LEVI DÂN 9
9
Aronin inthâwina a inhlânhai
1A ni riet ni chun Mosie chun Aron le a naupasalhai le Israel upahai chu a ko a;
2Aron kuoma chun, “Suol in- thâwina dingin bâwngte a chal, le pumrawhmang thilinhlân dingin berâmchal demkailo ve ve kei la, LALPA hmaa chun inhlân rawh.
3Chun, Israel thlahai kuoma chun, ‘Suol inthâwina dingin kêlchal, pumrawhmang thilinhlân dingin bâwngte le berâmte kum khat mi ve ve demkailo ṭhieu,
4le bâwngchal le berâmchal LALPA hmaa inremna thilinhlân dinga inhlân dingin hung kei unla; hrieka hmet fâkmi thilinhlân leh, vawisûn hin in kuomah LALPA a hung inlang ding a nih,’ tiin hril rawh,” a ta.
5Chun, Mosien thu a pêk ang chun intuokna puon in tuola chun an hung kei a; chun, mi po po chun an va hnai a, LALPA hmaa chun an va ngîr a.
6Mosie chun, “Hi hi a nih, in thaw dinga LALPAIN thu a pêk cheu kha; chuongchun, LALPA ropuina chu nangni lai hung inlang a tih,” a ta.
7Chun, Mosie chun Aron kuomah, “Mâichâm kha hung hnai la, i suol inthâwina dâm, i pumrawhmang thilinhlân dâm inhlân la; nangma ta ding le mipuihai ta dingin intlanna siem rawh; chun, mipuihai thilinhlân chu inhlân la, intlanna siempêk rawh, LALPAIN thu a pêk ta angin,” a tih a.
8Chun, Aron chun mâichâm chu a va hnai a, ama puola suol inthâwina bâwgte chu a that a.
9Aron naupasalhai chun thisen chu a kuoma chun an inhlân a, thisena chun a kutpâr chu ân chieh a, mâichâm kihaia chun a nâl a; thisen chu mâichâm bula chun a bunthlâk a;
10suol inthâwina thâu dâm, a kal dâm, a thin tuomtu duorda dâm chu mâichâm chunga chun a rawh a, LALPAIN Mosie thu a pêk ang khan.
11A sa le a vun chu riebûk puoah a rawh a.
12Chun, pumrawhmang thilin- hlân chu a that a, Aron naupasalhai chun thisen chu ama an pêk a, ama chun mâichâm chu a the huol a.
13Pumrawhmang thilinhlân sa tlin chu a tum tumin a lu leh an pêk a, ama chun mâichâma chun a lo rawh a.
14A sûnghai le a kehai chu a sâwp a, mâichâm chunga chun pumraw- hmang thilinhlân leh a rawh a.
15Chun, mipuihai thilinhlân chu ân hlân a; mipuihai ta dinga suol inthâwina kêl chu a kei a, a that a, a hmaa mi ang bawk khan suol inthâwina ding chun ân hlân a.
16Chun, pumrawhmang thilin- hlân chu ân hlân a, a dân ang peiin ân hlân a nih.
17Chun, fâkmi thilinhlân chu ân hlân a, chutaka mi chu a vei khatin a lâk a, zingkâr pumrawhmang thilin- hlân ti naw khawm chu mâichâma chun a raw bawk a.
18 #
Lev 3.1-11 Mipui puola inremna inthâwina thilinhlân bâwngchal le berâmchal chu a that bawk a; Aron naupasalhai chun a thisen chu an pêk a, mâichâm chu a the huol a.
19Bâwngchal thâu le berâmchal thâu dam, a mei thâu tak dâm, a rîlbawtu dâm, a kal dâm, a thin tuom- tu duorda dâm chu an pêk bawk a.
20A thâu chu a ir chunga chun an sieh a; ama chun a thâu chu mâi- châma chun a lo rawh a.
21A ir le a mal changtieng ruok chu Aron chun LALPA hmaa thêna thilinhlân dingin a thên a, Mosie thupêk angin.
22Chun, Aron chun mipui tieng a bân a phar a, mal a sâwm tâwl a; suol inthâwina le pumrawhmang thilin- hlân le inremna thilinhlân ân hlân zo chun a hung ṭum a.
23Chun, Mosie le Aron chu in- tuokna puon ina chun an va lût a; an hung suok nâwk a, mipuihai chu mal an sâwm a; chun, LALPA ropuina chu mi po po chunga chun a hung inlang tah a.
24LALPA hmaa inthawk chun mei a hung suok a, pumrawhmang thilinhlân le a thâuhai chu mâichâma chun a kâng hmang tah a; chu chu mipui po poin an hmu chun an khêk dur dur a, an bawkkhup ta ṭhuop a.
Currently Selected:
LEVI DÂN 9: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
