NAMBAR 17
17
Aron hmawl
1LALPA chun Mosie a biek a, 2“Israel thlahai hril la, an sûngkuo tin puolah hmawl pakhat pei, an sûngkuo izir peia an ṭhuoi- tuhai po po zât hmawl sâwm le pahni la la, chun, an hmawla chun an hming seng ziek rawh.
3Levi hmawla chun Aron hming ziek la, an sûngkuo tina dingin hmawl pakhat pei a ni ding a nih.
4Chun, ei inbiekna, intuokna puon in, thu inhriettirna hmaa chun i sie ding a nih.
5Chun, ka mi thlang ding hmawl chu hung inder a ta, chuongchun, Israel thlahai chierna, i chunga an chierna hi ka sukre ding a nih,” tiin.
6Chuongchun, Mosie chun Israel thlahai chu a biek a, an ṭhuoituhai po po chun an sûngkuo tin puolah ṭhuoi- tu tinin hmawl pakhat pei, hmawl sâwm pahni an pêk a; Aron hmawl khawm chu an hmawlhai lai chun a ṭhang ve a.
7Mosie chun thu inhriettirna puon ina chun LALPA hmaah hmawlhai chu a sieh a.
8A zînga chun Mosie chu thu inhriettirna puon ina chun a va feh a; ngai ta, Levi sûngkuo puola Aron hmawl lo inder chu a hmuh a, a pâr a, almondin a ra a.
9Mosie chun LALPA hmaa in- thawka hmawl po po chu Israelhai kuoma chun a lâk suok a, an lo en a, anni hmawl seng chu an lâk a.
10Chun, LALPAIN Mosie kuom- ah, “Helhmang nauhai an nih ti inhriettirna dingin Aron hmawl chu thu inhriettirna bula chun sie nâwk rawh; chuongchun, ka chunga an helna hi sukrepêk thei i tih, an thi nawna dingin,” a ta.
11Chuong ang chun Mosie chun a thawh a, LALPAIN thu a pêk ang chun a thawh a.
12Chun, Israel thlahai chun Mosie kuomah, “Ngai ta, kan bohmang a ni annâwm, kan se zo tah, kan se zo vawng tah annâwm.
13LALPA biekbûk hung hnai ta- phawt chu an thi pei a; kan bohmang vawng el ding nîng a ti maw?” an tih a.
Currently Selected:
NAMBAR 17: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
