ZEKARIA 5
5
Lekha zuol vuong lai hmu thu
1Chun, ka mithai chu ka hang inlên nâwk a, lekha zuol vuong lai ka hmuh a, ka en zing a. Chun, ama chun ka kuomah, “Ieng am i hmuh a?” a ta.
2Keiin, “Lekha zuol vuong lai ka hmuh a; a dungtieng chu tawng sâwmhni a na, a khangtieng chu tawng sâwm a nih,” tiin ka dawn a.
3Chun, ka kuoma chun, “Hi hi ṭawngsie ram pumpui chunga fe suok hlak chu a nih, tukhawm inru ta- phawt chu phêk khingkhata ziek anga pei thlâk nîng a ta, tukhawm inkhâm taphawt chu phêk khing- tienga ziek anga pei thlâk a ni ding a ni sih a,” a ta.
4Chun, sipaihai LALPA chun, “Infe suoktir ka ta, inru ina chun lût a ta, ka hminga khêla inkhâmtu ina le chun: chuongchun, a in sûnga chun chêng a ta, chun, chutaka a lunghai le a thinghai le chun kâng hmang a tih,” a ta.
Bâwm#Epha sûnga nuhmei chu
5Chun, vântirko a mi betu chu a fe suok a, ka kuomah, “Tuhin i mit hang inlên la, hi a fe suok hi ieng am a na en ta,” a ta.
6Kei chun, “Ieng am a na?” ka ta. Ama chun, “Hi hi bâwm a fe suok chu a nih,” a ta. “Hi hi ram po poa an khawhlona chu a nih,” a ti bawk a.
7Ngai ta, a sînna talent khata rik suon chu hawng a nih a, chun, nuhmei bâwm sûnga ṭhung hi a um a.
8Chun, “Hi hi Khawhlona a nih,” a ta; bâwm sûnga chun a nam lût nâwk a; a bau chu suon riktak chun a sîn nâwk a.
9Chun, ka mithai ka hang inlên a, nuhmei pahni hung suok hi ka hmuh a, ka en zing a, an thlahaia chun thli hi a um a; anni chun vakâwl thlahai ang hi thla an nei a; chun, vân le hnuoi inkâra chun bâwm chu an khai a.
10Chun, vântirko a mi betu kuom- a chun, “Hienghai hin bâwm hi khâw- tieng am an fepui ding a na?” ka ta.
11Ama chun, “Sinar rama a in bâwlpêk dingin, bâwl zo a ni pha chun chutaka chun bâwm chu ama inṭhut- na ngeia chun sie nîng a tih,” a tih a.
Currently Selected:
ZEKARIA 5: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
