ISAI 46
46
1Bela chu a lo kûn zing a, Nebo chu a lo insukhnuoi zing bawk a; an milimhai chu ran chunga le sa chunga chun an dawm kai tah a; Milim phurlawna umhai chu phurrik, sa châu ta dinga phurrik an nih.
2An lo insukhnuoi zingin an lo kûn tâwl seng a, phurrik chu an sanhim thei si nawh a, anni ngei khawm chu sala ṭhuoiin an um ta lem a.
3Aw Jakob sûnghai le, Israel sûng- hai laia hlabîkhai po po, phînga inthawka ka puok a, sula inthawka ka pawm tahai, ka thu hi lo ngai ro;
4in tarkûn chen khawma ama chu nîng ka ta, in lua kêlsam a ṭo vawng chen khawma pawm ka ti cheu, keiin ka siem a, keima bawkin ka puok a, anih, kei chun pawm ka ta, sandam ka tih.
5Thuhmuna ngai kan nina dingin tulêm in mi tekhi a, tu tluk âm in mi siem a, tu lêm mi hrilkhîng in ta?
6Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.
7An liengkoah an put a, an fepui a, a hmun dinga chun an sie hlak a, a ngîr ta zing a, a umnaa inthawk chun insawn ta naw nih: anih, miin ama chu ko an ta, nisienlakhawm, dawn thei si naw ni a, an lunginzîngnaa inthawkin sansuok thei chuong naw ni.
8Aw bawsetuhai, chu chu hre zing unla, insukpasal unla, hre suok nâwk ro.
9Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:
10keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka tih a,
11khawsak tienga inthawkin vate hnukinrâwltak, ram hlataka in- thawka ka mi ruot chu ka ko a, anih, ka hril tah a, muolsuo bawk ka tih; ka tum tah a, thaw bawk ka tih.
12Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;
13chuongchun, ka ropuina Israel- hai ta dingin sandamna chu Ziona chun sieng ka tih.
Currently Selected:
ISAI 46: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
