NAMBAR 12
12
Miriam le Aronin Mosie an hrilsiet
1Miriam le Aron chun Mosien Kus mi nuhmeia a nei leiin an hrilsiet a; Kus mi chu a nei ngei sih a.
2Anni chun, “Mosie kuoma chau hin am a nih LALPAIN thu a hril bîk? Keini kâwla khawm hin a hril naw am a nih?” an tih a. Chu chu LAL- PAIN a lo hriet a.
3Mosie chu hnuoi chunga mihriem po poa zainêm tak a na.
4Chun, Mosie le Aron le Miriam kuomah LALPAIN, “In pathumin hung suok unla, intuokna puon inah hung ro,” a ti ta thut el a. Chuong- chun, an pathum chun an va feh a.
5Puon in kawtkhârah a lo ngir a, Aron le Miriam chu a ko a, an pahni chun an hung suok a.
6Ama chun, “Ka thu hi ngai ro, nangni lai hin zâwlnei in um chun ama chu kei LALPA hi inlârnain inhriettir ka ta, mang tieng bieng ka tih.
7 #
Heb 3.2,5,6 Ka siehlaw Mosie hi chu chuong ang chu a ni nawh; ka sûngkuo thu po poa chun ring a um a nih;
8 #
Ex 33.11; Dt 34.10 ama le chun chu thurûk um loin bauin tlangtakin inbieng kan ta; LALPA hmêl khawm hmûng a tih. Chuleiin, ka siehlaw Mosie hi iengtiziea hrilse ngam am in ni leh?” a lo tih a.
9Chuongchun, LALPA lung chu an chungah a chawk a, a fe nâwk tah a.
10Puon in chunga sûm chu ân kieng tah a; chun, ngai ta, Miriam chu vûr ang ela vârin a hung inphâr tah a; Aron chun Miriam chu a hei en a, inphâr a lo ni ta zing el ti a hmuh a.
11Chuongchun, Aron chun Mosie kuomah, “Aw pu, kan chungah suol innghat lul naw raw khai, invêttakin kan lo thawh a, kan lo suol tah a nih.
12Mi a nu sula inthawka a hung suok tîra thi sa deuthaw angin Miriam chu um lul naw raw se,” a ta.
13Chuongchun, Mosie chun, “Aw Pathien, sukdam nâwk ta khai,” tiin LALPA chu a ko a.
14Chun, LALPAIN Mosie kuom- ah, “A pain a hmaia chil a sâk ngawt khawma ni sari chu ân zak naw ding am a nih? Riebûk puoah ni sari khum hmang ni sienla, chu zoa chun ṭhuoi lût nâwk ni raw se,” a tih a.
15Chuongchun, Miriam chu rie- bûk puoah ni sari an khum hmang a. Miriam chu an ṭhuoi lût hma khat chun mipuihai chu an intâwl sawn nawh a.
16Chu zoa chun mipuihai chu Hazerotha inthawk chu an suok a, Paran thlalêrah umhmun an khuor a.
Currently Selected:
NAMBAR 12: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
