INPÂKNA HLABU 122
122
Jerusalem thlamuongna ding ngênna Kai Hla. David ta.
1 #
Is 2.3; Zek 8.21 “LALPA inah fêng ei tiu,”
Ka kuoma an ti lai khan ka lâwm a.
2Aw Jerusalem, i kul kawtkhâr sûngah,
Kan kehai chu a ngîr ta hi.
3Jerusalem, khawpui indin thar,
Detindo taka rem chu.
4LALPA hming inpâk dingin,
Chutaka chun hnamhai chu an hang fe hlak,
LALPA hnamhai chu,
Israelhai kuoma thuinhriettirna dingin.
5Chutaka chun rorêlna dingin ṭhungphahai daw a ni sih a,
David sûnghai lalṭhungphahai chu.
6Jerusalem thlamuongna ding hnipêk ro,
Nangma ngainatuhai chu thawveng an tih.
7I kul sûnga chun thlamuongna um sienla,
I lal inhaia chun thawvengna um raw se.
8Ka unauhai le ka ruolhai leiin,
“I sûngah thlamuongna um raw se,” tîng ka tih.
9LALPA ei Pathien in lei chun,
I ṭhatna ding zawng ka tih.
Currently Selected:
INPÂKNA HLABU 122: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
