LEVI DÂN 24
24
Khâwnvar enkawl dân
(Ex 27.20-21)
1 #
Ex 27.20-21 LALPA chun Mosie a biek a, 2“Israel thlahai chu oliv hriek inthiengtak, sit dinga sâwr, khâwn- var sukchawk zingna dinga i kuoma hung la dingin thu pe rawh.
3Intuokna puon ina thuinhriettir- na puonzâr puotienga chun, zân- tienga inthawka zingkâr chena dingin, LALPA hmaah Aron chun sie fel raw se; hi hi in thlahai chena kumkhaw dân ding a nih.
4LALPA hmaah khâwnvar siena inthiengtak chunga chun khâwnvar- hai chu sie fel hlak raw se.
Inentirna bei chu
5 #
Ex 25.30; 39.36; 40.23; Mt 12.4; Mk 2.26; Lk 6.4 “Chun, beiphit indi mi la la, chu chu bei sâwmpahnia siemin ur la, bei pakhat chu epha hmun sâwma ṭheha hmun hni peia siem ding a nih.
6LALPA hmaa dawkân inthieng chunga chun tlar hniin, tlar khata paruk ve vein în tlar ding a nih.
7A tlar hnia chun beraw inthieng- tak i sie ve ve ding a nih, chu chu bei le chun hriet zingna, LALPA kuoma mei hmanga thilinhlân ang a hung ni theina dingin.
8Châwlni taphawtah LALPA hmaah Aron chun a sie fel hlak ding a nih, kumkhaw thuthlungna, Israel thlahai ta ding a nih.
9Chun, Aron le a naupasalhai chanpuol nîng a ta, hmun inthiengah an fâk ding a nih; kumkhaw dâna LALPA kuoma mei hmanga thilin- hlânhai laia mi, a chanpuol inthieng tak a ni sih a,” tiin.
Pathien hrilsietna hremna dân
10Israel nuhmei naupa, a pa chu Aigupta mi, pakhat chu Israel thlahai lai a va feh a; chu Israel nuhmei naupa le Israel mi pakhat riebûka chun an insuol a;
11Israel nuhmei naupa chun ṭawngsie inphurin Pathien hming a hrilsiet a; chuongchun, ama chu Mosie kuomah an hung ṭhuoi a. A nu hming chu Selomith a na. Dan chi Dibri naunu a nih.
12LALPA baua thu suok nghâkna dingin intângna inah an khum a.
13Chun, LALPA chun Mosie a biek a,
14“Ṭawngsiea inkhâmtu chu rie- bûk puoah ṭhuoi unla, a hretuhai po po chun a luah an kut innghat hai sienla, mi po po chun lungin dêng raw hai se.
15Chun, Israel thlahai chu hril la, an kuomah, ‘Tukhawm a Pathien ṭawngsie inphur taphawt chun a suol maw chu phur a tih.
16Chun, LALPA hming hrilsetu taphawt chu sukhlum ngei ding a nih; mi po poin lungin dêng an ta; LALPA hming an hrilsiet chun ram dang mi khawm, a ram mi khawm sukhlum ding an nih.
17Tuolthattu chu sukhlum ngei ding a nih.
18Ran thattu taphawt chun a thung ding a nih, hringna aiah hringna.
19 #
Ex 21.23-25; Dt 19.21; Mt 5.38 Miin a tuolbâwm a sukhmêlhem chun, a thaw angtak chun a chungah thaw ve ding a nih; ru tliek aiah ru tliek, mit aiah mit, ha aiah ha;
20mi a sukhmêlhem angin ama chunga khawm thaw ve ding a nih.
21Ran sukhlumtu chun a thung ding a nih; mi sukhlumtu chu suk- hlum ve ding a nih.
22 #
Ex 12.49; Nam 9.14; 15.5,16,29 Ram dang mihai le a ram mihai ta dingin dân hmunkhat in nei ding a nih; kei hi LALPA in Pathien chu ka ni sih a,’ ti rawh,” tiin.
23Chuongchun, Mosie chun Israel thlahai chu a biek a; ṭawngsiea inkhâmtu chu riebûk puoah an ṭhuoi suok a, lungin an dêng a. Israel thla- hai chun LALPAIN Mosie thu a pêk ang chun an thaw tah a.
Currently Selected:
LEVI DÂN 24: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
