MALAKI 4
4
Lalpa ni hung tlung ding chu
1Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.
2Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.
3Chun, mi khawhlo chu sirde tâng in ta; ni ka isiem ngei ding nia chun in kepha hnuoia chun pilvut ang el an ni ta ding a ni si a, sipaihai Lalpa chun a tih.
4“Israelhai po po ta dinga Horeba ka ipêk, rorêlna le thuruothai, ka siehlaw Mosie dân chu hre zing ro.
5Ngai ta u, Lalpa hungna ni ṭium- tak le nasatak hma ngei chun zâwlnei Elija chu hung tirpêk ka ti cheu.
6Ama chun pahai lungril chu nauhai tieng innghatir a ta, nauhai lungril chu an pahai tieng; chuong naw chun hung ka ta, ram chu ṭawngsiein hung hrem rawi ka tih,” tiin.
Currently Selected:
MALAKI 4: HMOVBSI
Highlight
Copy
Compare
Share
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
