ISAI 25
25
Lalpa ditsakna leia inpâkna hla
1Aw LALPA, nang chu ka Pathien i na; chawimawi ka ti cheh a, i hming inpâk ka tih; thil maktak, inhmaa remruothai chu, ringumtak le thutakin i thaw sih a.
2Khawpui khawm hnuoi pâwngah în changtir a; khuo kulpui nei khawm khaw ṭawpah în changtir a; ram dang mihai lal in khawm bâwlin um nâwk ta naw nih.
3 #
Tp 11.13 Chuleiin, mi hrâttakhai chun chawimawi an ti cheh a, hnam ṭium- tak khawpuihai chun ṭîng an ti che.
4Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.
5Hmun ṭâwla khaw lum chu i sukre hlak ang hin ram dang mihai ri chu sukbo i tih, khaw lum chu sûm hlieha sukboa a um hlak ang hin, mi ṭiumhai hla sak chu sukboin um a tih.
6 #
Tv 9.2; Mt 22.4; 8.11 Chun, hi tlânga hin sipaihai LALPA chun mi tinrênghai ta dingin thil thauhaiin ruoi ṭhêng a tih, uoin- hai a fe le inchie zing, thil thautakhai thlina sip, uoinhai a fe le inchie zing ṭhataka thlit fai chu.
7Chun, mi tinrêng an inkhumna le, hnam tinrêng an inkhumna chu, hi tlânga hin suksieng a tih.
8 #
1 Kor 15.54; Tp 7.17; 21.4 Thina chu a lem sawng tah; Lalpa PATHIEN chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; LALPAIN chu chu a hril ta sih a.
9Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.
10Hi tlânga hin LALPA kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni sih a.
11Chuongchun, tui inhlieuin tui inhlieu dinga a vai ang hin, chu lai chun a kut chu vai a tih; chun, a chapona chu a kut vervêk pum chun LALPA chun sie hnuoi a tih.
12Chun, i kul banghai, in insâng kulpui chu sukchimin, sie hnuoiin, hnuoiah, pilvut tlung khawp rakin sukthlûng a tih.
Currently Selected:
ISAI 25: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
