hi.
11“Nou Zentel tengtengte aw,
Toupa phat un, mi tengteng in amah phat uhen,” achi nawn hi.
12Isai in:
“Jesse zungzam ahong khang ding a,
Zentelte tung a vaihawm dingpa ahong dingkhe ding hi;
amah ah Zentelte'n alametna uh akoih ding uhi,” achi lai hi.
13Kha Siangthou thilhihtheihna ziak a lametna na hauhtheihna ding un, lametna Pathian, na gintak ziak un, kipahna leh kituahna chiteng in hon hihdim hen.
Paul Laikhak Ziak
14Huan ka unaute aw, nou tungthu zaw noumau mah hoihna in na dim ua, na kihanthawntuah thei uh chih keimah ngei in leng diktak in ka thei hi. 15Himahleh Pathian in ahon piak hehpihna ziak in nou hon theihpih ding in koi kalkal hiam ah hangsantak in ka gelh hi. 16Zentelte kiang a Khrist Jesu nasempa a ka omtheihna ding in, Zentelte Kha Siangthou a hihsiangthou ahih ua, pomtak ahihtheihna ding un Pathian tanchinhoih lam ah siampu nna ka sem ahi. 17Huchi in Pathian nna ka sep lam thu ah Khrist Jesu ah kisaktheihna ding ka nei ahi. 18Khrist in Zentelte thumangsak ding a ka thugen leh nasepnate zang a asepkhiakte lou ngal bangmah ka gen ngam ngal kei a, 19chiamtehnate leh thillamdangte, thilhihtheihna ah, Kha Siangthou thilhihtheihna in Jerusalem khua leh akim gam a kipan in, Illirikum gam pha in, Khrist tanchinhoih gam chih ah ka hilh kimta; keimah hon zang a athilhih tuh huchi tel ahi. 20Ahi, midang suangphum tung a lem ka hihlouhna ding in, tanchinhoih Khrist min loh khitna mun a gen lou in.
21“Atanchin gen ngeilouhnate'n
amu ding ua, za ngei nailoute'n aza ding uh,” chih gelh bang in,
gen ka tum zaw ahi.
Paul Zin Sawmdan
22Huaiziak in ahi, na kiang ua hong ka kikhelsak naknak.
23Tu in bel hiai gam kim ah sepna mun himhim ka neita kei a, kum tampi na kiang ua hong ut in leng ka omta hi. 24Spain gam a ka hoh chiang in ka pai kawm a nou hon muh ka kilamen ngal a, noumau toh kithuahkhawm phot in, maban ka paina ding ah noute'n na hon va khaksuk uh leng ka lamen ahi. 25Tu in bel, misiangthoute nasem ding in Jerusalem ah ka hoh tadih ding hi. 26Masidonia leh Akhaia gam a mite'n kipaktak in Jerusalem a misiangthoute lak a gentheite a ding in thilpiakte ape chiat uhi. 27Hiai thilpiak in amau nakpi in akipaksak hi; amaute ding in leng bat ahi him hi; Zentelte'n Judate khalam vualzawlna akikoppih ualeh salam thil a amaute taksap awng ahuksak sam uh akilawm him ahi. 28Huaiziak in huai ka hih a, gah leng amaute diktak a ka muhsak nung in, noute hon tawn in, Spain gam ah ka pai zel ding hi. 29Huan na kiang ua ka hong chiang in, Khrist tanchinhoih vualzawlna kim pu in ka hong ding chih ka thei hi.
30Unaute aw, Pathian kiang a na hon thumsak na uah, hon thumpih teitei ding in Toupa Jesu Khrist leh Kha Siangthou itna in nget petmah in ka hon ngen ahi. 31Juda gam a gingloute lak a ka bit theihna ding leh Jerusalem a dia huhna ka tawi misiangthoute kipahna lamtak ahihtheihna ding in. 32Pathian hoihsak bang a nuamtak a na kiang ua ka hong a, i halhkhawm vek theihna ding un. 33Lemna Pathian na vek ua tung ah om hen. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.