NAMBAR 29
29
1 #
Ex 23.16; 34.22; Lev 23.23-25 “Thla sarina, a ni khat ni chun inkhâwmpui inthieng nei in ta; ieng sin khawm in thaw ding a ni nawh; in ta dinga tawtawrâwt mût ni a ni ding a nih;
2LALPA ta dinga riminhnika pumrawhmang thilinhlân inhlân in ta; bâwngchal tuoi pakhat, berâm- chal pakhat, berâmte a chal kum khat mi demkailo pasari,
3an beiphit thilinhlân, beiphit indi mi hrieka chawkpawl, bâwngchal pakhatah epha hmun sâwma ṭhea hmun thum, berâmchal pakhatah hmun sâwma ṭhea hmun hni,
4berâmte pasariah hmun sâwma ṭhea hmun khat seng;
5in ta dinga inremna siemna dingin suol thâwina kêlchal pakhat leh,
6thla thar pumrawhmang thilin- hlân le chutaka beiphit thilinhlân dâm, dâwnmi thilinhlân dâm, an thaw dân pângngai LALPA ta dinga riminhnik dinga meia thilinhlân dâm bâkah.
7 #
Lev 16.29-34; 23.26-32 “Hi thla sarina, ni sâwm ni hin inkhâwmpui inthieng nei in ta, in lungril sukrinum in ta, ieng sin khawm in thaw ding a ni nawh.
8LALPA ta dinga thilinhlân riminhnik ruok chu in inhlân ding a nih; bâwngchal pakhat, berâmchal pakhat, berâmte a chal kum khat mi pasari, demkailo an ni ngei ding a nih;
9an beiphit thilinhlân, beiphit indi mi hrieka chawkpawl, bâwngchal pakhatah epha hmun sâwma ṭhea hmun thum, berâmchal pakhatah hmun sâwma ṭhea hmun hni,
10berâmte pasariah hmun sâwma ṭhea hmun khat seng:
11suol thâwina dingin kêlchal pakhat leh; inremna dinga suol thâwina dâm, pumrawhmang thilin- hlân inhlân zing dâm, chutaka beiphit thilinhlân le an dâwnmi thilinhlânhai bâkah.
12 #
Lev 23.33-35 “Thla sarina ni sâwmpanga niin inkhâwmpui inthieng nei in ta; ieng sin khawm in thaw ding a ni nawh; LALPA ta dingin ni sari ruoi in ṭhe ding a nih;
13chun, LALPA ta dinga rimin- hnika meia thilinhlân, pumraw- hmang thilinhlân in inhlân ding a nih, bâwngchal tuoi sâwmpathum, berâmchal pahni, berâmte a chal kum khat mi sâwmpali; demkailo an ni ngei ding a nih;
14an beiphit thilinhlân hrieka chawkpawl, bâwngchal sâwmpathum, bâwngchal pakhatah epha hmun sâwma ṭhea hmun thum, berâmchal pahni, berâmchal pakhatah hmun sâwma ṭhea hmun hni;
15berâmte sâwmpali, berâmte pakhatah hmun sâwma ṭhea hmun khat;
16suol thâwina dingin kêlchal pakhat leh; pumrawhmang thilin- hlân inhlân hrim, chutaka beiphit thilinhlân dâm, dâwnmi thilinhlân dâm bâkah.
17“A ni hni niin bâwngchal tuoi sâwmpahni, berâmchal pahni, be- râmte a chal kum khat mi demkailo sâwmpali in inhlân ding a nih;
18an beiphit thilinhlân le dâwnmi thilinhlân, a dân ang takin an tam dân ang peiin bâwngchal ta ding dâm, berâmchal ta ding dâm, berâmte ta ding dâm;
19suol thâwina dingin kêlchal pakhat leh pumrawhmang thilinhlân inhlân zing dâm, chutaka beiphit thilinhlân dâm, dâwnmi thilinhlân dâm bâkah.
20“A ni thum ni chun bâwngchal sâwmpakhat, berâmchal pahni, berâmte a chal kum khat mi demkailo sâwmpali;
21an beiphit thilhlân le dâwnmi thilinhlân an dân ang takin an tam ang peiin bâwngchal ta ding dâmin;
22suol thâwina dingin kêlchal pakhat leh; pumrawhmang thilin- hlân inhlân zing le chutaka beiphit thilinhlân le chutaka dâwnmi thilinhlân bâkah.
23“A ni li ni chun bâwngchal sâwm, berâmchal pahni, berâmte a chal kum khat mi demkailo sâwm- pali;
24an beiphit thilinhlân le dâwnmi thilinhlân a dân ang takin an tam ang peiin bâwngchal ta ding dâmin, berâmte ta ding dâmin;
25suol thâwina dingin kêlchal pa- khat leh; pumrawhmang thilinhlân zing dâm, chutaka beiphit thilinhlân le dâwnmi thilinhlân dâm bâkah.
26“A ni nga ni chun bâwngchal pakuo, berâmchal pahni, berâmte a chal kum khat mi demkailo sâwm- pali;
27an beiphit thilinhlân le dâwnmi thilinhlân, a dan ang takin an tam ang peiin bâwngchal ta ding dâmin, berâmchal ta ding dâmin, berâmte ta ding dâmin;
28suol thâwina ding kêlchal pakhat leh; pumrawhmang thilin- hlân inhlân zing dâm, chutaka beiphit thilinhlân dâm, chutaka dâwnmi thilinhlân dâm bâkah.
29“A ni ruk ni chun bâwngchal pariet, berâmchal pahni, berâmte a chal kum khat mi demkailo sâwm- pali;
30an beiphit thilinhlân le dâwnmi thilinhlân, a dân ang takin an tam ang peiin bâwngchal ta ding dâmin, berâmchal ta ding dâmin, berâmte ta ding dâmin;
31suol thâwina dingin kêlchal pakhat leh; pumrawhmang thilin- hlân zing dâm, chutaka beiphit thilinhlân dâm, chutaka dâwnmi thilinhlân dâm bâkah.
32“Chun, ni sari ni chun bâwngchal pasari, berâmchal pahni, berâmte a chal kum khat mi demkailo sâwmpali;
33an beiphit thilinhlân le dâwnmi thilinhlân, a dân ang takin an tam ang peiin, bâwngchal ta ding dâmin, berâmchal ta ding dâmin, berâmte ta ding dâmin;
34suol thâwina dingin kêlchal pakhat leh; pumrawhmang thilin- hlân zing dâm, chutaka beiphit thilinhlân le chutaka dâwnmi thilin- hlân dâm bâkah.
35 #
Lev 23.36 “A ni riet ni chun inkhâwmpui ropuitak nei in ta; ieng sin khawm in thaw ding a ni nawh;
36LALPA ta dinga riminhnik dinga mei thilinhlân pumrawhmang thilinhlân ruok chu in inhlân ding a nih; bâwngchal pakhat, berâmchal pakhat, berâmte a chal kum khat mi demkailo pasari;
37an beiphit thilinhlân le an dâwnmi thilinhlân, bâwngchal ta ding dâmin, berâmchal ta ding dâmin, berâmte ta ding dâmin, a dân ang takin an tam ang peiin;
38suol thâwina dingin kêlchal pakhat leh; pumrawhmang thilin- hlân inhlân zing dâm, chutaka beiphit thilinhlân le chutaka dâwnmi thilinhlân dâm bâkah.
39In thutiem dâm, nuomthua thilinhlân dâm, in pumrawhmang thilinhlân dâm, in beiphit thilinhlân dâm, in dâwnmi thilinhlân dâm, in inremna thilinhlân dâm bâka chun hieng hi in hunbi ruoiṭhe nei niin LALPA kuomah in inhlân ding a nih,’ ti rawh,” tiin.
40LALPAIN Mosie thu a pêk po po chu Israel thlahai chu Mosie chun a hril tah a.
Currently Selected:
NAMBAR 29: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
