JENESIS 5
5
Ki khun ki ksiew jong u Adam
(1 Khrn. 1:1-4)
1 #
Jen. 1:27,28 Kane ka dei ka thup kyrteng jong ki khun ki ksiew u Adam. (Mynba U Blei U la thaw ïa ki briew, u la thaw ïa ki ha ka dur jong U hi. 2#Mat. 19:4; Mrk. 10:6Shynrang bad kynthei u la thaw ïa ki, U la kyrkhu ïa ki, bad u la kyrteng ïa ki, “Ki Briew”.) 3Haba u Adam u la dap shispah laiphew snem ka rta, u la ïoh khun shynrang uba syriem ïa u bad u la kyrteng ïa u, u Seth. 4Hadien kata, u Adam u la im sa phraspah snem. 5U la ïoh ruh kiwei pat ki khun bad u la ïap ha ka rta kaba khyndaispah laiphew snem.
6Haba u Seth u la dap shispah san snem ka rta, u la ïoh khun shynrang, u Enosh, 7bad hadien kata u la im sa phraspah hynñiew snem. U la ïoh ruh kiwei pat ki khun 8bad u la ïap ha ka rta kaba khyndaispah khat-ar snem.
9Haba u Enosh u la dap khyndaiphew snem ka rta, u la ïoh khun shynrang, u Kenan, 10bad hadien kata u la im sa phraspah khatsan snem. U la ïoh ruh kiwei pat ki khun 11bad u la ïap ha ka rta kaba khyndaispah san snem.
12Haba u Kenan u la dap hynñiewphew snem ka rta, u la ïoh khun shynrang, u Mahalalel, 13bad hadien kata u la im sa phraspah sawphew snem. U la ïoh ruh kiwei pat ki khun 14bad u la ïap ha ka rta kaba khyndaispah shiphew snem.
15Haba u Mahalalel u la dap hynriewphew san snem ka rta, u la ïoh khun shynrang, u Jared, 16bad hadien kata u la im sa phraspah laiphew snem. U la ïoh ruh kiwei pat ki khun 17bad u la ïap ha ka rta kaba phraspah khyndaiphew san snem.
18Haba u Jared u la dap shispah hynriewphew ar snem ka rta, u la ïoh khun shynrang, u Enokh, 19bad hadien kata u la im sa phraspah snem. U la ïoh ruh kiwei pat ki khun 20bad u la ïap ha ka rta kaba khyndaispah hynriewphew ar snem.
21Haba u Enokh u la dap hynriewphew san snem ka rta, u la ïoh khun shynrang, u Methuselah. 22Hadien kata, u Enokh u la im ha ka jingïasyllok bad U Blei haduh laispah snem bad u la ïoh ruh kiwei pat ki khun. 23U la im laispah hynriewphew san snem. 24#Heb. 11:5; Jud. 1:14U la pynlut la ka jingim ha kaba ïasyllok bad U Blei, bad hadien kata u la jah noh, namar U Blei u la shim noh ïa u.
25Haba u Methuselah u la dap shispah phraphew hynñiew snem ka rta, u la ïoh khun shynrang, u Lamekh, 26bad hadien kata u la im sa hynñiewspah phraphew ar snem. U la ïoh ruh kiwei pat ki khun 27bad u la ïap ha ka rta kaba khyndaispah hynriewphew khyndai snem.
28Haba u Lamekh u la dap shispah phraphew ar snem ka rta, u ïoh khun shynrang, 29bad u ong, “Na ka khyndew ha kaba U Trai u la buh ka jingtim, une u khunlung un wallam ha ngi ka jingpyntngen na baroh ka jingtrei shitom jong ngi;” kumta u la kyrteng ïa u, u Noah. 30U Lamekh u la im sa sanspah khyndaiphew san snem. U la ïoh ruh kiwei pat ki khun 31bad u la ïap ha ka rta kaba hynñiewspah hynñiewphew hynñiew snem.
32Ynda u Noah u la dap sanspah snem ka rta, u ïoh lai ngut ki khun shynrang, u Shem, u Ham, bad u Japheth.
Currently Selected:
JENESIS 5: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.