INPÂKNA HLABU 135
135
Lalpa ropuina le milimhai chu hmanglo an nizie
1LALPA chu inpâk ro,
LALPA hming chu inpâk ro;
Aw nangni LALPA siehlawhai, ama chu inpâk ro;
2LALPA ina ngîr hlak a,
Nangni ei Pathien in inhuonna sûng tuollaia ngîr hlakhai.
3LALPA chu inpâk ro,
LALPA chu a ṭha sih a,
A hming inpâkin hla sak ro, ân hawi sih a.
4LALPA chun Jakobhai hi ama ta dingin a thlang sih a,
Israelhai hi a ro bik dingin a thlang bawk a.
5LALPA chu ropuitak a nih ti le,
Ei LALPA chu pathien po po nêkin a chunghnung a nih, ti ka hriet sih a.
6LALPA chun a nuom taphawt chu a thaw hlak a,
Vânahai, hnuoiahai, tuisuorietahai, tui inthûktak po pohaia khawm.
7Ama chun sûmhai chu kâwlkila inthawkhai chun ân lâwntir hlak a,
Kâwlinlep dâm ruo dingin a siem hlak,
A sum ina inthawkhai chun thli a lâk suok hlak.
8Ama chun Aigupta rama nau lutîrhai chu a sukhlum a,
Mihriem le sahai khawm.
9Aw Aigupta, ama chun inchiknahai le thilmakhai i chungah a hung tir a,
Pharao chung le a siehlawhai po po chunga chun.
10Ama chun hnam tamtak a sukhlum a,
Lal ropuitak takhai a that a.
11Amor mihai lal Sihon le,
Basan ram lal Og le,
Kanaana mi po po chu.
12An ram chu rochan dingin a pêk a,
A mi Israelhai rochan dingin.
13Aw LALPA, i hming chu kumkhawtluongin um a ta,
Aw LALPA, nangma hriet zingna chu suon um sûng po poin um bawk a tih.
14 #
Heb 10.30 LALPA, chun a mihai chu ro a rêlpêkin,
A siehlawhai chungthua chun a lungril ân lêt ding a ni sih a.
15Hnam tin milimhai chu tangka le rângkachak an na,
Mihriem kutsuok an nih.
16Bauhai an nei a, an ṭawng thei si nawh a,
Mithai an nei a, an hmu thei si nawh a;
17Nahai an nei a, an hriet thei si nawh a,
An baua chun thuok hrim hrim a um bawk nawh.
18 #
Sm 115.4-8 Chuong siemtuhai chu chuong ang bawk chun um an ta,
Anih, chuong ringtuhai po chu.
19Aw Israel sûnghai, LALPA chu inpâk ro,
Aw Aron sûnghai, LALPA chu inpâk ro.
20Aw Levi sûnghai, LALPA chu inpâk ro,
LALPA ṭituhai, LALPA chu inpâk ro.
21LALPA chu Ziona inthawka inpâkin um raw se;
Jerusalema um chu.
LALPA chu inpâk ro.
Currently Selected:
INPÂKNA HLABU 135: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
