INPÂKNA HLABU 129
129
Zion hmêlmahai hnêna dinga ṭawngṭâina Kai Hla.
1“Ka naupang chîntea inthawk mihaiin vawi tamtak an mi suklungzîng a,” Israelhaiin ti raw se.
2“Ka naupang chîntea inthawk mihaiin vawi tamtak an mi suklungzîng a,
Nisienlakhawm, an mi hne si nawh.
3Hnuoi inlettuhai chun ka ruongzânga hin hnuoi an inlet a,
An changkuong tlâng thlûrhai chu an suksei hleh a.
4LALPA chu a fel a nih:
Mi rilohai hruihruolhai chu a ât tan tah a,” tiin.
5Anni chu muolpho le intlânsiettirin um raw hai se,
Zion theidatuhai po po chu.
6Ân ṭhang insâng hmaha vuoi el hlak,
In chunga hlobet angin um raw se.
7Chu hlobet chun bu âttuin a kut a suksip ngai nawh a,
Buphal intêltuin a ângsûng a suksip ngai bawk nawh.
8“LALPA malsâwmna in chungah um raw se,
LALPA hmingin mal kan sâwm cheu hi,”
A fe khêltuhaiin an ti ngai bawk nawh.
Currently Selected:
INPÂKNA HLABU 129: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
