INPÂKNA HLABU 127
127
Hlawtlingna chu Lalpaa inthawka hung a nih Kai Hla. Solomon ta.
1LALPAIN in a bâwl naw chun,
A bâwltuhai chu an inrim thlâwn el a nih:
LALPAIN khawpui a vawngṭha naw chun,
A vêngtu chu a meng thlâwn el a nih.
2Zîngkâr in tho va, inhnutakin in châwl a,
Sininrimna bu in fâk hlak hi, in ta dingin a thlâwn el a nih.
Hieng ang hin a mi dittak chu a ininnghiltir hlak a nih.
3 #
Dt 28.4 Ngai ta, nau le têhai hi LALPAA inthawka ei rochan an na,
Rîla ra hi a lâwmman mi pêk a nih.
4Vânglai nauhai chu,
Mi hrât kuta thal umhai ang hi an nih.
5A thal bâwm naua sip nei mi chu lâwmtakin a um hlak a nih:
Kul kawtkhâra an dohai an biek lai khawmin,
Muolpho naw ni hai.
Currently Selected:
INPÂKNA HLABU 127: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
