ISAI 64
64
1Tlânghai chu i hmaa an luong thlâk dûl dûl theina dingin vân kha sukthlêrin hung ṭum thei hrâm la chu aw!
2meiin thing nawi a suk chawk a, tui dâm a sukso ang hin, hnam tin i hmaah an inthin a, nangma dotuhai che kuoma chun i hming chu in- hriettir a ni theina dingin.
3Kan beisei naw thil râpthlâk i thaw lai khan i hung ṭum a, tlânghai chu i hmaah an luong thlâk dûl dûl kha.
4 #
1 Kor 2.9 Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si nawh a, nain an hriet ngai nawh a, mit khawma an hmu ngai bawk nawh.
5Nang chun hlimtaka uma, fel- taka thawtu, i lampuihaia nangma hre zing hlaktuhai chu, i tuok hlak a; ngai ta, nang i lunginsen a, keinin thil kan suksuol a; chuongahai chun sâwttak kan lo um tah a, chuong- chun, sandamin la um thei kan ti?
6Mi inthieng naw angin kan lo um vawng ta sih a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.
7Chuongchun, i hming lama, nangma chel dinga mâni insukhar tukhawm an um dêr nawh a, keini kuoma hin i hmai i thup ta sih a; kan khawhlonahai hmangin i mi sukbo- hmang tah a nih.
8Tu ruok hin chu aw LALPA, nang chu kan pa i na; keini hi bepil kan na, nang chu a mi hemtu i na, chuong- chun, kan rêng hin i kutsuok kan nih.
9Aw LALPA, lunginsen talaw naw la, khawhlonahai khawm kumkhaw- tluong chun hre zing naw rawh; ngai ta, lunginsiettakin mi en la, kan rêng hin i mihai kan ni hi.
10I khawpui inthienghai chu thlalêrah a hung inchang a, Zion chu thlalêrah a hung inchang a, Jerusa- lem chu hmun râusanah a hung inchang ta hi.
11Kan in inthieng le kan in mawitak, kan puhaiin an lo inpâkna hlak che chu, meia raw a na; kan thil ditumhai po po hlak chu suksietin a um ta vawng sih a.
12Aw LALPA, chuong thilahai chun în sûm thei ding am a nih? I to zingin i mi sukrimsi nasa zing ding am a nih?
Currently Selected:
ISAI 64: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
