ISAI 62
62
1A felna chu varna anga ân suoh a, ama sandamna chu khâwnvar chawk anga ân suo hma- khat chun, Zion leiin to zing naw ningah a, Jerusalem leiin um ṭawk ṭawk naw ningah.
2 #
Tp 2.17
Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun, hming thar, LALPA bauin ân put ding chun ko an ti che.
3LALPA kuta mawina lallukhum le Pathien kuta ropuina lukhum ni bawk i tih.
4“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah”#ka lâwmna chu amanuah a um. ti lem tâng an ti cheh a, i ram khawm chu “Beula”#Nuhmeia nei tah ti bawk an tih, LALPA i chungah a lâwm sih a, i ram khawm- in pasal a nei ding a nih.
5Tlangvâlin nunghâk nuhmeia an nei hlak ang hin i naupasalhaiin nu- hmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.
6Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni LALPA hrietpuitua umhai, um ṭawk ṭawk dêr naw ro,
7ama khawm chu inumtir ṭawk ṭawk naw ro: Jerusalem hi a sukdet a, hnuoia hin inpâkuma a siem hmakhat chun.
8LALPA chu a changtieng le a bân hrâttak sâlin ṭawng ân khâm tah a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:
9a sîktuhai chun fa lem tâng an ta, LALPA chu inpâk an ta; a lotuhai chun ka hmun inthieng inhuonna tuollaia chun dâwn tâng an tih,” tiin.
10Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.
11Ngai ta u, LALPAIN leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.
12Chuongchun, anni chu Mi Inthienghai, LALPA intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a tih a.
Currently Selected:
ISAI 62: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
