HABAKKUK 1
1
Habakkukin indik nawna a sawisêl
1Zâwlnei Habakkukin chungrikna a hmu chu:
2 #
Is 13.1—14.23; Jer 50.5 Aw LALPA, ka ko chein, iengchen am,
Ngai loa i um ding chu?
“Inpâwngnêkna” tiin ka ko che a.
I sandam naw el ding chu?
3Iengdinga suolnahai hi i mîn hmutirin,
Iengdinga lungngaina hi i mîn entir am a na?
Suksietna le inpâwngnêkna#Hrohrângsietna chu ka hmaa hin a um a,
Insuolna a um a, indona a hung suok hlak a nih.
4Chuleiin, dân chu a dul a, rorêlna chu a zîksuok thei nawh a,
Mi rilohai chun mi fel chu an inhuol vêl sih a;
Chuleichun, rorêlna chu a fe suol hlak a nih.
Kaldai mihaiin Juda an hrem ding thu
5 #
Tt 13.41 Nangni hnamhai laia mihai, en ta u,
Ngaisak unla, maktitakin ngaituo ro.
Hril ni unla khawm in âwi nâw ding
In hunahai hin sin ka thaw ding a nih.
6 #
Tp 20.9 Ngai ro,
Kaldaihai kân ngîr suok a nih,
Hnam ti rawk rawk le khatak elhai chu.
Anni chu, anni ta khawm ni lo umna hmunhai chu,
Nei dingin hnuoi khang dâpin an hung a.
7Anni chu ṭium le pangzatumtak an na;
Annia inthawk chun an rorêl le inlalna chu a fe suok a.
8An sakawrhai chu keitêhai nêkin an hrât lem a,
Zântienga satenehai nêkin ṭi an um lem a nih;
An sakawr chung chuongmihai chu chapotakin an inân a;
Anih, an sakawr chung chuongmihai chu hlataka inthawkin an hung a,
Mupui sa baw vuong angin a vuongin an vuong a.
9An rêngin pâwngnêk dingin an hung a,
Khawsak thli ang elin an hmêlhai chun a ngerin an nger a,
Salmanhai chu phaiphin angin an lâk khâwm a.
10Anih, lalhai chu an nuisan a,
Mi lienhai chu an ta ding chun hmusitum an nih a,
Kul det tinrênghai chu an nuisan a, pilvut a sungvûmin a lâk nâwk hlak sih a.#Pil an dêng pâwnga an lâk pei el hlak a
11Thli angin an mût a, bâwthleng an ta,
Thiemnaw changin um an tih,
Anni thilthawtheina ngei pathiena neituhai chu.
Habakkukin Pathien a sêlna
12Aw LALPA ka Pathien, ka Mi Inthieng,
Nang chu chatuona inthawk tah i ni nâwm a nih?
Thi nâwng kan tih.
Aw LALPA, ama chu rorêlna dingin i ruot a,
Aw lungpui, nangin ama chu sukdikna dingin în ngîr a ni kha.
13Nang chu suolna hmûna hlak nêka mit inthieng lem nei i na,
Khawhlona chu i en thei naw a nih,
Chuleiin, khawhlotaka thawtuhai chu hmu zingin,
Mi riloin ama nêka mi fel lem a lem zo lai khawmin,
Iengdinga i tosan ṭawk ṭawk am?
14Mihriemhai chu tuisuoriet ngahai anga,
Thilhring bawka invâk, an chunga rorêltu nei lohai
Anga siemtu chu i ni nâwm a nih?
15Ama chun anni po po chu ngakuoiin a lâk a,
A lênin a man tâwl a,
A keihrui chun a hnûk khâwm a;
Chuleichun, a hlimin a lâwm a nih.
16Chuongchun, a lên kuoma chun ân thâwi a,
A keihrui kuoma chun riminhnik a rawh a,
Anni zâra a chan chu a hung thâu a,
A bu chu a hung tam leiin.
17Chuleiin, a lên chu sukruok nâwk hlakin,
Hnamhai that zing el chu a ma naw ding am a nih?
Currently Selected:
HABAKKUK 1: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
