INPÂKNA HLABU 2
2
Lalpa hrieknâl rorêlna
1 #
Tt 4.25-26 Hnamhai chu iengdinga an lunginsen a,
Mihai chun iengdinga thil teplo an ngaituo am a na?
2Hnuoia lalhaiin an ep huoi huoi a,
Hotuhai khawm an inrâwn khâwm a,
LALPA le a hrieknâl chunga chun:
3“An khuopnahai hi suktanin,
An hruihruolhai hi ei kuoma inthawkin pei dai ei tiu,” tiin.
4Vâna ṭhungpa chu innui a ta:
LALPA chun anni chu nuisan a tih.
5Chu hnunga chun a lunginsenin an kuomah thu hril a ta,
Lunginsentakin anni chu suklungzîng tâng a tih.
6“Keima ngeiin ka tlâng inthieng Ziona chun,
Ka lal siem chu kân ṭhungtir tah a nih” a tih a.
7 #
Mt 3.17; Tt 13.33; Heb 1.5; 5.5; 2 Pet 1.17 Thuruot chu ka hril ding a nih:
LALPA chun ka kuomah, “Nang chu ka naupa i nih;
Vawisûn hin ka nei che a nih.
8 #
Tp 2.26; 12.8; 19.19 Mi hni rawh, chuongchun, i rohluo dingin hnam tin pêng ka ti cheh a:
Kâwlkil tâwp chenin i ro dingin pe bawk ka ti che.
9Anni chu thîr hmawlin sukkawi i ta,
Bêlhemtu bêl angin anni chu pei nâwi i tih,” a tih a.
10Chuongchun, aw lalhai, var ta unla,
Hnuoia rorêltuhai inchûktirin um ro.
11Ṭi pumin LALPA rawng bâwl unla,
Inthin pumin lâwm ro;
12Naupa chu fâwp ro, chuong naw chun lunginsen a ta, lam kârah bohmang rawi in tih:
A lungsen chu a hung inthawk phut ding a ni sih a.
Amaa an ringna innghattuhai po po chu an hamṭha.
Currently Selected:
INPÂKNA HLABU 2: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
