JEREMIA 12
12
Jeremia thil ngên le Pathien dawnna
1Aw LALPA, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?
2Nang chun anni chu i phun tah a, anih, zung khawm an kei a; an hung inṭhang a, ra khawm an hung ra tah a; an baua chun nang chu i hla naw hleh a, an sûnga ruok chu i hla a nih.
3Nisienlakhawm, aw LALPA, nang chun i mi hriet a, i mi hmuh a, nanga tienga chun ka lungril chu i fieh a, sathattu ta dinga berâmhai ang chun kei suok la, thatna ding nia ang chun anni chu buotsai rawh.
4Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.
5Kea lâwn mihai leh in tlân a, an suksâwl hle che chun, sakawrhai le chun iengtin am inel thei i ta? Muong- na rama hman i tlu chun, Jordan ramngawa#tui lienah or ram pikah chun iengtin am thâwng i ta?
6I unauhai le i pa sûngkuo ngei chun, i chungah khawhlotakin an lo thaw tah a; i hnunga chun an hung khêk rak rak a; anni chu ring naw rawh, i kuoma chun thu ṭhatakhai hril hai sien khawm.
7Ka in chu ka mâksan tah a, ka rohluona khawm chu ka pei thlâk a, ka thlain a hmangai dittak chu a hmêlmahai kuomah ka pêk tah a.
8Ka rochan khawm chu ka ta ding chun ramhnuoia sakeibaknei ang a lo ni tah a; ka chunga chun a râwl chu a mîn suo khum a; chuleiin, ama chu ka theida a nih.
9Ka rochan chu ka ta ding chun vate ṭiel sa fa mi ang a ni a ni ta maw? A sîr vêl tina chun vate sa fa mihai chu an um a ni maw? Nang va fe la, ramhnuoia ramsahai po po chu kei khâwm la, fa zo dingin hung ṭhuoi rawh.
10Berâmpu tamtakhai chun ka grêp huon chu an suksiet a, ka chan chu an ke hnuoiah an sirde a, ka chan inhawitak chu thlalêr ram râusanah an siem tah a.
11Râusanah an siem tah a; râu- sana umin ka kuoma chun a ṭap a; mi tukhawma lungril a an sie naw leiin ram pumpui chu râusana siem a ni tah a.
12Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun LALPA kâwl- hnâm chun a fâk zo a, tisa hrimin muongna an nei nawh.
13Bu an chîng a, hling an sîk a; anni chu an insukna a, nisienla- khawm, iengkhawm a hlawk nawh, LALPA lunginsenna ṭiumtak lei chun i rahai chu inzapui i tih.
14Ka tuolbâwm rilohai po po, ka mi Israelhai hluo dinga ka ti lo tâwk- setu chunga chun LALPA chun hieng hin a tih: Ngai ta u, an rama inthawk chun anni chu hmalthlâng ka ta, anni laia inthawk chun Juda sûngkuo chu hmalthlâng ka tih.
15Anni ka hmalthlâk hnunga chun hung kîr nâwk ka ta, an chung- ah lunginsietna nei ka tih; chun, mi tin chu mâni rochan senga chun hung ṭhuoi nâwk ka ta, mi tin chu mâni ram senga chun.
16Chun, Baal kuoma ṭawng in- khâm dinga ka mihai an inchûktir anga, “LALPA chu a hring zing angin,” tia, ka hminga ṭawng inkhâm dinga, ka mihai lampuihai chu taima- taka an inchûk chun, ka mihai laia chun anni khawm chu siempuitling nîng an tih.
17Amiruokchu, an ngai naw chun, chu hnam chu hmalthlâng ka ta, hmalthlain suksieng ka tih, LALPA chun a tih.
Currently Selected:
JEREMIA 12: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
