ISAI 17
17
Damaska chunga rimsikna hung tlung ding
1Damaska khaw phurrik chu. Ngai ta, Damaska chu khaw- pui ni ta lo dingin lâk hmang a ni tah; chuongchun, in chim khâwm el ni tâng a tih.
2Aroer khuohai chu tlânsanin a um tah; berâm ruolhai umna ding ni el a tih; chuong chu bawk an ta, tukhawma sukṭi naw ni hai.
3 #
Jer 49.23-27; Am 1.3-5 Ephraima inthawka kulpui chu bo a ta, Damaskaa inthawkin ram chu bo a tih; Suria ram la um sunhai khawm chu bo a ta, Israel thlahai ropuina ang chauin um an tih, sipaihai LALPAIN a tih.
Israel chunga rorêlna
4Chu nia chun, Jakob ropuina chu sukchêrin um a ta, a tisa thâuna chu hung chêr tâng a tih.
5Chuongchun, bu sîktupain bu a lâk a, a vuihai chu kuta a ât bawng ang el hi nîng a tih; anih, Rephaim ruoma mihaiin buvui hmu ṭhel an rût ang el hi nîng a tih.
6Nisienlakhawm, oliv thing vuok hnunga a zikpui insângtak lêra ra pahni pathum amanih, thing ratak zâr seitaka hai pali panga amanih a um hlak ang hin chutaka chun hmu ṭhel rût ding la um a tih, LALPA Israelhai Pathien chun a tih.
7Chu nia chun miin anni siemtu tieng en tâng an ta, an mithai chun Israelhai Mi Inthieng chu inza tâng a tih.
8Mâichâm anni kut suok tieng chu en ta naw nih a, anni kuta siem Asera amanih, nisa limhai amani khawm inza ta naw ni hai.
9Chu nia chun an khaw dettakhai chu rampui le tlâng sîpa hmun tlân- san hnung, Israel thlahai hmaa an tlânsan hnung ang khan nîng a tih; chuongchun, hmun râusan ni tâng a tih.
10Pathien i sandamtu i theinghil a, i hrâtna lungpui chu i hriet zing si nawh a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;
11i phun ni chun în huon vêl hlak a, zîngkâr chun i thil chi chu i sukpâr hlak; nisienlakhawm, a ra lo chu lungngaina le natna nasatak nia chun a bo el hlak.
12A mipui tamtak inri dur dur, tuisuoriethai inri dur dur anga inri dur durhai le hnam tin inri hum hum, tui nasatak inri hum hum anga inri hum humhai chu aw!
13Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.
14Zântieng chun ngai ta, thil râp- thlâktak a um a nih; chun, khaw var hmain an um ta nawh. Chu chu râl- lâka mi lâkpêktuhai chan a na, a mîn rûkpêktuhai puol chu a ni bawk a.
Currently Selected:
ISAI 17: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
