INPÂKNA HLABU 124
124
Hmêlmaa inthawka sanhimna leia inpâkna Kai Hla. David ta.
1“Eini tienga ṭhang chu LALPA ni naw sien chu,”
Israelhaiin ti raw se.
2“Mihaiin an mi thaw lai khan,
Eini tienga ṭhang chu LALPA ni naw sienla chu;
3Kha lai khan anni chun ei hring pumin mi lem tâng an tih,
Ei chunga an lung a chawk lai khan:
4Kha lai ngei khan tuihai chun mi chîm tlum tâng an ta,
Vadung chun ei hringna hi vurhmang tâng a tih;
5Kha lai ngei khan tui chapo chun ei hringna hi vur hmang tâng a ta,
6Sase anga se dinga an haa mi pe nâwtu,
LALPA chu inpâkin um raw se.
7 #
Tv 6.5 Châng kamtu chânga vate a suok angin ei hringna hi a suok tah a,
Châng chu a se tah a, eini hi ei suok ta hlau a nih.
8Eini mi ṭhangpuina ding chu,
LALPA hnuoi le vân siemtu hmingah a um,” tiin.
Currently Selected:
INPÂKNA HLABU 124: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
