ROM 13
13
Rorêltuhai thu awi ding
1Mi tin an chunga rorêltuhai thu thuin um raw se. Pathien thu lovin tukhawm rorêltu an um ngai si naw a; rorêltua umhai hi Pathien iruot an nih.
2Chuleiin, tûkhawm rorêltu kal chu Pathien iruot kal a nih; a kaltuhai chun anni chungah rorêlna hmûng an tih.
3Rorêltuhai chu thil ṭha thawtuhai ta ding chun ṭium an ni naw a, thil ṭha naw thawtuhai ta ding ruok chun ṭium an nih. Anleh, rorêltu ṭi lova um i nuom am? Thil ṭha thâw la, a înpâk hlâwng i tih;
4ama chu i ṭhatna dinga Pathien rawngbâwltu a ni si a. Nisienlakhawm, thil suol i thaw chun ṭi rawh, kâwlhnâm chu a chawi mei mei si naw a; ama chu Pathien rawngbâwltu, thil suksuoltuhai chunga lunginsenna phuba latu a ni si a.
5Chuleiin, lunginsenna ṭi lei chau ni lovin, i sie le ṭha hrietna lei khawmin rorêltu thu thuin i um ding a ni hrim a nih.
6Hi lei hin annâwm sie khawm in chawi hlak; chuong ang thil ngei thaw fan fan dinga Pathien rawngbâwltuhai an ni si a.
7 #
Mt 22.21; Mk 12.17; Lk 20.25 Mi po po kuomah pêk ding taphawt chu pe ro; leiman pêkna ding kuoma chun leiman pe unla, sie chawina ding kuoma chun sie chawi unla, ṭi ding chu ṭi unla, inza ding chu inza ro.
Unau inhmangaina
8Inhmangai tuona ngawt naw chu tû iengkhawm bat naw ro; mâni mihriempui hmangaitu chun dân chu a zâwm famkim ta si a.
9 #
Ex 20.14,15,17; Dt 5.18,19,21; Lev 19.18 Hieng, “Uire naw, tuol that naw, inru naw, inhnar naw,” ti le thupêk danghai hrim hrim hi, “Nangma în hmangai angin i vênghai i hmangai ding a nih,” ti hin a khai khâwm vawng a nih.
10Hmangainain vênghai a sukkhawhlo ngai naw a, chuleiin hmangaina hi dân hraw famkimna a nih.
Krista ni hung hnai zie
11Tulai thil umzie in hriet lei le, inhai ta dingin innaa inthawkin ṭhanghar a hun ta takzet ti in hriet leiin chu chu ka hril a nih; tuhin chu ei awi tîr lai nêk khan chu ei sandamna chu a hnai lem ta si a.
12Zân hi a bo vâng vâng ta a, khuo a var ding a ni tah, chuleiin inthimna thilthawhai chu pei inla, var thuomin inthuom ei tiu khai.
13Sûna um angin mawitakin um ei tiu, zu dâwn buoi le zu inruia um lovin, hur le indit hmanga um lovin, insuol le inîtthîka um lovin,
14Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.
Currently Selected:
ROM 13: HMOVBSI
Highlight
Share
Compare
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
