ISAI 51
51
Zion kuoma thlamuongna thuhai
1Felna hnawttuhai, LALPA zawngtuhai, ka thu hi lo ngai ta u; nangni sutna lungpui tieng le khursûnga nangni cho suokna khur tieng kha en ta u.
2In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.
3LALPA chun Zion chu a thla- muon ta sih a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu LALPA huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.
4Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni sih a, mi tin enna dingin ka rorêlna chu inchâwltir ka tih.
5Ka felna chu a hnai a, ka san- damna chu a suok tah a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.
6 #
Heb 1.11
Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.
7 #
Mt 10.28; Mt 24.35; Tt 5.41; 2 Pet 3.10 Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.
8Hângthimin silfên a fâk siet vawng angin anni chu a fâk siet vawng ding a ni sih a, a ngein sahmul a fâk angin anni chu a fâk ding a ni sih a; ka felna ruok chu kumkhuoin um a tih, ka sandamna chu suon po po chenin um bawk a tih.
9Aw LALPA bân, har la, har la, hrâtna thar inbel rawh; tienlaia, tien- lai suonhai um laia i har ang khan har rawh. Nang hi Rahab#Thusima “Tuipui khawhri” an ti el hlak sa ṭium tak inmâwkna le suol hrilnaa hmang; a chângin Aigupta inentirnaa hmang mi bawk hlak chu sât nawi- tu, dragon suntu kha i ni an nâwm a nih?
10Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?
11Chun, LALPA intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.
12Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,
13LALPA nangni siemtu, vân kei- phara leihnuoi innghatsanhai phûm- tu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i nih a? Nêksâwrtu lunginsenna chu khâwlai am a um ta a le?
14Sal ṭhuoi hmanga um chu inrangtaka insuoin um a ta, thiin khursûngah fe naw nih a, a bu chu um naw bawk naw ni.
15Kei LALPA i Pathien, a fâwnhai chu inri hum hum khawpa tuisuoriet chawklettu chu ka ni sih a; ka hming chu sipaihai LALPA a nih.
16Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.
17Aw Jerusalem, LALPA kuta inthawka a lunginsenna noa mi dâwntunu, har la, har la, tho rawh, nang chun pêm pêmna no berbua mi chu i dâwn a, i dâwn fai rêt a.
18A naupasal neihai po po lai chun ama ṭhuoitu ding tukhawm an um nawh a; a naupasal châwm lienhai po po lai chun a kuta chel tukhawm an um bawk nawh.
19Hieng thil pahni hin a bur ta che hi; tuin am a ṭhangpui ding che a na? Rausanna le sietna dâm, ṭâm le kâwlhnâm dâm hin; iengtin am thlamuon ka ti cheh a?
20I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, LALPA lunginsenna le i Pathien kâwkna chun an sip tah a nih.
21Chuleiin, nang sukrinum le uoin inrui ni si loa mi inrui, hi hi lo hre ta rawh:
22i LALPA Jehova, i Pathien, a mihai thu hrilpui hlaktu chun hieng ang hin a tih; “Ngai ta, pêm pêm- na no, ka lunginsenna no berbu ngei chu, i kuta inthawkin ka lâk suok tah; dâwn nâwk ta naw ti ni;
23chuongchun, nangma sukrimsi- tuhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtu- hai kuoma chun i ruongzâng chu leilâk ang le kawthlêr angin i daw kha,” tiin.
Currently Selected:
ISAI 51: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
