LEVI DÂN 5
5
1“Tukhawm a thil hmua manih, a thil hrieta manih hretu a nih a, inkhâmtirtu rawl a hriet khawma hril nuom lotu chun, a hril nuom nawna suola a rîtlona maw chu phur a tih.
2Tukhawma thil thiengnaw hrim hrim, ramsa thiengnaw ruong ama- nih, invâka invâk chi ran inthieng- naw ruong amanih hre lo khawmin lo themin hung pawrche ta sienla, thiemnaw chang a tih.
3Mihriem inthiengnawna ieng ang khawm, a thiengnawna hre loa a them pal khawmin, a hriet suok pha chun thiemnaw chang a tih.
4Tukhawma thil ṭha naw amanih, thil ṭha amanih thaw dinga, ieng dâwn loa ṭawng ân khâm zung zung chun, a hriet suok huna chun, ân khâm zung zungna ṭawngbau a ieng ienga khawm chun thiemnaw chang a tih.
5Hieng thil pakhata khawm hin thiemnaw a chang pha chun a suolna chu inphuong a ta;
6a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol in- thâwinaa hmang dingin LALPA kuomah hung chawi a ta; thiempu chun a suol leia intlanna siempêk a tih.
7“A neiin berâmte chu a tlin naw ruok chun, LALPA kuoma inhlân dingin, a suol thaw ta leia bawsietna inthâwina dingin; vaṭhu pahni ama- nih, pârvate pahni amanih a hung chawi ding a nih; pakhat chu suol inthâwina dingin, pakhat chu pumrawhmang thilinhlân dingin.
8Thiempu kuoma chun hung chawi a ta; ama chun suol inthâwina ding chu inhlân hmasâng a ta, khawi loin a lu chu a rîngah her bawng a ta;
9suol inthâwina thisen chu mâichâm panga chun tlâwmte thêng a ta; thisen la um po chu mâichâm bula chun infar kangtir ding a nih; chu chu suol inthâwina a nih.
10A pakhat nâwk chu dân angin pumrawhmang thilinhlân dingin inhlân a ta, thiempu chun a thil suksuol ta chungchânga chun intlan- na siempêk a ta, ngaidam nîng a tih.
11Amiruokchu, a neiin vaṭhu pahni amanih, pârva te pahni amani khawm a tlin naw chun, a suol mana dingin a thilinhlânah suol inthâwina beiphit inditak epha hmun sâwma ṭhea hmun khat hung chawi a ta; hriek a nâl ding a ni nawh a, a chungah beraw khawm a sie ding a ni nawh, suol inthâwina a ni leiin.
12Thiempu kuoma chun hung chawi a ta, thiempu chun hriet zingna puola dingin a vei khat lâng a ta, mâichâm chungah LALPA kuoma mei hmanga thilinhlân angin a raw ding a nih; chu chu suol inthâwina a nih.
13Chun, chuong thilhai a ieng ieng khawm a lo suksuol ta chung- chângah intlanna siempêk a ta, ngaidam nîng a tih; a la um po chu fâkmi thilinhlân ang bawkin thiempu chanpuol ding nîng a tih,’ ti rawh,” tiin.
Bâwsiet Inthâwina
14LALPA chun Mosie a biek a,
15“Tukhawmin thil a suksuol a, LALPA thil inthienghai chunga a suol pal chun, a bawsiet inthâwina dingin, a ruol laia mi berâmchal demkailo, hmun inthieng shekel anga tangka shekel iemani zât hua ngai chu, LALPA kuomah a hung kei ding a nih; chu chu bawsiet inthâwina a nih.
16Thil inthieng chunga a lo sukdik nawna chu thung a ta, a hmun ngaa ṭheha hmun khat bel a ta, thiempu chu a pêk ding a nih; chun, thiempu chun bawsiet inthâwina berâmchal chun intlanna siempêk a ta, ngaidam nîng a tih.
17“Tukhawmin LALPAIN thu a pêkhai a ieng khawm thawa thil a suksuol chun, hre naw sienla khawm thiemnaw chang hrim hrim a tih; a rîtlona maw chu phur a tih.
18Berâm ruol laia mi berâmchal demkailo, i ngaia âwmtâwk, bawsiet inthâwina ding chun thiempu kuom- ah a hung kei ding a nih; chun, thiempu chun, hre loa a thaw pal chungchânga chun intlanna siempêk a ta, ngaidam nîng a tih.
19Chu chu bawsiet inthâwina a nih, LALPA hmaa thiemnaw chang a ni ngei a nih,” tiin.
Currently Selected:
LEVI DÂN 5: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
