JEREMIA 28
28
Hanania hrillâwkna indik naw
1Chun, Juda ram lal Zedekia rorêl ṭantir, a kum lina, a thla ngana, chu kum ma chun zâwlnei Azzur naupa Hanania, Gibeon mi chun, mipuihai po po le thiempuhai hmaihmaah, LALPA ina chun ka kuomah hieng hin thu a hril a,
2“Israel Pathien sipaihai LALPA chun hienghin a tih: Babulon lal rîngkawl chu ka sukthliek tah a.
3Kum hni pumhlûm sûngin LALPA ina bûr le bêlhai po po Babulon lal Nebukadnezzarin hi hmuna inthawka a lâk a, Babulona a phurhai kha hi hmuna hin hung la kîr nâwk vawng ka ta;
4hi hmuna hin Juda ram lal Jehoiakim naupa Jekonia le Juda sal intânghai po po Babulona fe tahai chu hung ṭhuoi kîr nâwk ka ta; LALPA chun a tih; Babulon lal rîngkawl chu ka sukthliek ding a ni sih a,” tiin.
5Chun, thiempuhai, mipui po po LALPA ina ngîrhai kuoma chun zâwlnei Jeremia chun zâwlnei Hanania kuomah,
6zâwlnei Jeremia ngei chun a hril a, “Amen: LALPA chun chuong chun thaw raw se; Babulona inthawka hi hmuna, sala lo intânghai po po le, LALPA ina bûr le bêlhai chu hung la kîr dingin, i thuhril chu LALPA chun thaw raw se.
7Nisienlakhawm, mipui po po na hrieta le nangma na hriet ngeia hi thu ka hril hi tuhin lo ngai ta;
8Zâwlnei keia hma le nangma hmaa, kha hmaa lo um tahai khan ram tamtak chunga le, lalram ropui- takhai chunga le, indo thu dâm, thil ṭha naw thu dâm, hripui thu dâm an lo hril hlak a.
9Zâwlnei thlamuongna thu hriltu chu, chu zâwlnei thuhril chu a hung tlung pha chun, chu zâwlnei chu LALPA chun ama chu a tir taktak a nih ti hriet a nih,” tiin.
10Chun, zâwlnei Hanania chun zâwlnei Jeremia rînga rîngkawl chu a lâk a, a sukthliek tah a.
11Chun, Hanania chun mipuihai po po hmaihmaa chun thu a hril tah a, “LALPA chun hieng hin a tih: Hnam po pohai rînga inthawkin kum hni pumhlûm sûngin Babulon lal Nebukadnezzar rîngkawl chu hieng ang ngei hin ka sukthliek ding a nih, a tih,” a ta, zâwlnei Jeremia ruok chu a fe hmang tah a.
12Chun, zâwlnei Hananiain zâwl- nei Jeremia rînga inthawka rîngkawl a sukthliek hnung chun Jeremia kuoma chun LALPA thu chu hieng ang hin a hung tlung a,
13“Fe la, Hanania chu hieng ang hin va hril rawh: LALPA chun hieng- hin a tih: Thinga siem rîngkawlhai chu i sukthliek a; amiruokchu, an aia chun thîrin rîngkawl i siem ding a nih.
14Israel Pathien, sipaihai LALPA chun hieng hin a tih: Babulon lal Nebukadnezzar rawng chu an bâwl theina dingin hieng hnam po pohai rînga hin thîr rîngkawl chu kân kawl- tir tah a nih; ama rawng chu bâwl an ta, ramhnuoia ram sahai chenin ama chu ka pêk tah a nih,” tiin.
15Chun, zâwlnei Jeremia chun zâwlnei Hanania kuoma chun, “Hanania, tuhin lo ngai ta, LALPA chun nang a tir naw cheh a, nisien- lakhawm, hi mipui hi khêlthu chu în ringtir a ni hi.
16Chuleiin, LALPA chun hieng hin a tih: Ngai ta, leihnuoi chunga in- thawk hin ka tir hmang ding che a nih; LALPA kala khêlthu i hril leiin, tu kum hin i thi ding a nih,” tiin.
17Chuongchun, zâwlnei Hanania chu chu kum ma thla sarinaa chun a thi tah a.
Currently Selected:
JEREMIA 28: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
