NAMBAR 6
6
Nazarithai ta dinga dân siem
1LALPA chun Mosie a biek a, 2“Israel thlahai kuomah hril la, an kuomah, ‘Pasal amanih, nuhmei amani khawma ieng amanih thutiem bîk, LALPA ta dinga inpêkna Nazarit thutiem ân tiem ding lai chun,
3 #
Lk 1.15 uoin le zû a nghei ding a nih; uoin thûr amanih, zu thûr khawm a dâwn ding a ni nawh.
4Ân suktum sûng po chun grêp hruia mi a laimu khawm, a hâwng khawm a fâk ding a ni nawh.
5Insuktumna thu ân tiem sûng po chun a lu khawm vâw dêr lo ding a nih. LALPA ta dinga insuktum ni a kim hmakhat chun suktum nîng a ta, a sam khawm a hla ding a nih.
6LALPA ta dinga ân suktum sûng po chun mithi ruong khawm a hnai ding a ni nawh.
7A pa hai, a nu hai, a unaupa hai, a farnu hai amanih thi thua khawm ân sukpawrche ding a ni nawh. Pathien ta dinga ân suktumna chun a khuop leiin.
8“Ân suktum sûng po chun LALPA ta dinga inthieng a nih.
9A kâwlah mi hung thi ta thutin, ân suktumna lu chu lo sukpawrche ta ang sienla, a inthien ni, a ni sari ni chun a lu chu a vaw ding a nih.
10Chun, ni riet ni chun intuokna puon in kawtkhârah thiempu kuom- ah vaṭhu tuok khat amanih, pârvate tuok khat amanih a hung chawi ding a nih.
11Thiempu chun pakhat chu suol thâwina dingin inhlân a ta, pakhat chu pumrawhmang thilinhlânah, mithi leia a suksuolnaa chun inrem- na siempêk a tih; chun, chu ni vêk chun a lu chu a sukthieng ding a nih.
12Thiemnaw thâwina dingin be- râmte a chal kum khat mi hung chawiin ân suktumna nihai chu LALPA kuomah thaw ṭha nâwk a tih; ân suktumna chu sukpawrche a ni tâk leiin a hmaa mi kha iengkhawm a ni ta si nawh a.
13 #
Tt 21.24,26 Hi hi Nazarit mi, ân suktum ni bîk a kim phaa thaw dân ding chu a nih; intuokna puon in kawtkhâra chun ṭhuoi nîng a ta.
14Chun, LALPA ta dinga thilin- hlân dingin berâmchal kum khat mi demkailo pumrawhmang thilinhlâna dingin pakhat, suol inthâwina dingin berâmte, a la, kum khat mi demkailo pakhat,
15inremna thilinhlân dingin berâmchal demkailo pakhat, chawl ṭhanglo bei le beiphit inditak hrieka hmeta siem beihlawm le hrieka chûl beiphêk inphân bâwm khat, an fâkmi thilinhlân ding le dâwnmi thilin- hlânhai leh an inhlân ding a nih.
16Thiempu chun chuong chu LALPA hmaa chun inhlân a ta, a suol thâwina le pumrawhmang thilinhlân chu inhlân a tih.
17Berâmchal chu bâwma chawl ṭhanglo bei le chun inremna in- thâwina thilinhlân dingin LALPA kuoma chun inhlân a tih. Thiempu chun fâkmi thilinhlân le dâwnmi thilinhlân khawm chu inhlân sa bawk a tih.
18Nazarit mi chun intuokna puon in kawtkhâra chun ân suktumna lu chu vâwng a ta, insuktumna sam chu lâng a ta, inremna inthâwi thilinhlân hnuoia meia chun a raw ding a nih.
19Chun, thiempu chun berâmchal dâr suong hmin le bâwma chawl ṭhanglo bei pakhat le chawl ṭhanglo beiphêk inphân pakhat lâng a ta. Nazarit mi chun ân suktumna lu chu a vâw zo chun inchawitir a tih; chun, thiempu chun thêna thilinhlân dingin LALPA hmaa chun a thên ding a nih.
20Hi hi thiempu chanpuol in- thieng chu nîng a ta, a thêna thên ir le a mal leh; chu zoa chun Nazarit chun uoin chu dâwn thei tâng a tih.
21Hi hi a nih Nazarit thutiem dân le LALPA hmaa an thilinhlân dân chu, ama nuomthua a înhlân tiem loin, ân suktumna thutiem izir peiin a thaw ding a nih,’ ti rawh,” tiin.
Thiempu malsâwm ṭawngṭaina
22LALPA chun Mosie a biek a,
23“Aron le a naupasalhai kuomah, ‘Hieng ang hin Israel thlahai chu mal in sâwm ding a nih, an kuomah,
24LALPAIN malsâwm cheuin,vêng pei raw se cheu;
25LALPA chun a hmêl in chungah invartir sienla,
lunginsiet pei raw se cheu;
26LALPA chu nangni tieng hung ngha sienla,
lungmuongna pe raw se cheu, ti ro,’
tiin hril rawh.
27Chuongchun, Israel thlahai chunga chun ka hming chu inchuong- tir nîng a ta, chun, keiin anni chu malsâwm ka tih,” tiin.
Currently Selected:
NAMBAR 6: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
