ZEPHANIA 3
3
Jerusalem suolna le intlansuokna
1Khawpui nêksâwra um, sukpawr- chea um le hela um chu a chung a va rik de!
2Ama chun râwl chu a pawisa nawh a, sukdikna chu a pawm nawh a, LALPA khawm chu a ring nawh a; a Pathien khawm chu a hung hnai bawk nawh a.
3A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.
4A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche tah a, dâna chun inpâwngnêkna chu an hmang ta a nih.
5Ama sûnga chun LALPA chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim nawh a; amiruokchu, mi fel naw chun inzakna a hriet naw a nih.
6Hnamhai chu ka sât thlâk a, an in insânghai chen khawm chu râu- sanin a um tah a; an kawtthlêrhai chu ka suksiet vawng a, tukhawma an hraw ta nawh a; an khawpuihai chu suksietin a um a, chuongchun, mi an um ta nawh a, a hluotu khawm an um ta nawh.
7Ama chungthua ka lo ruot ta ang po poin, a chêngna chu sât thlâk a ni nawna dingin. “Matheiloin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik nawh a.
8LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.
9Chun, chutaka inthawk chun hmûr inthieng put chihai kuoma chun kîr nâwk ka ta, lungril hmun- khata a rawng bâwl dinga LALPA hming chu an rênga an lam theina dingin.
10Ethiopia vadunghai khêla in- thawk chun ka riminhnik rawtuhai, ka hnawtdarhai naunuhmeihai ngei chun, ka thil inhlânhai chu hung chawi an ta.
11Chu nia chun i thil thawhai po po, ka chunga i bawsietnahai lei chun inzak ta naw ti nih a; nanga sûnga inthawkin nasataka nang chapopui- tuhai che chu ka lâk suok ding a ni ta sih a; chuongchun, ka tlâng inthienga chun chapo ta ngai hrim hrim naw ti nih.
12Amiruokchu, i sûnga chun mi pasiehai le mî sukrimsika umhai chu mâksan ka ta, LALPA hming chu ring tâng an tih.
13 #
Nam 19.11-22
Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni sih a,” a ta.
Lâwmna Hla
14Aw Zion naunuhai, hla sak ro; aw Israel, khêk suok rawh;
Aw Jerusalem naunu, lungril po poin hlimin lâwm rawh.
15LALPA chun i chungthu rêlna chu a lâk hmang tah a,
I hmêlma khawm chu a hnawt dawk tah a nih;
Israel Lal, Lalpa ngei chu nangmaa chun a um a,
Thil ṭha naw hril ṭi ta dêr naw ti nih.
16Chu ni chun Jerusalem kuoma chun, “Ṭi ta naw rawh:
Aw Zion, i kut chu inzawitir naw rawh.
17LALPA i Pathien thilthawthei- tak, sandamtu ding chu i sûnga chun a um a;
Nang chu hlimnain lâwm a ti che a, a hmangainaa chun châwl#Hringna thar pêng a ti che”, amanih, “Nangmaa chun a hmangaina chu sukthar a tih” a ta,
Hla sakin nangmaa chun hlim a tih.
18Nangma ta, sie hmanga um tahai, hrilsietna riktaka phurtuhai chu
inkhâwmna ursûntaka dingin kei khâwm ka tih.
19Ngai ta, chu pha chun nangma sukrimsituhai che chu keiin sawisâng ka ta:
A ngîr chu sandam ka ta, hnawt hmanga um chu kei khâwm ka tih;
Hnuoi chung po poa an hmaimâwkna lo um ta chu,
Hming le inpâkna siempêk ka tih.
20Chu pha chun hung la lût kati cheh a, chu pha chun la khâwm ka ti cheu;
In mithmu ngeia in sal intângna ka hung lâk kîr pha chun,
Leihnuoia hnam po polaia chun,
inpâkna le hming ka siempêk ding cheu a ni sih a,” LALPA chun a tih.
Currently Selected:
ZEPHANIA 3: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
