NASEPTE 21
21
Miletas A Kipan Tair Zinna
1Huan hichi ahong hi a, amaute toh ka kikhen ua, long in ka pawt ua, huai khit in tangtak in Kos tuikulh ka tung ua, azing in Rhodes tuikulh ka tung nawn ua, huai a kipan in ka pai zel ua, Patara khua ka tung uhi. 2Phoinisia gam pai ding long khat ka mu ua, ka tuang ua, ka pai zel uhi. 3Huan Kupra tuikulh ka mu ua, veilam pang ah ka kheng ua, Siria gam ah ka pai zel ua, Tair ah long van nawnkhiak ding a-om man in ka kum phot uhi. 4Nungzuite ka zongkhia ua, huai ah ni sagih ka taam uhi; huan Kha theihsak in Paul kiang ah, Jerusalem a hohtou lou ding in achi uhi. 5Himahleh huai nite khit in ka pawt ua ka paita ua, unaute'n avek un, azi atate uh toh khopi pua dong ahong kha ua; tuipi piau ah ka khukdin ua, ka thum uhi. 6Huan mangpha ka kikhak zoh un, long ah ka tuang ua, amau bel a-inn uah apai nawnta uhi.
Kaisaria Ah
7Tair a kipan long a ka pai khit un Ptolemais khua ka tung ua, unaute chibai ka buk uhi, akiang uah ni khat ka nituang uhi. 8Huan azing in ka pawt ua Kaisaria khua ka tung ua huai ah tanchinhoih genpa, Philip inn ah ka lut ua, amah ahihleh sagihte lak a khat ahi a, akiang ah ka taam uhi. 9Huai mi'n, amau zawlnei bang a thu agen zel nungak siangthou ngen, tanu li anei hi. 10Huai ah ni tampi ka taam ua, huai lai in Judia gam a kipan amin Agabas kichi zawlnei khat ahong suk hi. 11Ka kiang uah ahong a, Paul kawnggak ala a, akhete, akhutte amah in akigak a, “Jerusalem a Judate'n hichibang in hiai kawnggak neipa agak ding ua, Zentelte khut ah ape lai ding uh, Kha Siangthou in achi,” achi hi.
12Huan huai thu ka zaktak un, kou leh huai khua a mite'n Jerusalem a Paul hoh lou ding in ka khou chiat uhi. 13Himahleh Paul in adawng a, “Bangchi na hi ua, na kahkah ua, na hon khasiatsak uh? Toupa Jesu min ziak in Jerusalem a hen kia hilou in, sih leng ngap ka hi,” achi hi. 14Huan khouhzoh vual ahih louhtak in, ka tawpta ua, “Toupa thuthu hi hen aw,” ka chi uhi.
Jerusalem Ah Paul
15Huai nung in ka van uh ka bawl ua, Jerusalem ah ka hohtou uhi. 16Kaisaria a mi nungzuite kuate hiam, ka kiang uah apai ua, amau, amin Mnason inn, nungzui masa pawl Kupra tuikulh a mi khat ka tunna dingpa uh api sam uhi. 17Huan Jerusalem khua ka tun un unaute'n nuamtak in hon na kipahpih uhi. 18Azing in Paul toh Jakob kiang ah ka lut ua; huai ah saptuam upate tengteng leng a-om uhi. 19Paul in amau chibai abuk khit in, anasepna zang a Pathian in Zentelte lak a thil ahihsak peuhmah avek in agen hi. 20Unaute'n huai thu azak un Pathian apahtawi uh; huan Paul kiang ah, “Unaupa, Judate lak a gingtami tamdan na mu a; avek un dan lam ah phatuam angai lai uhi. 21Nang Zentelte lak a Juda omte tengteng kiang ah atate uh zeksum louh ding leh dan bang a om louh ding chi in Mosi Dan paihkhiakna ding na thuhilh zel chih mi kam ah na thu athei vek uhi,” achi uhi. 22“Bangchi hita ding ahia le? Na hong tung chih aza ngal ding ua. 23Huaiziak in na kiang a ka gen bang un hih in; thuchiam nei pasal li ka kiang uah a-om uhi. 24Huai mite pi in la, akiang uah kisiangsak sam inla, asam uh amettheihna ding un amau a ding in sum seng in; huchi in mi tengteng in mi kam a na thu azak teng uh gen tham ahi kei chih athei ding ua, nangmah mah dan zui in kichiantak in na om zaw chih athei ding uhi. 25Zentelte lak a gingtate thu zaw, milim biakna thil nek lam ah, sa sisan nek thu ah, sa heklup nek lam ah, kingaih lam a kipan in akihulsak ding uh ahi, chi in ka gen ua, ka gelhta uhi,” achi uhi.
26Huan azing in Paul in pasalte atonpih a, amau toh akisiangsak a, tempul ah alut a, amaute a ding a kithoihna apiaksak chiat masiah kisiansakna ni anei phot ding uh chih, siampu kiang ah ahilh hi.
Tempul Ah Paul Mat In A-om
27Kisiansuahna ni sagih achin dektak in Asia gam a Judate'n tempul ah Paul amu ua, mipi tengteng atokthou ua, amah aman ua, kikou in, 28“Israel mite aw, hong huh un! Hiai mi, gam teng a mi tengteng kiang a Juda mite dante, hiai mun siangthou gensepa ahi; huai lou leng, tempul ah Grik mite alutpih a, hiai in siangthou ahihbuah khin,” achi uhi. 29Huai ma in khua ah Ephesa a mi Trophimas akiang ah amu ua, Paul in huai mi tempul ah alutpih agingta uhi.
30Huan akhua in akising kheukhou ua, mite ataikhawm ua; Paul aman ua, tempul a kipan akaikhia ua; kongkhakte akhak pah ngal uhi. 31Amah hihlup atup laitak un Jerusalem a mi tengteng abuai uh chih sepaih pawl heutu lianpen kiang atungtou hi. 32Ama'n sepaihte leh sepaih za heutute api pah a, akiang uah ataisuk uhi; heutu lianpen leh sepaihte amuhtak un Paul vuak atawpta uhi. 33Sepaih heutu lianpen in ahong naih a, Paul alen a, khainiang nih butsak ding thu apia a; kua ahia ahih a, bang ahia ahih adong hi. 34Mipite akhen thu khat in akikou ua, akhen thudang a akikou ziak un, buaina ziak diktak athei kei a, sepaihte giahbuk a pilut thu apia hi. 35Paul kalbi atun lai in mipi ahiamgam ziak un sepaihte'n amah apumzawn uhi. 36Mi tengteng in, “Hihmangthang un,” chi akikou in, azui uhi.
Paul In Asiamna Thu Agen
37Sepaihte giahbuk sung a apilut dek lai un Paul in, sepaih heutu lianpen kiang ah, “Na kiang ah thu kam khat ka gen thei diam?” achi hi. 38Huan ama'n, “Grik pau na thei maw? Tuma a mite hanthawn a, gamdai mun a mihing sangli suam a thatte heutupa Aigupta mi na hi kei maw?” achi hi.
39Paul in, “Silisia gam a Tarsas a om Juda mi ka hi, khopi neu liai lou khat khua-le-tui ka hi; hon hehpih inla, mi tengteng kiang ah thu hon gensak in,” achi hi.
40Huan alemsaktak in kalbi ah Paul adingh a, mi tengteng daihna ding in akhut avan a; huan adaih duamtak un Hebru pau in akiang uah thu agen hi.
Currently Selected:
NASEPTE 21: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 21
21
Miletas A Kipan Tair Zinna
1Huan hichi ahong hi a, amaute toh ka kikhen ua, long in ka pawt ua, huai khit in tangtak in Kos tuikulh ka tung ua, azing in Rhodes tuikulh ka tung nawn ua, huai a kipan in ka pai zel ua, Patara khua ka tung uhi. 2Phoinisia gam pai ding long khat ka mu ua, ka tuang ua, ka pai zel uhi. 3Huan Kupra tuikulh ka mu ua, veilam pang ah ka kheng ua, Siria gam ah ka pai zel ua, Tair ah long van nawnkhiak ding a-om man in ka kum phot uhi. 4Nungzuite ka zongkhia ua, huai ah ni sagih ka taam uhi; huan Kha theihsak in Paul kiang ah, Jerusalem a hohtou lou ding in achi uhi. 5Himahleh huai nite khit in ka pawt ua ka paita ua, unaute'n avek un, azi atate uh toh khopi pua dong ahong kha ua; tuipi piau ah ka khukdin ua, ka thum uhi. 6Huan mangpha ka kikhak zoh un, long ah ka tuang ua, amau bel a-inn uah apai nawnta uhi.
Kaisaria Ah
7Tair a kipan long a ka pai khit un Ptolemais khua ka tung ua, unaute chibai ka buk uhi, akiang uah ni khat ka nituang uhi. 8Huan azing in ka pawt ua Kaisaria khua ka tung ua huai ah tanchinhoih genpa, Philip inn ah ka lut ua, amah ahihleh sagihte lak a khat ahi a, akiang ah ka taam uhi. 9Huai mi'n, amau zawlnei bang a thu agen zel nungak siangthou ngen, tanu li anei hi. 10Huai ah ni tampi ka taam ua, huai lai in Judia gam a kipan amin Agabas kichi zawlnei khat ahong suk hi. 11Ka kiang uah ahong a, Paul kawnggak ala a, akhete, akhutte amah in akigak a, “Jerusalem a Judate'n hichibang in hiai kawnggak neipa agak ding ua, Zentelte khut ah ape lai ding uh, Kha Siangthou in achi,” achi hi.
12Huan huai thu ka zaktak un, kou leh huai khua a mite'n Jerusalem a Paul hoh lou ding in ka khou chiat uhi. 13Himahleh Paul in adawng a, “Bangchi na hi ua, na kahkah ua, na hon khasiatsak uh? Toupa Jesu min ziak in Jerusalem a hen kia hilou in, sih leng ngap ka hi,” achi hi. 14Huan khouhzoh vual ahih louhtak in, ka tawpta ua, “Toupa thuthu hi hen aw,” ka chi uhi.
Jerusalem Ah Paul
15Huai nung in ka van uh ka bawl ua, Jerusalem ah ka hohtou uhi. 16Kaisaria a mi nungzuite kuate hiam, ka kiang uah apai ua, amau, amin Mnason inn, nungzui masa pawl Kupra tuikulh a mi khat ka tunna dingpa uh api sam uhi. 17Huan Jerusalem khua ka tun un unaute'n nuamtak in hon na kipahpih uhi. 18Azing in Paul toh Jakob kiang ah ka lut ua; huai ah saptuam upate tengteng leng a-om uhi. 19Paul in amau chibai abuk khit in, anasepna zang a Pathian in Zentelte lak a thil ahihsak peuhmah avek in agen hi. 20Unaute'n huai thu azak un Pathian apahtawi uh; huan Paul kiang ah, “Unaupa, Judate lak a gingtami tamdan na mu a; avek un dan lam ah phatuam angai lai uhi. 21Nang Zentelte lak a Juda omte tengteng kiang ah atate uh zeksum louh ding leh dan bang a om louh ding chi in Mosi Dan paihkhiakna ding na thuhilh zel chih mi kam ah na thu athei vek uhi,” achi uhi. 22“Bangchi hita ding ahia le? Na hong tung chih aza ngal ding ua. 23Huaiziak in na kiang a ka gen bang un hih in; thuchiam nei pasal li ka kiang uah a-om uhi. 24Huai mite pi in la, akiang uah kisiangsak sam inla, asam uh amettheihna ding un amau a ding in sum seng in; huchi in mi tengteng in mi kam a na thu azak teng uh gen tham ahi kei chih athei ding ua, nangmah mah dan zui in kichiantak in na om zaw chih athei ding uhi. 25Zentelte lak a gingtate thu zaw, milim biakna thil nek lam ah, sa sisan nek thu ah, sa heklup nek lam ah, kingaih lam a kipan in akihulsak ding uh ahi, chi in ka gen ua, ka gelhta uhi,” achi uhi.
26Huan azing in Paul in pasalte atonpih a, amau toh akisiangsak a, tempul ah alut a, amaute a ding a kithoihna apiaksak chiat masiah kisiansakna ni anei phot ding uh chih, siampu kiang ah ahilh hi.
Tempul Ah Paul Mat In A-om
27Kisiansuahna ni sagih achin dektak in Asia gam a Judate'n tempul ah Paul amu ua, mipi tengteng atokthou ua, amah aman ua, kikou in, 28“Israel mite aw, hong huh un! Hiai mi, gam teng a mi tengteng kiang a Juda mite dante, hiai mun siangthou gensepa ahi; huai lou leng, tempul ah Grik mite alutpih a, hiai in siangthou ahihbuah khin,” achi uhi. 29Huai ma in khua ah Ephesa a mi Trophimas akiang ah amu ua, Paul in huai mi tempul ah alutpih agingta uhi.
30Huan akhua in akising kheukhou ua, mite ataikhawm ua; Paul aman ua, tempul a kipan akaikhia ua; kongkhakte akhak pah ngal uhi. 31Amah hihlup atup laitak un Jerusalem a mi tengteng abuai uh chih sepaih pawl heutu lianpen kiang atungtou hi. 32Ama'n sepaihte leh sepaih za heutute api pah a, akiang uah ataisuk uhi; heutu lianpen leh sepaihte amuhtak un Paul vuak atawpta uhi. 33Sepaih heutu lianpen in ahong naih a, Paul alen a, khainiang nih butsak ding thu apia a; kua ahia ahih a, bang ahia ahih adong hi. 34Mipite akhen thu khat in akikou ua, akhen thudang a akikou ziak un, buaina ziak diktak athei kei a, sepaihte giahbuk a pilut thu apia hi. 35Paul kalbi atun lai in mipi ahiamgam ziak un sepaihte'n amah apumzawn uhi. 36Mi tengteng in, “Hihmangthang un,” chi akikou in, azui uhi.
Paul In Asiamna Thu Agen
37Sepaihte giahbuk sung a apilut dek lai un Paul in, sepaih heutu lianpen kiang ah, “Na kiang ah thu kam khat ka gen thei diam?” achi hi. 38Huan ama'n, “Grik pau na thei maw? Tuma a mite hanthawn a, gamdai mun a mihing sangli suam a thatte heutupa Aigupta mi na hi kei maw?” achi hi.
39Paul in, “Silisia gam a Tarsas a om Juda mi ka hi, khopi neu liai lou khat khua-le-tui ka hi; hon hehpih inla, mi tengteng kiang ah thu hon gensak in,” achi hi.
40Huan alemsaktak in kalbi ah Paul adingh a, mi tengteng daihna ding in akhut avan a; huan adaih duamtak un Hebru pau in akiang uah thu agen hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.