NASEPTE 22
22
1“Unaute aw, pate aw, tu'n ah na kiang uah ka siamna thu ka hon hilh ding hi, ngaikhia un,” achi hi. 2Huan Hebru pau in akiang uah thu agen chih azaktak un, adai nawn sem ua; huan ama'n, 3“Juda mi ka hi a, Silisia gam a Tarsas a piang ka hi. Himahleh hiai khua ah Gamaliel khebul a zil a khanglian ka hi, i pipute Dan omdan kimtak zil zel a om ka hi a, tuni a noumau tengteng bang in Pathian a ding a phatuam na ngai sam ka hi. 4Hiai Lampi a mite that hial khop in ka sawi zel a, numei pasal ka hen a, suangkul ah ka khumsak hi. 5Siampu lianpen leh upate tengteng in leng huai thu hon theihpih ua, amau a kipan in leng unaute piak ding in lai ka mu hi, huan Damaskas a omte sawi ding leh hensa a Jerusalem a pi ding in ka hoh hi.
Paul Pianthakna Thu
(Nas 9.1-19; 26.12-18)
6“Huan hichi ahong hi a, ka pai a Damaskas kho kiang ka tun in, sun lai in, thakhat in van a kipan vak thupitak ka kim ah ahong vak hi. 7Huan lei ah ka puk a, ka kiang ah, ‘Saul, Saul, nang bang achia hon sawi?’ chi in aw ka zata hi. 8Huan ke'n, ‘Toupa kua na hia?’ chi in ka dong a. Huan ama'n ka kiang ah, Nazaret Jesu na sawi ka hi,” achi hi. 9Ka lawmte'n vak amu ua, hon houpihpa aw aza kei uhi. 10Ke'n, “Toupa, bang ka hih dia?” ka chi a. Toupa'n ka kiang ah, “Thou inla, Damaskas ah lut in, thil tengteng na hih ding achih peuhmah ahon hilh ding uh,” achi hi. 11Huan huai vak thupi ziak in khua ka mutheita kei a, ka lawmte'n khut in ahon kai ua, Damaskas ah ka lutta uhi.
12“Huan mi khat, Ananias Dan lam a Pathian limsak leh huai a Judate tengteng lak a minhoih, 13amah ahong a ka kiang ah ahong dingh a, ‘Unau Saul, mitvakna nei in,’ ahon chi hi. Huaitak in amah ka mutheita hi. 14Ama'n, ‘I pipute Pathian in adeihlam thei ding in ahon deih a, Diktatpa mu a, akamsuak za ding a hon sep ahi, achi hi. 15Na muh leh na zak thu ah mi tengteng kiang ah amah thu theihpihpa na hi ding. 16Huan bangziak a om maimai na hia? Thou inla, Toupa min sam in, baptisma tang inla, na khelhna hihsiang tanla,’ ahon chi hi.
17“Jerusalem a ka pai nawn nung, tempul a ka thum lai in, mengmu bang in ka om hi. 18‘Kin inla, Jerusalem a kipan pawt in; ka tanchin na gen ding apom tuak kei uh,’ ahon chih lai ka mu hi. 19Huan ke'n, ‘Toupa sinagog teng a nang gingta peuhmah hentasak a, ka vuak zeldan athei uhi. 20Huan na thu theihpihpa Stephen sisan asuah lai un kei leng akiang uah ka dingh a, asih ding lem ka na sa a, ahihlumte puante leng ka na kem hi,’ ka chi hi. 21Huan ama'n, ‘Pai in, hiai a kipan in gamlatak a Zentelte kiang ah ka hon sawl ding ahi,’ ahon chita hi,” achi hi.
Paul, Rome Mi Ahihna
22Huan huai thutan in angaikhia ua; aw ngaihtak in akikou ua, “Mi hichibang hing tak ahi kei, khovel a kipan hihmangthang un,” achi uhi. 23Akikou ua apuan uh alem ua, apai ua, leivui avik uhi, 24huchi in sepaih heutu lianpen in Paul sepaihte giahbuk sung a pilut thu apia a, atung ah huchi tel a akikouna uh atheihna ding a soisak kawm a dottel ding in, achi hi. 25Savun khau a alehhensawm khit un, Paul in akiang a dingh sepaih zaheutu kiang ah, “Siam louh tansak louh Rome mi vuak ding chih nang a ding in dan toh kituak ahi hia?” achi hi.
26Sepaih zaheutu in huai azaktak in, sepaih heutu lianpen kiang ah ahoh a, “Na thilhih ding ah pilvang dih aw; hiai mi Rome mi ana hi,” achi a, ahilh hi. 27Sepaih heutu lianpen ahong a, akiang ah, “Rome mi na hi maw? Hon hilh in,” achi hi.
28Ama'n, “Hi e,” achi hi. Sepaih heutu lianpen in, “Ke'n hiai khomi hihna sum tampi a ka lei ei ve,” chi in adawng hi. Paul in, “Kei zaw Rome mi a piang him ka hi,” achi hi.
29Huchi in amah dottel tumte'n apaisan pah ngal ua; sepaih heutu lianpen in Rome mi ahi chih atheih in akihta a, ahen ziak in alau hi.
Sanhedrin Ma A Paul Thugen
30Azing in Judate'n bangziak a Paul hek ahi uhiam chih theihtel tum in, sepaih heutu lianpen in amah aphel a, siampu liante leh vaihawm tengteng kikhop ding thu apia a, Paul pisuk in, ama uah adingsak hi.
Currently Selected:
NASEPTE 22: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 22
22
1“Unaute aw, pate aw, tu'n ah na kiang uah ka siamna thu ka hon hilh ding hi, ngaikhia un,” achi hi. 2Huan Hebru pau in akiang uah thu agen chih azaktak un, adai nawn sem ua; huan ama'n, 3“Juda mi ka hi a, Silisia gam a Tarsas a piang ka hi. Himahleh hiai khua ah Gamaliel khebul a zil a khanglian ka hi, i pipute Dan omdan kimtak zil zel a om ka hi a, tuni a noumau tengteng bang in Pathian a ding a phatuam na ngai sam ka hi. 4Hiai Lampi a mite that hial khop in ka sawi zel a, numei pasal ka hen a, suangkul ah ka khumsak hi. 5Siampu lianpen leh upate tengteng in leng huai thu hon theihpih ua, amau a kipan in leng unaute piak ding in lai ka mu hi, huan Damaskas a omte sawi ding leh hensa a Jerusalem a pi ding in ka hoh hi.
Paul Pianthakna Thu
(Nas 9.1-19; 26.12-18)
6“Huan hichi ahong hi a, ka pai a Damaskas kho kiang ka tun in, sun lai in, thakhat in van a kipan vak thupitak ka kim ah ahong vak hi. 7Huan lei ah ka puk a, ka kiang ah, ‘Saul, Saul, nang bang achia hon sawi?’ chi in aw ka zata hi. 8Huan ke'n, ‘Toupa kua na hia?’ chi in ka dong a. Huan ama'n ka kiang ah, Nazaret Jesu na sawi ka hi,” achi hi. 9Ka lawmte'n vak amu ua, hon houpihpa aw aza kei uhi. 10Ke'n, “Toupa, bang ka hih dia?” ka chi a. Toupa'n ka kiang ah, “Thou inla, Damaskas ah lut in, thil tengteng na hih ding achih peuhmah ahon hilh ding uh,” achi hi. 11Huan huai vak thupi ziak in khua ka mutheita kei a, ka lawmte'n khut in ahon kai ua, Damaskas ah ka lutta uhi.
12“Huan mi khat, Ananias Dan lam a Pathian limsak leh huai a Judate tengteng lak a minhoih, 13amah ahong a ka kiang ah ahong dingh a, ‘Unau Saul, mitvakna nei in,’ ahon chi hi. Huaitak in amah ka mutheita hi. 14Ama'n, ‘I pipute Pathian in adeihlam thei ding in ahon deih a, Diktatpa mu a, akamsuak za ding a hon sep ahi, achi hi. 15Na muh leh na zak thu ah mi tengteng kiang ah amah thu theihpihpa na hi ding. 16Huan bangziak a om maimai na hia? Thou inla, Toupa min sam in, baptisma tang inla, na khelhna hihsiang tanla,’ ahon chi hi.
17“Jerusalem a ka pai nawn nung, tempul a ka thum lai in, mengmu bang in ka om hi. 18‘Kin inla, Jerusalem a kipan pawt in; ka tanchin na gen ding apom tuak kei uh,’ ahon chih lai ka mu hi. 19Huan ke'n, ‘Toupa sinagog teng a nang gingta peuhmah hentasak a, ka vuak zeldan athei uhi. 20Huan na thu theihpihpa Stephen sisan asuah lai un kei leng akiang uah ka dingh a, asih ding lem ka na sa a, ahihlumte puante leng ka na kem hi,’ ka chi hi. 21Huan ama'n, ‘Pai in, hiai a kipan in gamlatak a Zentelte kiang ah ka hon sawl ding ahi,’ ahon chita hi,” achi hi.
Paul, Rome Mi Ahihna
22Huan huai thutan in angaikhia ua; aw ngaihtak in akikou ua, “Mi hichibang hing tak ahi kei, khovel a kipan hihmangthang un,” achi uhi. 23Akikou ua apuan uh alem ua, apai ua, leivui avik uhi, 24huchi in sepaih heutu lianpen in Paul sepaihte giahbuk sung a pilut thu apia a, atung ah huchi tel a akikouna uh atheihna ding a soisak kawm a dottel ding in, achi hi. 25Savun khau a alehhensawm khit un, Paul in akiang a dingh sepaih zaheutu kiang ah, “Siam louh tansak louh Rome mi vuak ding chih nang a ding in dan toh kituak ahi hia?” achi hi.
26Sepaih zaheutu in huai azaktak in, sepaih heutu lianpen kiang ah ahoh a, “Na thilhih ding ah pilvang dih aw; hiai mi Rome mi ana hi,” achi a, ahilh hi. 27Sepaih heutu lianpen ahong a, akiang ah, “Rome mi na hi maw? Hon hilh in,” achi hi.
28Ama'n, “Hi e,” achi hi. Sepaih heutu lianpen in, “Ke'n hiai khomi hihna sum tampi a ka lei ei ve,” chi in adawng hi. Paul in, “Kei zaw Rome mi a piang him ka hi,” achi hi.
29Huchi in amah dottel tumte'n apaisan pah ngal ua; sepaih heutu lianpen in Rome mi ahi chih atheih in akihta a, ahen ziak in alau hi.
Sanhedrin Ma A Paul Thugen
30Azing in Judate'n bangziak a Paul hek ahi uhiam chih theihtel tum in, sepaih heutu lianpen in amah aphel a, siampu liante leh vaihawm tengteng kikhop ding thu apia a, Paul pisuk in, ama uah adingsak hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.