NAMBAR 10
10
Tangkaruo tawtawrâwthai
1 #
Sm 81.3; Joel 1.14 LALPA chun Mosie a biek a, 2“Tangkaruo tawtawrâwt pa- hni siem la, a suta sutin siem rawh; mipuihai ko khâwmna ding le insuoktirna dingin i hmang ding a nih.
3 #
Joel 2.15; Is 35.1-4 Chu chu an mût pha chun mipui po po chu i kuomah intuokna puon in kawtkhâr bulah an hung inkhâwm vawng ding a nih.
4Chun, pakhat chau an mût chun Israel mipuihai hotu ṭhuoituhai chau i kuomah hung khâwm an tih.
5Râlkhêl mûta in mût chun sak- tieng panga umhai chu an suok ding a nih.
6Chun, râlkhêl mûta a vawihni- naa in mût chun simtieng panga umhai chu an suok ding a nih; an suokna dingin râlkhêl mûtin an mût ding a nih.
7Amiruokchu, mipuihai hung khâwmna ding ruok chun mût phawt in ta, râlkhêl mût ruok chun mût loin.
8Aron naupasal thiempuhai chun tawtawrâwt chu an mût ding a nih. Chu chu in ta dingin in thlahai chenah in kumkhaw dân ding a nih.
9In rama hmêlma hnuoisietu cheu do dinga in fe ding phâ râlkhêl mûtin tawtawrâwthai chu in mût ding a nih; chuongchun, LALPA in Pathien hmaa chun hriet zing nîng in tih, chun, in hmêlmahaia inthawk chun sanhim ni bawk in tih.
10In hlimna nia dâm, in Fekân ruoiṭhe hunbi neia dâm, in thla thara dâm le, in pumrawhmang thilinhlâna le in inremna thilinhlân inthâwina- haia chun tawtawrâwt chu in mût ding a nih; chuongchun, in Pathien hmaa in ta dinga hriet zingna a ni ding a nih; kei hi LALPA in Pathien ka ni hi,” tiin.
Israelhai Sinai tlânga inthawka an suok nâwk
11Chun, kum hnina, thla hnina, chu thla ni sâwmhni ni chun sûm chu inhriettirna biekbûk chunga inthawk chun a lo invawr sâng tah a.
12Chuongchun, Israel thlahai chu an fe dân bi ang chun Sinai thlalêra inthawk chun an suoka, Chun, Paran thlalêra chun sûm chu a ngîr tah a.
13Mosie hmanga LALPA thupêk angin an suok ṭan tah a.
14Juda pâwlhai an pâwl tam dân izir peiin an suok a; an hotu chu Amminadab naupa Nason a nih.
15Issakar rawi hotu chu Zuar naupa Nethanel a nih.
16Zebulun rawi hotu chu Helon naupa Eliab a nih.
17Chun, biekbûk chu an ṭhiek a, Gerson naupasalhai le Merari naupa- sal, biekbûk zâwntuhai chu an suok a.
18Reuben rawi chu an pâwl tam dân ang peiin an suok a; an hotu chu Sedeur naupa Elizur a nih.
19Simeon rawi hotu chu Zurisad- dai naupa Selumiel a nih.
20Gad rawi hotu chu Deuel naupa Eliasaph a nih.
21Chun, Kohath rawi chun thil inthieng chu an zâwn a, an suok a; chun, an va tlung chun biekbûk chu indin zo hieu a lo ni tah a.
22Ephraimhai chu an pâwl tam dân ang peiin an suok a; an hotu chu Ammihud naupa Elisama a nih;
23Manassehai hotu chu Pedahzur naupa Gamaliel a nih;
24Benjaminhai hotu chu Gideoni naupa Abidan a nih.
25Chun, a nuhnungtaka chun Dan hai chu an pâwl tam dân ang peiin an suok a, an hotu chu Ammisaddai naupa Ahiezer a nih.
26Aserhai hotu chu Okran naupa Pagiel a nih.
27Naphtalihai hotu chu Enan naupa Ahira a nih.
28Chuong ang chu a nih Israel thlahai an pâwl tam dân ang peia an fe dân chu; chuong ang tak chun an suok tah a.
29Chun, Mosie tarpupa Midian mi Reuel naupa Hobab kuomah Mosie chun, “Pêng ka ti cheu, LALPAIN a tina hmuna chun ei fe ding a nih; keini lai hung ve la ṭhatakin i chungah thâwng kan ta, LALPA chun Israel thlahai chungchâng thu chu ṭhatakin a hril ta sih a,” a ta.
30Ama chun a kuomah, “Hung da el ka tih, keini ramah ka laibunghai kuomah fe lem ka tih,” a ta.
31Mosie chun, “Mi fesan lul naw raw khai, thlalêra umhmun kan khuorna ding chu i hriet lem sih a, kan ta dingin mit i hung ni ding a nih.
32Keini leh i fe ve chun, LALPAIN thil ṭha a mi thawpêk ang peiin thawpêk vêng kan ti che,” a ta.
33Chuongchun, LALPA tlânga inthawka ni thum lamah an feh a; LALPA Thuthlungna bâwm chu an ta dinga innghatna hmun remchâng zawngin chu ni thum lama chun a fe hmasa pei a.
34An bûka inthawka an suok chun LALPA sûm an hmaa chu sûna chun an chungah a um pei a.
35 #
Sm 68.1-2 Chun, bâwm chu a suok ding po leh Mosien, “Aw LALPA, hung inthawk la, i hmêlmahai chu sukdar la, a theidatu che chu i hmaah tlânse raw se,” a ti hlak a.
36Chun, ân nghat po leh, “Aw LALPA, Israel mipuihai lai hin hung kîr nâwk rawh,” a ti hlak a.
Currently Selected:
NAMBAR 10: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
